|
باااااااااااااااااااانتظاااااااااااااااااااارك
كل عام وانتي بخير |
و أنتي بخير حبيبتــــــــــــــــــي...
اسعدتني طلتج... |
><><><><><><><><><><><><><><><><><><><><><><><><><><><><><><><>< تسبحت ولبست تيشيرت أبيض نص كم وفي نقوش وحروف انجليزيه بالأسود وبنطلون جنز.. فالبدايه فكرت فأنه راشد بيعصب، بس قلت برايه خليني أعوده من ألحين..عشان اخذ راحتي لما بننتقل لبيتنا بروحنا.. طلعت وروحت صوب التسريحه مشطط شعري وأني اتشوف عليه من المنظره..كان غاط فنومه ومب حاس باللي حوله.. تكحلت داخل وبرا وحطيت شوية بودره، وغلوس زهري ع شفايفي.. فكرت أرفع شعري بعضاضه(مشبك شعر\كماشه) بس بما أنه شعري ناعم وطويل فبيكون شكلي أحلى وهو مفتوح.. دخلت إيديني تحت شعري من ورا ونثرته ع كتوفي..عطيت نفسي نظره أخيره "صراحه اينن اخبل..<<<جابلو لاتصكوني بعين.. أني خايفه ع راشد لاينهبل يوم يشوفني<<< هههه واثقه الحرمه " ثرت واقفه ابا اثوره من الرجاد واشوف ردت فعله.. بس لفتت انتباهي الصوره الي علي شاشة تيلفونه.. رفعته وشغلت اضاءته وبحلقت بالصوره تبحليق "ياربي من هالشخص؟؟ هين شفته هين ياأحلام؟؟ هين؟؟ تــــــــذكــــــــرت أذيه الخايس الي لاقيته فبيت عمي.. بس لحظه" (فتحت عيوني ع الأخر ورفعت حواجبي بأستغراب واني اشوف الصوره الي كان فيها راشد حاط ذراعه ع الشاب الثاني كانت وجوهم متلاصقه ببعض......ويبتسمو لصورهــ) "سبحان الله.. نسخه من راشد،،ياربي نظرته، ابتسامته حتى حيانه الي مرسومه رسم متشابه سبحانك ربي.. نسخه والله نسخه بس بينهم فرق بسيــــط بسيط وايد" (وأني غرقانه بأفكاري ماحسيت إلا بأيد تنزع التيلفون من ايدي بوحشيه): يأمــــي.. (ألتفتت لراشد الي كانت ملامحه مب واضح لعليها شي"أذيه عصبيه؟ ولأ تأمل؟ ولأ هيش؟") :راشد.. أعتقد في اسلوب حضاري يطلبو به الشي! راشد بهدوء غامض: هيش كنتي دوري؟؟ أحلام رفعت تيلفوني من طاوله ورحت صوب الكرفايه: مشي..بس استغربت لذيه درجه ربيعك يشبهك؟؟ راشد بنص عين: ربيعــــي؟؟ وأنتي متعرفي أنه عيب تتمقلي بصور العرب يامدام؟؟ جلست علي طرفها...ريل مثنيه فوق ووحده نازله تحت: والله محد قاللك تحطه علي شاشه.. جاوب سؤالي ولا تتهرب كيف ربيعك الي مايقربلك يشبهك لذيه درجه..؟؟ والله لو كنت معرف خوتك كان قلت أذيه واحد منهم.. راشد تشوف عليه من تحت رموشه وهو يبتسم ابتسامته الي تنشط خلاياي العرقيه ههه.. ..جرب وجلس مقابلني: خلي ربيعي عنك..وقوليلي هيش أذيه الحركات الحلوهـ؟؟ هيش أذيه الرشاقه يا بنت العم؟ نزلت رأسي بحرج وعضيت شفايفي: راشد ترا بيكبر رأسي! راشد: هههههههههههههههههههههههههههههههههههه يحق لك.. فترة صمت (كنت حاس به أنه ألحين جالس يتأملني بنظراته الغريبه..بس شغلت عمري بتيلفوني الي من الخيل(خجل) والتوتر حتى معرفت أشغله.. تفاجأت لما رفع رأسي وهو حاط دقمتي بين سبابته وابهامه...تبو الصراحه خفت من نظراته ولعنت عمري مية مره أني تعدلت له.. بس بلحظه اسرتني ملامحه الجذابه،، وصار هو يتأملني بنظراته الغامضه ،وأني اتأمله بأعجاب من عيونه الوساع وهدوبه الكثيفه...لخشمه الي مثل السيف..لويهه الحنطاوي المدور.. قلت لقلبي" ياالغبي وين كان راشد عنك..؟! يعني تصرفاته الغامضه عمتك عن شوفت وسامته..ولأ سالم خلى هالغشاوه عليك ســــــــــــــــــــــــالـــــــــــــــــــــــ ـــــــــــــــــــــــــــــــــــــــــم؟؟؟ ياربي هيش أذيه السالم؟ لازم يطلعلي ألحين..؟ لازم ينحس عليه كل شي؟") "أحلام..اشفيك؟" انتبهت لراشد، رفعت ايدي اليسار ونزلت ايده شوي شوي: هاه هيش فيه ؟؟؟ راشد عقد حيانه: أني الي اسألك..هيش فيه ويهك فجأه تلون بكل ألوان الدنيا.. حتى عيونك عتمت..تقولي كنه حلت عليك مصيبه..الله يكفي عنا المصايب.. لفيت عنه صوب الثاني: مب فيه شي.. (وقف وتشوف عليه بس متشوفت عليه.. فتح الكبت وخذ دشداشه ختم ووزار وفوطه وحطهم علي ذراعه بضيق واضح ودخل الحمام بدون مايقول ولا كلمه.. استغربت من تصرفاته صراحه.. رفعت تيلفوني وفتحته وكانت الــــصــــــــدمهــــــــ ><><><><><><><><><><><><><><><><><><><><><><><><><><><><><><><><><><>< |
