حركــات البنات في المنتديات
 

السلام عليكم ورحمة الله وبركاته

شوفوا حركات البنات في المنتديات ,,, كـــــــــــاش في الويه

بليز محد ( يشب ضو ) من البنات خخخخخخخ

1) اونها عاد تبا تبين للعالم انها دلوعة و رقيقة و حساسة ,, نشوفها دوووم حاطه صور يهال او صور ورد احمـــــر (اونها رومانسيه) ولا صور شخصيات كرتونيه ( ليدي و سالي) اونها نونو ...خخخخخخخ ,, والحبيبه دووووم تكتب بالوان هاديه (وردي و احمر) مسويه عمرها بنـــــــــــــــــوته !!!

والله كلــــــــــــــــــــــــــــــــه حركـــات

2)واذا اطرحوا موضوع يخـــوف و حطوا صور تخــوف (اووف عاد)
تشوف الردود كالآتــــــــــــــي :
واااااااااااااااااااااي اهئ اهئ / حراااااااااام عليكم خوفتوني
لا لا لا ما اتحمـل بصيح بصيح /ماماتي لا لا ما بنام روحي اليوم بسير بنام عند مـــــامي / لا لا مستحيـــــــــــــل ابي امي ابي ابوي ابي زوجي ,,,,
( اونها عاد خايفه و ما تتحمل ) خخخ

3) ويه عاد حتى في المرض يتصنعون الدلع و الرقة

واااااااااااااااي انا مزجمة و خشمي منسد ... واااابويــــــــي
ما اقدر اتنفس , الحقووا علي بموت ,,,, يا ويـــــــــــــلي
اهئ اهئ ... مابا اسير المستشفى اخاف من الابرة

امــــــــــــــــي ,,, لا مابا
اهئ اهئ ( توقف الصياح و تكح) كـــــــــــــح كــــــــح كح
شوي وترجــع على الكيبورد ( الله يعزكم ) و يشوط الكهرب
( بالله عليكم هاااي نعووومة ... خلت كيبل الفريج ينقـع )


4) كله كوووووووووووووم و الدراسه كوم ... اذا كانت تدرس في جامعة و لا كلية ,,, تبا تخبر كل اعضاء المنتدى انها جامعية (مو مصدقة) ... و تقعد عاد تتكلم عن السير الفلاني وعن كلاساتها
و اذا عليها Quize لازم كل الاعضاء يعرفون !!! تنزل موضوع طول و عرض و آخر شي يطلــــــــــــــــــــع :

امييييييييييييييييييييييييييييه . والله خايفـــه من Quize باجر و مب قادره اذاكررررر ,, والله ملانه و جبـــــــــــدي لايعــة
ياااااااااااااااااااااااااااا ربي ,,, شو اسوي اهئ اهئ

( و تلقاها من هاك الصوب عليها امتحان علوم / ثاني اعدادي خخخخ لا و مسائي بعد!!!)


5) دووووم تمثل دور البنت المدلله اللي ما ينرفض لها طلب

اذا تكلمـــوا عن طبيخ ,,, قالت : ( وع انا مادش المطبخ ... اخ كابوس .. اصلا نحن عندنا 3 طباخين )

(( كله جذب ,,, تلقى اهلها كارفينها كراف من غسل المواعين و الجدور .. حتي السيايير يمكن هي تغسلها ))


6) و اذا اطرحوا موضوووع عن دووول سياحيه (غاليه ها) قالت : عاااااااااااااااااادي انا كل صيف اسير لها و اصلا نحن عندنا محلات و عقارات هناك

(( والله و لا شبرت هالاماكن .. اصلا موقع الدوله عالخريطة ماتدله ))


اووووووووووووووووف عااااد شوفوا الجذب

7) اذا تكلمــوا عن الماركات و المحلات الراهية و الازياء و المصممين

( اصلا انا سوعي كلها من هالماركة و مكياجي ما اشتريه الا من هالمحل و المصمم هذا اصمم عنده (بيجاماتي) و جلابيات البيت احم احم ... من الجذب تغص خخخخ)

(( و هيه وايد عليها اذا بتشتري سوعها و مكياجها من الهنود اللي يدورون عالبيوت



خخخخخخخ و حليلهن هن يسون جذه يعوضن النقص اللي يحسن به .... و لا الحين في ذمتكم شي بنات رقيقات جذه
اصلا 70% من البنات دفشـــــــــــــات و ال 30% اللي بجن ترا بالغلط نعوووومات (( بس في المنتديات و الجات))


اي رقة اي نعومة اي خربطان ,,,

((( بسكم حركـــــــــــــــات تراها ماتطووووف عالتماسيح )))

اللي ما يطــــــــــــــــــــــــــول العنب حامض عنه يجـــــــــــــــــــــــــــــــــــــــــــــــو ل

اخي المهدي قد اطنبت فاطربت ,ولو اوجزت لأبدعت !!!!!

