المشاركة الأصلية كتبت بواسطة ملاك جعلان (المشاركة 488814) يوم مميز وراقيـ،، تسـلمـ أخوي وان شاء الله يخلص العيد وثالثـ يوم العيد يتصلوا فيك محصل ع عمل ان شاء الله

يالله اني بكتبي يومياتي الحين

لانه بلسم الوجود طلبت مني<<<<<<<<<<<<<<< عيار كأنه مب هو داز بويههbiggrin

وبدز بويهي والسموحة من البقية وخصوصا لمسات الشوق لانه جعلاني خلاص كتب

انا بكتب لاني ملان مسكين صارله اربع سنوات ما يعيد مع اهله<<<<<<<<<<<< الحمدلله على كل حالredface.

والله يومياتي كانت غير شكل في هذين اليومين قصدي ايام العيد

بكتب اللي صار في اليومين على شكل يوميات وتحملوني عاد<<<< ناوي نيةeek.

اولا للي ما يعرفون انا ادرس في بريطانيا والمدينة اللي ساكن فيها تتبع السعودية في الصيام والافطار

لذلك عيدنا يوم الثلاثاء على علم اني بديت الصوم في عمان لذلك باجي لي يوم واحد لازم اقضيه

قمنت الساعة 7:00 الصبح تسبحت ولبست الثوب العماني وطاقية ما عندي مصر

زميلي تجهز قبلي وطلع يجيب زميلنا الثاني

رحنا المصلى اللي هو قاعة في الجامعة وابتدينا الصلاة 7:50

خلصنا من الصلاة 8:15 حتى ما انتظرنا الخطبة شلينا انفسنا وسيدة على الكلية

دوامنا يبدأ 8:30 والحمدلله وصلنا 8:30 الكلية وبالثياب العمانية ما غيرناها لضيق الوقت

كل الطلبة مستغربين واللي يبارك لنا بالعيد والى اخر<<<<< فرحانين شخصيات بالعمانيbiggrin

درسنا اشوي وعطانا الاستاذ استراحة قصيرة رحنا وبدلنا ثيابنا ورجعنا الصف

بعدين جاءت الاستراحة الصباحية ورحنا محل اسمه coop وكله يشغل حريم عيايز ما ادري ليش ما يشغل عرب اخذنا حلاوة للصف

وحطيناها في الصف ومررناها لحد ما خلصت.

خلصنا الدوام رحنا البيت صلينا وكان معنا موعد مع الاخوان السعوديين نلعب تزلج في صالة مغلقة

واستوت الخبصة واستوت الانقلابات<<<< هيش درانا بالجليد من بين الجبال لوسط الجليد

الحمدلله تحسن مستوانا وتمينا نتحرك شوي وانقلبت تقريبا 5 مرات

بس مثل ما يقول المثل ليس العيب ان تطيح لكن العيب ان تطيح وما تقدر تشل عمرك<<< باللهجة المحلية

اخر محاولة لي كنت اريد امسك الحاجز ومسكته لكن رجلي انزلجت على وراء واشتد بطني ونقع ظهري

ما قدرت اتنفس بس الحمد لله يوب ما انكسر ظهري

خلصنا من التزلج ورحنا الهوليدي ان وشربنا hot choclate

المهم زميلي وداني المغرب البيت وراح عني

جلست فالبيت على النت واتصلت في اصدقائي في لندن اكلمهم

خلصت من المكالمة قلت خليني اطلب لي عشاء من طعم ليبي وعندهم خدمة توصيل

جيت اتصل التلفون مافيه رصيد لاحول الله كيف اريد اتعشى بكرة ورايه صوم (اللي لازم اقضيه)

فكرت بطريقة

قلت اركب بطاقة عمان وارسل رسالة لزميلي علشان يتصل فيه على تلفون بريطانيا واخليه يتصل فالمطعم<<< ذكي اهههbiggrin