الجزء التاسع.. (وقف وتشوف عليه بس ما شفت عليه..فتح الكبت وخذ دشداشه ختم وفوطه وحطهم علي ذراعه بضيق واضح ودخل الحمام بدون مايقول ولا كلمه.. استغرب من تصرفاته صراحه.. رفعت تيلفوني وفتحته وكانت الــــصــــــــدمهــ عدد الرسائل المستلمه 25 رساله لها الدرجه أني مهمه (ضغطت فتح) كانن10 رسائل فاضيه و10 كلها فيها كلمه وحده(أحبك ولأ أحبك موت) من نفس الرقم الغريب بارحه والخمس الباقي~ ثنتين وينك من رقم راشد ووحده وينك من نفس الرقم والثنتين الباقين.. 1-(*****995) "لمني بشوق واحضني.. وغرقني فبحر عينك تنسيني الألم كلــــــه.. رجيتك تقرب والعتب خلــــــه" 2-(*****995) "يا حيلة الله وش اسوي بالاقدار .. مالي على رد المقادير قوه .. مكتوب اصير بدار والزين بدار .. وقلبي تلوع واحمر الدمع ضوه .. ياما صبرت وراعي الحب صبار .. يخفي عذابه كان عنده مروه .. " (صدق ناس فاضيه..والله.. سويتلهن تحديد ودايركت ع المسح دون تردد ، وخليه يتصل إذا ابوه شيخ..أني براويه كيف يلعب علي بنات الناس.. خذت تيلفوني وطلعت بصاله.. خمس دقايق وسمعته طلع من الحمام! خذت التيلفون ورسلت له رساله) بو فيصل "نعيما.." وصلني رده بعد ثواني بعلي العزيز "الله ينعم عليك.." بو فيصل "وين بطلعني اليوم؟؟" بعلي العزيز "تبي تعرفي دخلي الغرفه وسأليني وجها لوجه.." بو فيصل "وإذا مادخلت؟؟" بعلي العزيز "مشي ع جداك طلعه" بو فيصل " :-( اهون عليك؟؟ " بعلي العزيز "حيـــالــــــه" بو فيصل "طالعه على ولد عمي" طل عليه راشد برأسه: هيش رأيك نحجزلنا علي ماليزيا ولأ إيطاليا؟؟ أحلام: لا حبيبي أني مجدر اطلع من حدود عمان.. كذيه الله خلقني أمرض إذا بعدت عنهي.. راشد استند بذراعه اليسار ع فتحت الباب وقال بإبتسامه مليانه خبث: هيش قلتي؟؟ عيدي عيدي أحلام ببراءه: والله اقول الصدق..تراني مجربه مره وتوبت..لأنه الرحله خربت عشان أني تنومت فالمستشفي.. راشد رفع حيان واحد بخبث: أنتي تعرفي قصدي زين...عيدي أول كلمه قلتيها.. (ألحين تذكـــــــــرت..هو قصده لما قلت "حبيبي"..يبس حيلك.. والله طلعت معي عفويه،، وقفت و سرت صوب المطبخ المفتوح ع صاله..وأني أكلمه كني مب فاهمه وش قصده) : خلينا من هالكلام..تبا ريوق؟؟ جرب من مطبخ وحط ذراعه اليمين علي طاولة المطبخ من صوب الصاله وسند رأسه علي كفه اليسار: لا تتهربي وقوليها.. ولأ بخليك هنيه وبطلع عنك.. فتحت ثلاجه وقلت له وأني ادور علي شي نأكله: تــ ـحـ ـلـ ـ ـم... (قطع كلامنا رنة تيلفوني..صلبت طولي وقابلته وأني ارقص حياني..مديت ايدي لورا ورفعت التيشيرت وطلعته من مخبا بنطلوني الخلفي) : مرايم.. راشد: لاتردي عليها..أذيه آمر خزيته بنص عين: مب أني الي انأمر .. راشد عطاني ظهره وسند ذرعانه ع طاوله : عادي إذا تبي ربك يغضب عليك؟؟ جربت منه وحبيت رأسه من ورا: رشود حرام عليك..لاتستغل قوامتك عليه..حرام عليك خليني ارد علي ختي راشد: اول قولي رجييتك حبيبي بعدت عنه وقلت بتجزز(بقرف): قلتلك تحـــلـــم... والله لخسارة ماتروحت ريحت شعرك الخايس.. بس خلاص مابا ارد ولأ ابا ريوق (قلت له وأني اطلع من المطبخ)مــــــــــــالــــــــــــت... (سمعته يضحك ورايه ويهاريني "أحلام..أحلام" بس مارديت عليه..) ><><><><><><><><><><><><><><><><><><><><><><><><><><><><><><><>< "هيش فيك أذيه الأيام؟ صارلك اسبوعين ماتينا فالميلس..وكل الشباب ملاحظين حالتك..؟" ..: يوم بتفكني أنت وربعك من هالملاحظات بكون فأكبر نعمه جلس معه علي عتبت بيتهم وحط ايده علي فخذه: أنزين قولي..هيش يابك بيتنا يوم ماتبا تتكلم؟؟ تشوف عليه بضيق: بتمنن عليه بأذيه الجلسه البايخه يعني؟؟ ...: افــــــا.. أني اتمنن عليك؟ أنته ربيعي وخويه الي ماولدته أمي..لو تطلب عيوني ماستغليتها عليك.. بس ياصاحبي..والله حالك مايسر لاعدو ولا صديق.. خذ نفس عميق وزفر من داخل : آآآآآآأه والله حالتي حاله .. حتى روحي مب طايق عمري يربت ع كتفه: أنزين قولي..فضفض يمكن ترتاح.. .. : ..................... ...: تكلم وأحلف لك بغلاتك عندي أنه مايطلع الكلام من بينا.. وقف فجأه وكأنه تذكر شي وقال كنه يكلم عمره: بروح لها.. بروح مسقط بأستغراب: مسقط؟؟ وألحين؟؟ لحظه لحظه من هي الي بتروح لهي؟؟ طلع سويك سيارته من مخباه ولاحه فصدر ربيعه: خذ سيارتي وعطني سويك سيارتك ألحين.. طلع سويكه: أنزين ليش؟؟ ع الأقل فهمني .. خذ السويك من ايده: كل شي بوقته حلو.. بس قول لأهلي أنه عندي شغل ضروري يومين وراجع.. ><><><><><><><><><><><><><><><><><><><><><><><><><><><><><><><><><><>< قبل أسبوعين (يوم الأثنين يوم ماينتسي) كنت جالسه بهاليوم فالليوان وحدي..