وازيدك من الشعر ((سندجه))البيت وايد عليك ...حتى عندما ياكلن تخيل عاااد ما نظام ومعروفه وجبتهن الصباحيه ((عشر ونصف صباحا بالضبط ))
هي خبز وجبن وبطاطس وديو وووووواااايي عاااد اذيه احسن وجبه البيتزا ما تكافيهااا ...

ايش يسوين شوف الدلع ...يغمسن الخبزه بالجبنه شوي شوي وبعد بنظام حتى لا يطلع الجبن من حافه الخبـــــــــــــــــــــــــــــز!!!!
ثم يضعن شرائح البطاطس على الخبز المغمس ويسون مثل السندويش ...الان الدلع ياتيك شوف يضعن الخبز على شكل سندويش داخل كيسة البطاطس عشان البطاطس اللي في الخبز ما يتنغثرن وياكلن شوي شوي ويسيحن(((جعلانيه بحته من العيار الثقيل هالكلمه ))) بديو لا والادهى والامر عندما تلزهن عشان يجاسمنك يقول نفلاي ...وعاااد التماسيح يموتوا قهر ما يعرفوا انه كله بقيمه 200 بيسه لا اكثر ولا اقل ....بس هم يقتلهن النظام اعني التماسيح ......!!!


شكلي طولت عليكم ....شرررررده عطروه بتلوحني بعسو لاني كشفت احد اهم النظام الغذائي لهن ....


تشكر المهدي على الموضوع العســــــــل!!!

محبكم ...

ما عليك الأزيب لو جنبي الحين كان لحتك بنعالي العسو ما يعور كثر النعال
بس بعدكم تغاروا ومهما جلتوا ما تستغنوا عنا :) يسدكم غسالة ملابسكم وأكلكم اللي 24 ساعه نكرف فيه علشانكم وانتوا نو وااااااااااي ما تقدروا ناكرين للمعروف من يومكم

ههههههههههههههههههههههههههههههههههههه
والله كل اللي قلته يالمهدي صح عن البنات ومحد ادلع عنهن
موضوعك عجبني يالمهدي وتسلم

اسمنا بنات من حجنا ندلع

ادلع اصلا لنا

موووووووتوا قهر.................:)

دوكم بوه يتكلم
اصلن نحنا دلوعين ومعروفين
ولايق حالنا الدلع
لكن انتوه الدفشين البر ما زاهي حالكم

عطر من ما يطول العنب اليوم

الازيب مشكور على الاضافه الجميله وخلي بالك لاترميك عطر

البرهان وانت الاحلاء ان شاء الله

سحاب قلنا دلع مب كيه مصختوها

ريمو ما قلنا شي بس هلله هلله بعمركم اشويه

مشكورين جميعن على المرور والمشاركه

تحياتي المهدي

ههههههههههههههههههههههههه
والله انكم اتضحكووون

هاتي علومك شجونوووووة

والله صدجت يالمهدي ترهن الدلع عندهن وايد

الحمدللـــــــــــــــــــــــــــــــه وبعدين ترى الأزيب مايهون علي أرميه :)

شوتجولي عطروه عند الدلع

احم احم ...من طيب اصلك يا عطر..سحليه معتدله..

عطر ما شاء الله تمكن رائع من اللهجه الجعلانيه ...ما شاء الله اللهم لا حسد ...((انكليزي وعربي جعلاني ))

على فكره أنت خريجه اي جلسة عيايز .........ههههههههههههههههه

نعال ورايه .....شرررررررررررررررردة!!!!