رسلت له hello can u call me in English phone

تم التسليم وحولت البطاقة بسرعة بسرعة علشان الحق على اتصاله

انتظر 5 دقائق مشي فايدة

ركبت البطاقة مرة ثانية بس الرسالة ما مشت

زميلي ما يقدر يفتح تلفونه لانه مخرف فما قراها رسالتي

فشلت المحاولة الاولى

قلت اجرب الثانية

لما انا متصل في اصدقائي في لندن سمعت صوت مسنجر وهم حاطين اوف لاين

قلت ادخل المسنجر واكتب لهم ويتصلوا فيه وتنحل المشكلة

كتبت لهم بس ما يستقبلوا

فشلت المحاولة الثانية

لا حول ولا قوة الا بالله

قلت اجرب الخطة الثالثة

في معنا في الفودافون خدمة تعبئة رصيد عن طريق بطاقة البنك

سجلت فيها وحاولت اعبي قالي لازم تنتظر 24 ساعة لحد ما يتم تفعيل الخدمة

يا عالم يا ناس بموت من اليوم مب ماكل شي من الصبح الا ساندويتشه والساعة 10:00

قلت بانتظر زميلي امكن الحين يرجع بس اخاف يتأخر

قلت مشي الا اني اسوي الحل الرابع

اخذت السيكل ورحت اجرب محل وعبيت رصيد واتصلت فالمطعم واكلت والساعة 12 رحت انام

على الساعة 12 دخل زميلي البيت وخبرته بالسالفة وتم يستسمح مني

قلت له انته ما سويت شي سبحان الله تلفونك ضايع ما تنلام.

هذي هيه يوميات اليوم الاول

معي يوميات يوم الخميس كانت جميلة ومرحة

اذا بغيتوني اكتبهن ولا يهمكم

سوري على الازعاج والتطفل

سلام

بس مثل ما يقول المثل ليس العيب ان تطيح لكن العيب ان تطيح وما تقدر تشل عمرك<<< باللهجة المحلية

الله يعين المنصور

اهم شي العشاء فارسة

يالله خلوني اخلص اللي عندي والسموحة منكم

معانا زميلين من سلاح الجو خلصوا دورة عسكرية لمدة 8 أشهر

وعاد اليوم الخميس 2\10\2008 حفل تخرجهم

المهم نحن ضمن المدعوين للحفل

ولازم الحفل يكون ببدلة رسمية وربطة عنق وحاله

جهزنا اغراضنا يوم الاربعاء بالليل وجلسنا نشوف التلفزيون

في برنامج عن السمنة في امريكا

والله حلقة تكسر الخاطر

امريكي وزنه 500 كيلومتر<<<<<<<<<< محد انتبه قصدي كيلوجرام

يالله الله على جسمه ضخم جدا تصدجون 4 سنوات ما قام من فراشه

لا استحمام لا نظافة يتوسخ في مكانه كل شي

حتى انه الفطريات منتشرة في جسمه من تحت لانه ما تحرك 4 سنوات

جلسنا نتابع البرنامج لحد الساعة 2 بالليل المهم الريال فقد من وزنه لحد الان 200 كيلوجرام

تصدجون تمون يقصون كتل من جسمه ويرمونها<<<<< لوعت بجبدكم سوري بس برنامج يكسر الخاطر

نمنا وقمنا واحد بعد واحد نسبح ونتلبس اللبس الرسمي

جاني زميلي يورجني الساعة 5 وانا خبر خير من التعب

المهم لبسنا وكشخنا وطلعنا على القاعدة العسكرية

استقبلونا وشربنا شاي واخذنا جولة

وصلنا عند رجل بلاستيكي هذا اللي يحطوا عليه لباش الجيش

ومحطوط عليه بندقية

جينا ولعبنا به لحد ما فقد التوازن

حاولنا نرفعه لكن يرجع وشي ويطيح

شو الحل الحين؟؟

مشي حل الا انه ندكي عليه مضاد الرصاص

ونروح عنه واذا طاح محد عنده خبر

شوي ويطيح التمثال كرااااااااااااااااااااااااااااااااااخ

ونحن كأنه ما مستوي شي

عدلوه ورتبوه وكملوا جولتهم

بعدين دخلنا فقرة التخريج

اول شي شفنا فيديو للمعسكرات اللي سووها

هيش كراف هيش تعب هيش حفر خنادق!!!!!!!!!!!!!!!!

وانا دقيقة قائم ودقيقة اشخر<<<<< كناية عن النوم خخخخخخخ

خرجوا الشباب وبعدين رحنا المتحف اخذنا جولة وصور

وبعدين رحنا على الغداء

قالوا لنا لحم حلال ما ندري عنه عاد اكلنا وبس

اول شي يابوا لنا دياي قلنا اوكي حلو

بعدين لحم انا وواحد من الربع استعملنا السكين الخطأ للدجاج وخلينا السكين الخطأ للحم

مافيها ضروس جلس عابل اللحم

اللحم ما مطبوخ زين وعاد على السكين تم يقطر دم ما كملتها صراحة كلت البطاط والسلام عليكم

ولوعوا جبدنا بالاتيكيت حط الشوكة بهذي الطريقة

واشرب بهذي الطريقة وانتظر العميد لحد ما ياكل وبعدين كل

المهم نهاية الغداء يتكلموا ويقولوا بنخب كذا وكل الجماعة يرفعوا يديهم ويشربوا

واحد من الربع ما يشرب غازات وكوبه كان فاضي

شو سوى اخذ الكوب الفاضي وخلى نفسه كأنه يشرب

خلصت الحفلة اخذنا بعض الصور

ورجعنا على بيتنا

على فكرة في التخريج صلوا صلاتهم المسيح ونحن كل واحد منزل رأسه.