حاطه كوب الشاهي~الي قرب يبرد~ جدامي.. وكنت احوس بسبابتي ع حواف الكوب، واقضم ظفور ايدي اليسار بثمي،، كنت سارحه باتصال ساره بارحه: حبيبتي اصلا باين من صوتج أنج مب موافقه ع زواج أختج! أحلام: لا والله..صح فالبدايهــ(سكت، معرفت هيش اقولي! اصلا معرفت حقيقة مشاعري انها بعدها تحب سلوم ولأ لا؟) انتبهت علي صوتها لما قالت: أحلام وينج؟ أحلام: هاه ساره: أقول شكلج مب معي ابد ! (قالت بخبث) لايكون في احد شاغل بالج؟ أنا قايلتلج من البدايه أنا مب لاقيه احد احسن منج حق يدي سعيد أبتسمت: ليش في احد قالك أني بضاعه كاسده؟ ساره: لاحشاج بس يدي غاوي وبيسعدج هههههه ((مب مهم عودها ألحين، المهم "أنــــــي"..وهيش أحس اتجاه هالعرس،، صدق ياأحلام انك نسيتي؟ ولأ تبي تتناسي؟ اووووه نقع فؤادي من كثر التفكير طز فيهم هو وشيخوه! أني مب جاتله عمري من الحره عشانهم،، بدور اي شي عشان اغيضهم <<< خخخخخ يومتي شريره حييــــــل.. منتبهت للي دخل غير لما قال: بس بس والله انك مخسره خويه الي داخل نادر عليكن بهالعزبه. "رفعت نظري له ع اساس مافهمت" (خلي ايده فثمه، اونه يقلدني لما اقضم ظفوري)وقال: يوم انك يوعانه طيحي مطبخ امك.. وكلي الي تبيه أحلام: مالت عليك يالحاف..خايف علي فلوس خوك يعني.. مب علي جمال ايدي؟ صالح: جمال هيش؟ يحليلك مصدقه عمرك وايد..اصلا أنتي من فوق لتحت مب جميله يعني بتفرق أذيه اليادي اليربانه؟ ههههههه قرصت عيوني وزميت شفايفي: صدق حقير صالح يتلفت يمين ويسار وهو يضحك: هين أمك؟؟ (بحكم انه امي شاهده ولادة صلوح فهي ماتتغشاه) قلت بغيض: لاتسألني صالح: ههههههههههههه صدق أنك مشكله (تجدم صوبي وجلس مجابلني) الحلم لاتزعلي احسن لك تراه عندي لك مفاجأه.. قفزت من مكاني وجربت منه،مسكت طرف دشداشته: هيـــــــــش عندك قـــول بسرعه؟ صالح يحرك رأسه: والله أنه محد يعرف يصلبك غيري خخخ (رفعت صبعي (سبابه) ودفعت رأسه من جبهته): بتقول ولأ لا؟ تم يتفلسف عليه،وبدأ يمثل كنه فحلقه تاريخيه: بما أنني رأيت الحزن يجتاح أسوار قلبك بعد أن علمتي بأن أختك شيخونه(وأشر بأيده بطريقه تضحك) ها أختك شيخونه سوف تنطق على قلبها وتتزوج قبلكـــ.... أحلام: ياالله خلصنا بسرعه صالح: بتسكتي ولأ اعيد الخطاب من البدايه؟ حطيت ايدي ع ثمي: لاخلص أشيمه لاتعيد صالح: اين كنا؟ اه نعم تتزوج قبلك..أسرعت وانقذتك واتيتك بأذاك الريال..إنما أيه؟ دبدوبا محد مثله ياالله ياأحلام بس لو تأخذيه..أضمنلك100% أنه ضلوعك من اول يوم بتصبح كلهي منطحنه.. صرخت:حمــــــار ( وفتحت ثمي ذراعين بأذيك الضحكه الي تهز بيتنا هز) هههههـــهههههههههههههههههههههههههههههههههههههههههه هههههههههههههههههه فهاللحظه طلعت أمي من المطبخ وهي تنازع: قصري حسك بنت اللذين.. حشى أني مب يايبه صبي واحد فأذيه البيت يابه ثنينه،أقولك أنتي متخيلي علي ويهك قطعي نسمك لا بارك الله فيك صالح وهو يضحك: خليها علي راحتهي أم يمعه أمي: أنته سكت سكت..اصلا محد مضيعنهي غيرك.. (كنت حاطه ياديه علي ثمي وكتوفي تهتز من الضحك علي شكل أمي المعصبه) صالح: قلتلكم ماتبوها تبرو منهي روحي بربيها (رفعت ايدي وضربته علي رأسه): ههه ضم أشوارك الخايسه لعمرك أمي بعصبيه: اها أذيه يوم بخليها عندك..اسمنها بتصيع صــــــــيياعه ومحد بيجدر يشكمها.. (هنيه فجرت ضحكه قويه علي شكل صلوح المنصدم..ومحسيت غير بذاك المقراف الي يا صوبي وفلع راسي والوعيان الي تفر بالهوي"هنيه صدق أمي عصبت" ههه سحبت صلوح داخل الحجره بعد ماقذفته أمي فظهره بقلاس الماي الحديد خخخخخ ) صالح وهو يمسح ظهره بظهر كفه ويقرص عيونه وخشمه من العوق: والله أنه أمك عدائيه حيل(ويضحك) لا وبعد تعرف تصوب..لو أنها تشتغل فالجيش والله بتفيدهم ههه قلت بضحكه خفيفه خوفا من أمي تسمعني: سمي..الله أكبر عليك لاتأكلهي.. صالح: أقول أني بهرب قبل لا تي القوات الأمريكيه وتقصفنا ههههه (روح يركض لبرا وهو يضحك من قلبه، والله فديته هالصلوح مالي عليه دنيتي، أحسني كل ماسيطر عليه الهم ألقاه جدام وفي عز الطلب،، ينكت ويضيق ع أمي ويضحكني " يعلني ما أبكيك ياعمي يانور عيني ياسندي وعزي،،" *خذتلي ثوب مخور ودخلت اتسبح.. مشطت شعري وحطيت ميك اب خفيف وطلعت ع بيت عمي لأني كنت مشتاقه لرحامي الدبه الي تدل بيت خالتهي بس بيتنا مادله.. وأني طالعه من بيتنا سمعت صوت عمي بوراشد وبويه فمجلسنا،عجدت حياني ومديت شفايفي بحركة استغراب " غريبه هيش عندهم؟ بالعاده عمي ألحين يجلس بالرايح عند الشوبه، هيش يابه بيتنا؟؟ اووووه أني اش دخلني فيهم" طلعت وسرت صوب بيت عمي الي يبعد عنا مسافة 19 خطوه <<< والله مب سهله يابنت حاسبتنها بالخطوات خخخخ المهم قبل مدخل لاقيت جاسم ولد عمي "الصغنون" عند الباب (جسوم عمره تقريبا مايتجاوز 5سنوات..) شديت قنوزه(خدوده) المنتفخه بقوو ..: جاسمني من قنوزك يادب جاسم يبعد ياديه بقوته: محد دب غيرك..يالسحلفانه.. ضحكت من قلبي ورديت عليه بسخريه: كيف استوي دب وانته تقول اني سحلفانه علي قولتك ياالغبي جاسم مد بوزه شبرين: إذ أني غبي أنتي هيش ياالبومه؟ أحلام: ههههههههههههههههههههههههههههههههه شكلك بتسوي مني حديقة حيوانات أن مادخلت عنك ألحين.. جاسم يركض صوب الحصى الي برا بيتهم يبا يمسك أكبرهن عشان يفرها علي رأسي<< كنه مب كافني مقاريف أمي ياي يكملها عليه حضرته.. رفعت ثوبي بطريقه تضحك وقفزت مثل المينونه داخل، وركض ركض لين صتدمت بشخص جداميـــ... . . . . . . . . . . . جاسم يركض صوب الحصى الي برا بيتهم يبا يمسك أكبرهن عشان يفرها علي رأسي<< كنه مب كافني مقاريف أمي ياي يكملها عليه حضرته.. رفعت ثوبي بطريقه تضحك وقفزت مثل المينونه داخل، وركض ركض لين صتدمت بشخص جدامي "حشى مب صدر تقولو يـ(ج)ـبل حفيت بكبره،، خخخخ" اني فالبدايه كنت مثلكم توقعته راشد بس طلع شخص غريب.. ياربي من أذيه؟؟ بعدت عنه وأني أحاول اتذكره لأنه.. هالشكل مب غريب عليه بس عقلي مب راضي يتذكر من؟؟ من؟؟ قطع تفكيري صوته لما ابتسم وقال: هذي أنتي ياالخبله!.. متبين تتغيرين أبد..أظن في شي يسمونه تهواد..الاوادم مايهدو ع ناس جذا.. (فتحت ثمي بستغراب..يعرفني؟ كيف؟ بعدين اشعرفه أني دائما ادخل بيت عمي من دون ماأهود لحظــــــــــــه لحظــــــــــــــــــــــــه لحظــــــــــــــــــــــــــــــــــــــــــه اصلا كيف عرفني؟؟؟ " هني تــــــذكــــــرت! صدق أني هبله نسيت ارد غمالي بعد مافتحته عند جسوم...ألحين شافني الريال مديت ايدي بسرعه عشان اتغشى عنه بس الي صدمني صوت الأسد الثائر الي صدر من وراه " ...: أحــــــــــــــــــــــــلام (كان صوته كله غضب وغيض طالع من القلب نطق أسمي من بين ضروسه وكأن عروقه رأسه بتنبط من العصبيه، كان من النادر أشوف راشد بأذيه الحاله.. راشد يكتم ويكتم..بس لما ينفجر يدمر كل الي حوله.. أكذب عليكم إذا قلت لكم أني خفت.. لأني صدق ماخفت إلا متت وشبعت موت من الخوف.. بعكس الشاب الي سحب عمره بهدوء وابتسامه وطلع برا تارك وراه عاصفه من نار...تارك وراه راشــــــد راشـــــــــــــــــــــد والمعصب بعد "ياربي هيش أسوي ألحين؟ شافني مجابله واحد ماعرف من هين طلعلي والله يذبحني والله يذبحني.. ياربي هين عمتي موزه تي تنقذني منه..أخر شي كنت اتوقعه أني اموت هنيه وسط حوش عمي وعلي ايد من؟ ايد راشد.. حاولت اصرخ ابكي بس جسمي كان متشدد من الخوف..) تجدم مني ووقف ع بعد خطوه مني.. والله أني حسيت أنه هالخطوه شبر وأني اسمع انفاسه الثايره وهي تطلع من أنفه كل ثانيه.. كنت متيبسه فمكاني انتظر مصيري هيش بيكون؟؟ ونصدمت بأيده اليمين توقف فالهوا جدامي وهو يحكم قبضته تصورت أنه بيعطيني بكس يطيرني فالسما بس ماصار شي.. ماصار شي.. كان راشد محتار بين أنه يكفخني ويبرد حرته فيه وبين أنه يكتم غيظه فقلبه..الي لو كتمه أكيد بيموت قهر.. المشكله أني متحركت من مكاني كنت بس أتأمل ملامح الضيق والغضب الي بانت عليه حتى أني نسيت أنه هو بعد لازم اتغطى عنه، بعد ثواني تأمل من عيونه الواسعه المليان عصبيه، نزل ايده على ويهه ومسحه بطئ شديد وصار يفرك دقمته(لحيته) بقو وقال وشياطين الدنيا كلها فوق رأسه: زولي من جدام..بسرعه ترا واللــــــه...... (سكت..خذ نفس عميق بعدها صرخ لين كل شعر جسمي وقف) زولـــــــــــي(روحي) وآخيرا نطقت بكلمات متقطعه: راشـــ....ـد واللــــــه مـ...ــب قصدي اجابلــ...ـــه.. راشد يأشر بياديه بعصبيه واضحه: أحلام حمدي ربك أني ماسك أعصابي لين ألحين لاتخليني أتصرف معك تصرف ثاني...أحلام شلي عمرك وروحي من جدامي بسرعه أحلام: والله أني فتحته عند جاسم بس نسيت ارده ع ويـــــ.... عطاني ظهره بهدوء بس بان علي صوته أنه بعده معصب: قلت روحي من هنيه قبل ماأفجر كل الي بقلبي فيك..روحي ( حمدت ربي أني سلمت منه..وقلت أحسن شي اسمع كلامه واذلف علي بيتنا بدال ماييني كف يطيرني له.. وطلعت بسرعه) . . . |
كان الجزء وايد حلو
بس انتهبت خلص بسرعه ننتظرك |
تسلمين هوووسه عالباااارت اليديد......
ابداااع×ابدااااع |
sorry ع التأخيـــــــــــــــر...