ههههههههههههههههه
الأزيب وأنت خريج أي جلسة شوبه (شياب)

ما تقول شي سحابه طايره
ههههههههههههههههههههههه

اشوف رمي نعال وعجايز

شو السالفه .. كله ذي علشان غيرة الشباب من البنات

لا حولة ولا قوة الا بالله .. صدق انه كل نعمه ولها حاسد
عادي اذا غيرانيين منا تتدلعوا مثلنا يا الدفشين.... ما في مشكله

سلاااااااااااااااااااااااااااااااااااااااااااااااا ااااااااااامي

جاتكم الفيلسوفه نور
لاغيره ولاهم يحزنووووووون
بس مصختوها شويه بس ما وايد
تحياتي المهدي

محد فالدنيا متدلع غير البنات ............. شدعوة يحافظ

تعرف ليش لأنهن شايفات نفسهن فوق

الحمدلله أنها جات منك ياجعلاني أحنا ما شايفين نفسنا فوق إلا لأننا فووووووووووووووووق

بدت الحراره ترتفع مع عطر...
من اليوم ما شايف نفسه فوق يا عطر
محد احسن من الثاني وجعلاني ما يقصد شيء..

تحياتي مهداااااااااااااااااوي

تعرفي ليش عشان إنكن بطرانات وتبن الشباب يلحقوكن

والله انا معك ف كل اللي قلته بس ف شوي مبالغه

وذا البنات ما ادلعوا من اللي بيدلع

.
بس الدلع في حدود ولا أنا غلطان أختي ريم البوادي :confused:

سبحان الله البنات عندهن نوعيه من التصرفات فيها شيء من التخلف ما اعرف كيف
الله يهديهن دنيا وآخره

والله يمكن يالبرهان

الله يهديك نوع من التخلف

بس تعرف التخلف افضل من التهور اللي ممكن اوصفه عندكم انتو الشباب

تعرفوا البارحه شفت وسائط صدج عورني جلب والسبب تهوركم انتو الشباب
كانت عباره عن تخميس سيارات واحد مطلع نص جسمه من دريشة السياره وطاح وطاحت فيه السياره وينه الحين
لما سالت خبروني انه مــــــــــــــــــــــــــــات الله يرحمه فايش أحسن؟


اعتذر طلعت عن صلب الموضوع بس لانه الصوره بعدها ي بالي حبيت اخبركم بها

أحيانآ نسوي حاجات ما تقدرن تسونها

سحاب وما خفي كان اعظم

عاد البنات عليهن بعض الحركات ما كلها بس شو نسويبهن

اصلا احنا بنات
والدلع لايق علينا
وانتو تغارو منا لانكم دفشين
ادلع يا كايدهم
خليهم يشوفونك
علمهم اصول الحب
عطهم نظره بعيونك

شو العنود صح البنت تدلع بس ما وايد وأشوفك مغنيه شئ حلو

من هين دلع الجعلااني نسن اعمارهن وهن يغسلن الصحون ويقشرن بصل
هههههههههههههههههههههههههههههههههههههههههههههههههه ههههه
سلاااااااااااااااااااااااااااااااااام ياصاااااااااااااااااااااااااحبي

تراها شغلتهن يالطوفان

ههههههههههههههههههههههههههه
يغسلن الصحون ويقشرن بصل حرام عليك يالبرهان
البنات اعتزلوا هالفن وقاموا الشباب اهم اللي يشتغلون هالشغله حتى اسألوا المشتاق (سوري يالمشتاق)
وبعديين تعالوا انتو ليش حاطين دوبكم من دوب البنات، ياخي اتدلوعوا محد يودكم.

ليش شجووون هذي شغلتكن ولا تتبرن منها والطوفان متكلم ما البرهان ولا دار رأسك

لا هاي هب شغلتنا شغلتكم انتوا
وسوري يالبرهان كنت اقصد الطوفان (سشوي النيك نيم مالكم على نفس الوزن).

إنتن البنات وحن نعرف طبعكن

شكرا يالمهدي على الموضوع الجيد
وإلي رفع حرارة البنات

إلحين كل البنات يتمنوا يشوفوك على شان كل وحده تضربك بنعالها
تعرف ما يضربن إلا بالنعال (تراه دلع)

ملاحظه:
((وين أخواني وأخوتي الأعضاء كل المشاركات من الإداريين والمشرفين يمكن إثنين أو ثلاثه من الأعضاء))