هذا ما كان يجول في خاطري

حبيت اشارككم فيه والسموحة على فضولي وتطفلي مرة ثانية

المشاركة الأصلية كتبت بواسطة seesaw (المشاركة 489837) الدور للي بعدي

المشاركة الأصلية كتبت بواسطة وهـــــــــــج (المشاركة 489848) الله حيــاا وراااج أكــــــــره كـــل النــاس؟؟

اخر يومياتي قد اشارك بها

رحت لندن يوم الجمعة وصلنا الساعة 7:00 بالليل

استقبلنا زميلنا ياي من مانشستر ورحنا على بيت ربعنا في لندن

جلسنا سوالف واكلنا حلوى العيد

ما شاء الله على الحلوى بحرينية اصلية بس مشكلتها معفنة

فاكلنا حلوى ثانية اللي هي الحلاوة من الدكان<<< نقتنع بالبسيطrolleyes.

رحنا مطعم وتعشينا وبعدين على السينما شفنا فيلم death race

صراحة فيلم روعة ذكرني بايام السيكل التاير الجدامي فصوب وانا والسيكل فصوب

وذكرني بالبريك الجدامي اللي خلاني انقلبbiggrin

رجعنا البيت وترمسنا الى الساعة 2:00 بالليل

قلت خليني اكمل سهرتي لحد صلاة الصبح اصلي وانام

جلست احل السدوكو خليت السهلة والمتوسطة وجالس على الصعبة

الساعة 4:20 نمت والصلاة 5:30 حتى ما حسيت نفسي حطيت ويهي على الجريدة

جاء ربيعي يبى ينام

نحن 9 راقدين فالصالة فارشين كنبل تحت والبقية متحلفين بها

المهم ياء ربيعي يبى يرد عندي على الكنبل واني ادفره وكل ما جرب ادفره بدون ما احسbiggrin

مسكين ما رجد والسبة اني

قمنا الصبح تريقنا ورحنا على لندن

جاء القطار الاول وقلت لهم لا تروحوا فيه هالقطار ما يروح مباشرة الى لندن يوقف محطات

اتحدث بصفتي الخبرة فيهم لاني عشت فالمنطة سنة ايام الفاودنيشن

ياء القطار الثاني بس طلع مب دايركت نفس اللي قبله

قالوا من قالنا لا تروحوا فهذاك القطار اللي فوتناه عاد لاموني

بعده القطار تأجل ومن حسن حظنا جانا قطار ثالث دايركت

دايركت اوكي بس ما وصلني قبل القطار اللي فوتناه اول شي<<< بغيت اتفلسف لكن ما نفعbiggrin

رحنا هاروودس محل محمد الفايد تمشينا فيه وتسوقنا وطلعت بكيسة هاروودز

الحين ببروزها علشان تكون ذكرى مب كبار الشخصيات يتسوقون فيه حتى حن

ولقينا سيكل ب11 الف باوند

قلت خلاص اشتريه بس مشكلته لمن ببيعه تويوتا ما تبيه

قلت احسن لي اظول كمين فلس اشتريلي ايكو ابركليbiggrin

طلعنا وجلسنا ننتظر ربعنا

وبسبب الزحمة جلسنا نكلمهم على التلفون نوصفلهم مكاننا

هم جيوا وجلسوا وراء اللي يوصفلهم وجالسين يضحكوا عليه وسوينا فيديو فيهbiggrin

رحنا الهايد بارك وجلسنا على كوفي شوب وبعدين رحنا ادجوار روود او شارع العرب

بعدين رحنا مكان ثاني نتعشى مندي وبسبب الزحمة ربعنا اللي على الصوب الثاني ما جدروا يطلعوا

لذلك تم يزحفوا تحت الطاولةbiggrin

رجعنا البيت وانا جلست عالنت

والشباب تم يلعبوا لعبات وحده منهن

كانت كل واحد يعد ولم يوصل لرقم فيه حرف السين يقلبه شين وحرف الشين يقلبه سين

جلسوا يعدوا وواحد من الشباب بدل يقول ثمانية قال شمانيهbiggrin

والثاني بدل خمشة عسر قال خمسة عشر وجالس يياحد انها صح بعدين دقه الحس

بعدين رقدنا وياء ربيعي يبى يرقد واني ادفره قالي مرة

ابتعد عني لحد ما تقلبت عند الجدار ورقد مكانيeek.

قمنا اليوم ورجعنا بالقطار

هذه يومياتي كانت مضحكة لكن ما جدرت اصغيها بطريقة فكاهية

المعذرة منكم جميعا