كنت ناويه انزله البارحه..بس الشبكه الله يهديها هههههههه... ــــــــــــــــــــــــــــــــــــــــ . . . . (ساعه 9 بالليل..فحجرتنا) شيخه تحط رأسها علي فخذي: وهدى؟؟ يعني..هيش حسيتيها تبا ترجع ولأ لا؟؟ دخلت اصابعي فشعرها: هي مقالت شي.. بس أني أحسها ماتبا ترجع..أو أنها تبا ترجع بس بكرامتها! شيخه: أنزين ونصور؟؟ حطيت رأسها بين كفوفي وخليتها تقابلني: تحقيق هو؟؟ شيخه: ههههه هيش ورانا؟؟ خلينا نتسلى عليهم.. بأذيه اللحظه دخل يمعوه وقال ببتسامه غريبه: بسكن حش بنات اللذينا أمنوا.. شيخه عتدلت جالسه: كنا ندور عروس لخونا الوحيد عندك مااانع؟؟ يمعه: وعلي من رسيتن أن شاء الله؟؟ أحلام: حن مانعرف ذوقك..أنت نقي ومحد بيردك أن شاء الله.. (بفخر) أصلا من يجدر يرد يمعه ولد محمد أخو أحلام... يمعه: الله يخليكن لي (لا لا صراحه اليوم صدق غريب ابتسامات ودعوات..!خلونا نسايره شويه وبنعرف هيش وراه) أحلام أحلام: حبيب أحلام عيون أحلام خشم أحلام.. يمعه بضحكه خفيفه: فديتك والله.. سيري معي الميلس اباك بسالفه شيخه: لا لا يخويه دحنا بدينا سوا وحننهي الئصه سواا دفعتها بعيد عني: لايختي أنا حره ويا أخويه أنتي روحي عنا بعيد.. (دخلت ذراعي فذراعه وأشرت له بأيدي) يله ياحبيبي . . . . . . . فتح يمعه باب الميلس..ودخل ودخلت وراه وأستغربت أنه ابويه وعمي(بوراشد) جالسين علي الكنب..واول ماطبت ريـ<ج>ـلي الميلس قال عمي: حيا الله أحلام تعالي عيوني جلسي سياري(جنبي)! جربت منه وأني اتشوف علي يماع الي وقف عند الباب ولأ تحرك من هناك..جلست : الله يحيك عمي ألتفت لبويه الي قال: الحلم عمك مارضى حد منا يقوللك بشي قبله! عمي: يابنتي أنتي ألحين صرتي حرمه وتفهمي كل شي..وكامله والكامل الله مب باقيلك غير ولد الحلال.. (خلاص فهمت السالفه..عضيت شفايفي السفليه بحرج ونزلت رأسي..وعمي كمل كلامه وهو يحط ايده علي ركبتي) وولد الحلال حرسك وايد لين مابقى فيه صبر.. (رفعت نظري ليماع الي كان حاط ايده علي ثمه ويضحك ع الصامت..نزلت رأسي لما كمل عمي) يابنتي أني كلمت ابوك بالسالفه وابوك قال مايخالف..بس أني بغيت اسمع منك.. أحلام يانظر عيني أني اليوم ياي أخطبك لراشد..وعاد راشد أنتي تعرفيه زين مايحتاي نخبرك عنه.. وتراه صدقيني معزتك عندي مثل رحمه..وأن ماوافقتي علي راشد أني مب زعلان عليك وقدرك عندي ابد مب متغير.. بس والله يابنتي أني ابالك الزين..ولو أني شايف راشد مب مناسب لك كان ماسايرته وخطبتك له.. ها أحلام؟ نشف حلجي وأنتي ماقلتي شي؟؟ (سكتت..وعم السكون بالميلس.. رجعت بذاكرتي لورا..ذكرياتي الي جمعتني به..) أيام الأبتدائيه: أيام ماكنت مشاغبة الحاره..أيام لعب الظهيره مع الصبيان بشمس الحارقه.. لأيام الأعداديه: لما كنت محط أنظار الشباب..بحلاتي وكان راشد دايما يطلب مني اتغشا حتى أكثر من ابويه ويمعه..بس كنت دايما أعانده لأني مب عارفه هو ليش يغصبني كيه؟! كنت حاسه أنه يبا يتسلط عليه وبس! عشان كيه لما تغشيت صدق ماخبرته.. وعناد فيه أفتح الأستحاي كل ماأشوفه هو وربعه!(عشان أغيضه<< ماأخفي عليكم هو مقصر معي عطاني نصيبي من سطارات) وأخير وصلت لأيام الثانويه: الي بديت فيها اهدى عن الشقاوه.. وصار أحتكاكي فيه بسيط وايد.. بهالمرحله بذات بدت نظرة الغموض الخاصه فيه تظهر أكثر.. بغيت أقول لعقلي كل هالأحداث واضحه ومعناها واحد <راشد يحبني ويباني> بس موقفه معي اليوم مر جدام وكأنه يصير ألحين..عصبيته الضيق الي الواضح علي ملامحه..نظرة الأشمئزاز .. أذيه الأشياء أكدت لي أنه راشد مب راضي عن الخطبه..ومايباني..أكيد عمي!! أكيد عمي غاصبه علي هالزواج.. هيش أسوي؟! ابويه حط ايده علي كتفي: ها أحلام..ترا إذا تبي وقت عشانـــ... ألتفتت له وأني اقاطع كلامه..لأني خلاص أتخذت قراري ومابا وقت عشان أفكر..أو أني خفت فهالوقت أغير رأيي الي اقنعت عقلي به: لا بويه..الموضوع مايحتاي تفكير!! (وألتفتت لعمي) راشد ولد عمي وريال ونعم فيه.. ابويه: يعني موافقه؟؟ (نزلت رأسي وهزيته بنعم) مسح عمي علي رأسي: أحلام أني مااباك توافقي عشاني بعدين تندمي وتقولي ياليت! أحلام: لا عمي أني مقتنعه برأيي..وأن شاء الله ما أندم! وأخيرا تكلم الحارس الشخصي: بس البنيه قالتلكم موافقه.. أصلا من هين بتيبولها أحسن من رشود؟؟! (رفعت نظري له بصدمه..بس ابتسمت لما قال وهو يرقص حيانه) : أصلا محد يستاهل هالجمال غير ولد عمي.. يله برخصتكم أني بأخذ العروس داخل قبل متغير رأيها من حنتكم.. تقولو كن هي بس بنتكم وراشد غريب عليكم.. شواب أخر زمن! هههه ><><><><><><><><><><><><><><><><><><><><><><><><><><><><><><><>< زهره تتمدد ع شبريتها وتدخل أصابعها فقذلتها: آآآه يامشاعل.. مادري شو صار لي؟! تقولين سحرني وماعاد اشوف ريال غيره! مشاعل: هههه زهره استحي أنتي متزوجه ولأ بعد متزوجه أخوه.. زهره تزفر: اووف أخوه؟؟ أخوه لو فيه نص جماله كان أنا بخير مشاعل: دامج ماتحبينه.. عيل ليش وافقتي عليه ؟؟ زهره بضيق واضح بصوتها: سكتي سكتي تكفين..أنا قصتي قصه تبكي صخر مشاعل: هههههههه لهالدرجه؟؟ عيل رمسيني عنها زهره اعتدلت جالسه: بصراحه يامشاعل؟! صقر هو زوج أختي نجلا الله يرحمها.. وانا اقسم لج أني كنت معجبه فيه من قبل مايتزوجها..لأنه كان أخو ربيعتي! و بعد ماتزوجها صرت أكره نجلا من قلب..حسيت أنها أخذت شي حقي..بس ماكنت ابين لها هالكره لأنه نجلا كانت تحبني وايد لأني أختها الوحيده.. المهم صرت أنقهر لما نروح لهم البيت واشوفه كيف يعاملها بود واحترام..كنت دايما أقنع نفسي أنه مايحبها بس يحترمها..وفأضعف ظرف راح يتخلا عنها ويتزوجني! كنت مينونه..خبله مشاعل: ياقلبــــــي زهره ودمعه ع طرف رمشها: تصوري مدى حقارتي يامشاعل.. تصوري قبل عشر شهور لما دخلت علي خالتي تصيح وهي تقول"نجلا توفت بعد ماخلفت وراها بنت..توفت يازهره" تصدقي أني مابكيت..إلا بكيت بس مب حزن لفراقها.. كنت فرحانه أنها خلته لي..الله لا يخليني على هالدنيا.. فرحانه لموت أختي عشانه.. عشانه بس فالعزا مابكيت والكل كان مستغرب صبر أخت فارقت أختها الوحيده.. مالت ع ويهي قال صبر قال.. مالت علي.. مشاعل بحزن: بس حبيبتي لاتبكي..بس قطعتي قلبي زهره بشهقه: والله مب بأيدي يامشاعل والله أني حاولت ابعد عن حبه بس ماقدرت.. ماقدرت مشاعل: عيل ليش وافقتي ع هيثم؟؟ زهره تمسح دموعها: هيثم خطبني قبل ماتموت نجلا..وأنا وافقت عسب هو أقرب أخ لصقر.. (تشهق)ومن ناحيه ثانيه بغيت أأكد لسولاف أني نسيت حب صقر بعد ماتزوج أختي.. مشاعل: أنزين وألحين..شو بتسوي..؟؟ زهره ببتسامه باهته: شو بسوي..؟! قولي شو ماسويت؟؟ ماراح تصدقين البارحه شو سويت..؟ . . . . كنا رادين من الجامعه ولما وصلنا البيت.... هيثم: زهره..شو بلاج؟ من ركبتي حتى كلمتين ع بعض ماقلتي.. زهره بضيق: هيثم صراحه أنا تعبت من كلام البنات.. "زهره ماصدقت املكت إلا نشبت بريال نشبه" و"زهره ماتستحي..مابقى ع زواجها غير كم شهر وهي راكبه معه صبح ومسا" "وزهره وزهره وزهره" وبعدين انا تعبت كل مابغينا انا وأمي شي اتصلنا فيك..والله استحينا منك! هيثم بحاجب مرفوع: زهره! شو افهم من هالرمسه..؟؟ زهره: أشفيك طالعني جذا..؟! أنا ماقلت شي يزعل هيثم يحكم قبضته ع السكان(المقود): وانا ماقلت شي..قلت شو معنى هالرمسه؟ زهره تبلع ريقها: ابا سياره.. هيثم عقد حواجبه: وانا عندي وقلت لا ؟؟ زهره: مايخصني..دبر عمرك.. انا مستحيل اركب معك مره ثانية! هيثم يصرخ: زهره..لاطلعيني من طوري.. أنتي تعرفين أني بعدي ادرس وباقيلي سنه واخلص! يعني ماعندي ثمن السياره ألحين.. أخذت شنطتي وانا نازله قلت بأستهزاء: ماعليه منك.. إذا ماقدرت تيبلي سياره.. مب لازم يتم هالزواج.. مشاعل: هيه..وبعدين؟ زهره: ولا شي..ساعتين بس.. ساعتيــــــن ودق عليه أنه العصر بيمرني عسب اتنقى السياره الي اباها.. مشاعل بأستغراب: كيـــــــــف؟؟ أنتي ماقلتي مايشتغل! زهره: هيه مايشتغل.. بس الحبيب الي انا اسوي كل هذا عشانه.. مشكلته مايرد ولأ طلب لأخوه! مشاعل: ههههههههههههه زهره: لحظه حبيبتي عندي خط ثاني بشوف منوه! هذي سولاف.. مشاعل برقه: خلاص ياقلبي أكلمج بعدين.. وهلله هلله بزوجج.. ترا هيثم طيوب ومايستاهل منج هالصد! زهره: يامعوده سكتي سكتي..خلي هالرمسه المخبقه حقج.. يله ياالفيلسوفه قلبي وجهج.. ><><><><><><><><><><><><><><><><><><><><><><><><><><><><>< |
><><><><><><><><><><><><><><><><><><><><><><><><><><><><><><><>< أم هيثم: حيا الله زهره..تو مانور البيت.. زهره بخجل: البيت منور بأهله خالتي.. سولاف بضحكه خفيفه: عاد تصدقي اميه..زهره كانت رافضه أنها تي هنيه(تغمزلها) بس لما أكدت لها أنه هثوم مب بالبيت وافقت.. اونها تبا تقنعني أنها ماتبا تشوفه مع أنها ميته ع شوفه.. زهره تقرص ذراعها: أنا؟؟ سولاف: هيه نعم أنتي..ماكفاج شوفته كل يوم واهو موديج الجامعه ورادج..تبين تشوفينه حتى بالجمعه.. يابنت خفي ع ريال لايطفش! زهره تعدل شيلتها وترفع شنطها تبا تروح: لي أنا هالرمسه ياسولاف؟؟ أنا؟ سولاف تمسك ذراعها: يابنت الحلال قعدي..كنت امزح معج! امايه قوليلج كلمه!! أم هيثم: شو أقول يامسودة الويه؟؟ فضحتينا بلسانج.. زهره حبيبتي لاتأخذين فخاطرج من هالخبله..تراها ماتثمن كلامها قبل ماتقوله! قعدي يابنتي عشان خاطري زهره تجلس ع الكنبه قبال أم هيثم: خاطرج ع العين والرأس ياخالتي ولأ هذي ماتسوى.. "احــــــم احـــم.." أم هيثم: تعال يمه صقر مافي أحد غريب! صقر نزل وببتسامه جذابه ع محياه: السلام عليكم.. ..: وعليكم السلام والرحمه صقر: أشحالج زهره ؟؟ زهره بهمس رقيق: طيبه طاب حالك! أشحالك أنت؟ وكيف عذير معك؟..عسى ماهي متعبتك.؟؟ صقر: لا كلنا بخير..وعذير على كثر ماهي متعبتني على كثر ما أحبها..فديتها.. زهره"إلا أنا الي فديتك..ماراح تصدق اشكثر تمنيت أكون مكان عذير بس عسب أكون كل يوم قبالك" ..: زهره..زهره ياصمخا.. زهره تلتفت لسولاف: شو؟ سولاف: أقول خلينا نروح غرفتي أحسن.. بدل مانحن جالسين جذيه.. زهره"مالت عليج ألحين تبي تروحي يوم صقير جا عندنا،،؟! الله يعدمني شوفج..أساسا أنا ماجيت إلا عشانه..مالت" : صادجه حبيبتي هناك بنأخذ راحتنا بالرمسه.. يله (بعد ماطلعو البنات فوق) أم هيثم: أقول صقر صقر: قولي فديتج؟ أم هيثم: يمه مايد ماكلمك..؟ صار له أسبوعين من سافر ..لا دق ولا سأل عنا..حتى ماكلف ع روحه يخبرنا خلص دراسه ولأ بعده! قلبي مو مطمن ياولدي..كل يوم احاتيه وأقول اليوم بيدق..بس مااتصل.. حتى ابوك يحاتيه.. صقر: ههه لاتتعبي روحج يمه نوره..ميود وتعرفينه لما يلتهي بالدارسه ينسى حتى عمره! أم هيثم بحنان: يمه إذا هو نسانا نحن نذكره..دق عليه فديتك..خلني أسمع صوته والله أني مشتاقه لهمسه! صقر يدخل ايده بمخباه: من عيوني..كم نوره نحن عندنا؟! طوووووط طووووووووووووووووووط طوووووووووووووووووووووووووووووووط : هـــــــــــــــلاااا بوعذراء.. عاش من سمع صوتك.. لاتتصــــــل..ولاتســـأل! مسرع نسيتنا صقر: هههه أنا الي ما اسأل ولا أنت..؟ حتى أمي نوره قالت هذا أكيد تزوج شقراء ونسانا مايد: ههههههههههههههههه والله؟ أمي قالت جذا؟؟ صقر: هيه..ومن صبح تصيح تبي تكلمك عسب تتأكد! مايد: ههه صقور لاتجذب علي..ترا انا مااروم ع زعل امايه! أم هيثم تأخذ سماعه من ايده: بسك جذب ياالعيار.. يمه مايد اشحالك؟ تأكل زين يمه؟ مرتاح؟ قاصرك شي؟ مايد ببتسامه عذبه: شوي شوي علي يمه..أنا طيب ومب قاصرني غير شوفج ياالغاليه! أم هيثم: وينك يابعد عمري ماتتصليه ولا طمن قلبي عليك؟ مايد: لاهي بهالأختبارات فديت روحج..مابقى غير أختبارين وأخلص.. أن شاء الله الخميس الجايه أنا عندكم.. صقر: قولي له لاحقين ع ثقل طينتك..خذلك اسبوعين بعد أم هيثم: لا أن شاء الله..لو الود ودي كان يا اليوم قبل باجر مايد: اميه..شو علومكم؟ وكيف أبويه بخير؟ ><><><><><><><><><><><><><><><><><><><><><><><><><><><><><><><><><>< بعد مرور أسبوع قبل ماابدا بقصتي.. أعرفكم بنفسي.. أنا عوافي..وحيدة ابوي وأمي أو ممكن تقولو صرت وحيدتهم بعد ماتوفى الغالي(هزاع أخوي) قبل سنتين.. كان مالي علينا البيت بضحكته وجنانه.. عمري ماحسيت بالوحده فوجوده..حتى جفوني ماكانت تغفي إلا ع صورته.. وألحين مابقت لنا غير ذكراه وصدى ضحكته بزوايا هالبيت.. كل الي بالبيت تغيرو بعد وفاته..ابوي صار عصبي بزياده..وأمي صارت طول الوقت ع الصامت.. عمتي صارت غامضه وطلعاتها كثيره.. وانا..صرت ولا شي ولا شي من بعده لييـــــــــن ذاك اليوم الي نقلبت فيه حياتنا فوق تحت.. يوم قمنا صبح فيوم من الأيام ومالقينا عمتي.. ابويه ين..واطلعو براسه امية يني..عصب وصارخ علينا..ودار رأس الخيمه كلها ومالقها.. حزتها تأكدنا أنها شالت كل غشها وشردت... ابويه انقلب حاله..صار ويهه اسود وطلعاته من البيت قليله ويعصب ع الطالعه والنازله.. أمي صارت تتجنبه حتى انها صارت ترجد عنديه..لأنها تخاف منه وايد.. بعد الي صار سحب أبويه أوراقيه من المدرسه الي كنت اقضي بها وقتي بدل الملل الي عايشته.. وسوى عليه حضر تجوال حتى بحوي البيت.. صرت ابكي بكل دقيقه تمر..وبكل ثانيه لامدرسه ولاجوال ولاحتى تيلفزيون! حياتي صارت جحيم..تمنيت ترجع أيام أول..أيام ما كان يدخل هزاع عليه ويخرب عليه مذاكرتي.. أيام ماكان أبويه يحلف عليه اطلع ويا بنات خالاتي وربيعاتي الي صرت ماعرف عنهم شي.. صرت صبوره بزياده..وخصوصا عشان امايه المسكينه.. وصرت أتحمل اهانات ابويه وضربه وتذكيريه لي بعمتيه وأني بصير مثلها.. . . . . . . اليوم قمت العصر..صليت وقريت قرآن..أخذت نفس عميق وطلعت بالصاله.. لفيت يمين ويسار مالقيت أحد.. سويتلي بيالة شاهي وجلست بروحي بصاله.. طالعت صورتي بطاوله الزجاجيه الي جدامي..رفعت اصابعي اتحسس عيوني الذبلانه والسواد الي حولها..تحسست شفايفي الجافه.. معقوله هذي أنا..؟هذي عوافي؟ دمعت عيوني لما تذكرت مسخرت هزاع ع بشرتي وشفايفي الزهريه المليانه.. آآآه اشكثر اشتقت لك واشتقت لعيونك.. يااللـــه اشكثر اشتقت لضحكه بهالبيت الميت..حاسه أني عايشه ومو عايشه من بعدك.. ياالله ارحمنا وفجأه قطع عليه تفكيري دخلت أبويه وهو يتفحص الصاله بعيونه..جرب مني وقالي: روحي لبسي عباتج.. بلعت ريقي بخوف: أن شاء الله.. لبست عباتي وحطيت الغشوه ع ويهي من دون تفكير وبسرعه نزلت... لقيته ينتظرني بالحوي..قرب سيارته(اشرلي اركب جنبه..) ركبت وانا صاخه..استغربت أنه اليوم ماقالي شي.. طالعت ع درب جدامي "نحن وين رايحين؟ معقوله ابويه يبا يتخلص مني..؟معقوله بيقتلني وبيريح عمره؟" فجأه راح يسار..وسيـــده لين شفته دخل (محطة بترول) بس راح من الصوب ثاني..خفض سرعته ووقف ع يمين سياره لاند كروزر سوداء.. شفت أبويه يغمض عيونه ويحط رأسه ع سكان..أخذ نفس عميق.. بعدها نزل وفتح بابي وقالي بنبرة امر : نزلي عوافي(ودموعي ع خدي): ابويه شو تبا تسويبيه؟ مسك ذراعي ونزلني بقوه ولف سيارته صوب السياره السودا وهو ماسك ذراعي بقوه حسيتها بتكسر عظامي.. فتح الباب الي قرب السايق وقاللي: ركبي..عوافي ركبي صرت اصارخ برجا يقطع القلب:لا ابويه لاتذبحني بالحيا..لا رجيتك(وصرت أحب ايده وابكي من القلب..ماتوقعت ابويه يعقني جذا) سحب ايده من بين ايديني..وصد عني الصوب الثاني وقال بصراخ يروع: ركبي ياعوافي.. ركبي ترا هذا ريلج مهو غريب.. .........>>>>> يتبع ><><><><><><><><><><><><><><><><><><><><><><><><><><><><><><><><><><><>< ها الجزء فيه اثاره اكثر من قبل..أتمنـــــــــــــــــــــــــــــــــــــــــ ى الاقـــــــــــــــــــي تفاعـــــــــــــــــل وتوقــــــــــــعات وردود أكثــــــــــــــــــــر.. ،،..شاكــــــــــــرهــ لكـــــــــل من يدعمــــــــــني..،، |
ويــــــــــــــــن الردوووووود؟؟؟؟؟
حاسه بأحباط شديـــــــــــــد:4444085jj: |
تابعي ابداعاتك خيتو
ونشكرك على جمال روايتك واصلي والى الامام دائما وتسلم لنـآ هالانامل آلـذووق بـآنتظـآر جديدك وطرحك آلرآئع دمت بهذآ آلأبدآع آلمتميز ربي يعطيك الف عافية |
لا تشعري باحباط ولا غيره
باستمرار اشيك ع الموضوع اذا نزلتي شي جديد ولا.. اكيد وايدين متابعين لك مب شرط اعضاء حتى الزوار معنا يكفيك المشاهدات اكثر من 600 الغلا:: ننتظر الاجزاء بشوق |
اشكر كل من يتابع روايتي واسمحولي على القصور لانشغالي
ساعتين وأني جالس هنيه بسيارتي..بس اتأملهم وهم يتمشو علي البحر..واحترق قهر..!! وأني هيش اسوي غير اكل قهر واسكت.. شغلت مسجل وصدفه كانت فيه أغنية ل0 حسيتها صدق توصف أحساسي وأني اشوفها بأذيه القرب من راشد.. ( ) أسبوع وأني لاشغله ولامشغله غير ملاحقهم من مكان لمكان..صرت مثل المينون وراها.. حاولت أني انسى وارجع جعلان بخيبة أمل بس قلبي ماطاعني.. والله صدق بن فطيس يوم قال"والله مااحر من دمع اليتيم غير دمع الرجال من فرق المره" بس الحمد لله ماوصلت أذيه المرحله.. (رجعت رأسي ورا وسندته بذراعي اليسار ومسحت لحيتي المخنيره بكفي اليمين وأني افكر باللي ياي..) همست مع نفسي"المهم ألحين أنفذ الي برأسي حتى لو ماياب نتيجه..المهم أحسسها بعذابي.. المهم احاول أحسسها..أنه في قلب متعذب من فراقها" مسكت تيلفوني ورسلت لها ( {{لـــك وحشـــــة}} تلفني شوق وعتاب.. وإن جيت تسكني حنان وطرابة.. علمتني إن الوفا طبع الأحباب.. رسمت عمري وردتين وسحابة.. خذني لوجودك وضمني بين الأهداب.. عمري بدونك ماتحمل عذابه..) ><><><><><><><><><><><><><><><><><><><><><><><><><><><><><><><><><><><>< ..بيت بو يمعه.. بويمعه يأخذ فنيال القهوه: هين شيخه..؟ أم يمعه: تراجع فحجرتهي.. بويمعه: ويمعه؟؟ أم يمعه تقص البرتقال: طالع من الظهر حتى ماتغدا.. بويمعه رفع تيلفون عن طاوله: بتصله بتشوف هو هين؟ ام يمعه: محمد..الصبي صار ريال..مب لازم كل شويه أنته هين؟ ومع من؟ خف عليه بويمعه يدور الرقم: أنتي بس لاتدخلي بيني وبين ولدي يكون أحسن! ألووو...هينك بومحمد؟ يمعه: موجود طال عمرك..بغيت شي ياالغالي؟ بويمعه: تعال البيت..ابا اجلس معك نتقهوى رباعه يمعه يغمز: حمود مصبح متقهوي ماعك كشتقتني؟؟ بويمعه: هههه حمود ؟؟ ياالخايس..فيه حد يقول لأبوه حمود؟ يمعه: هههههه اهاا فيه.. أني! انزين بويه أني ألحين عند باب..بدخل السياره وبيي ونكمل سوالف ياحلوو هههه (بعد خمس دقايق) يمعه:السلام على من اتبع الهدى :وعليكم السلام ورحمه جرب يمعه وجلس جنب امه قبال ابوه: ها ابويه عسى مازعلت مني؟! بويمعه يأشر لحرمته تصب ليمعه فنيال: عزيز وغالي بومحمد مينزعل منك.. يمعه يتناول الفنيال: قدرك الغالي يا بويمعه.. أم يمعه تدفع كتف يمعه: يمعوه اليوم اشوفك تتبسم هيش عندك..؟؟ ببتسامه جانبيه: فهيـــمه يافطيـــن طالعه علي ولدك.. بويمعه: ههههه لاتجل ادبك علي امك ياصبي.. يمعه يحب راس أمه: كوني مسامحه ياالغاليه..حقك علي هالرأس (يشوف ابوه) رضيــــــت؟ بويمعه هز رأسه: انزين قول قول..خلصنا هيش تبا؟؟ جلس مكانه..وقال بهدوء: ابـــا.. ابا اتيوز ام يمعه بفرحه: والله بويمعه: بشرك الله بالخير..من زمان وأني احرس اذيه اليوم.. انزين ياالنشمي..أحسن شي نمشي حار بحار.. والعروس أن شاء الله متردك! يمعه عقد حواجبه: اسمحلي بويه أعرفك تقصد رحمه بس أنـــي.. مـــابـــا رحمه.. أختفت ابتسامة ابوه..وتغيرت ملامحه للهدوء الواضح عليه عدم الرضا: عيل من تبا..؟؟ نزل رأسه وشبك اصابع ايدينه ببعض: والله يابويه... أنــــــي.. من زمان خاطري فــــ.. . . . . . . أختفت ابتسامة ابوه..وتغيرت ملامحه للهدوء الواضح عليه عدم الرضا: عيل من تبا..؟؟ نزل رأسه وشبك اصابع ايدينه ببعض: والله يابويه... أنــــــي.. من زمان خاطري فـــــ.. فــــــهدى بنت خالتي موزه.. بو يمعه ثار واقف وقال بعصبيه: هدى المطلقه؟ يمعه وقف: ليش؟ هيش يعيبها المطلقه؟ بويمعه: يعيبها أنها مطلقه.. وبعدين أنته لاتقول هيش يعيب مطلقه! قول هيش يعيبك انته عشان تأخذ مطلقه..؟! يمعه: اني راضي بعيوبهي..واباها حتى لو فيها عيوب ادنيا كلها بويمعه بعصبيه: ورحمـــه؟؟ (سكت شوي يفكر ويوزن كل كلمه بيقولها لأنه يعرف ابوه وشخصيته العصبيه زين..يعرف أنه لو مااقتنع باللي بيقوله..محد بيرده من الي يباه يصير...وبذيك اللحظه راح يضيع كل شي بلمح البصر) زم شفايفه وهز رأسه : اسمعني ياالغالي.. رحمه بنت عمي وعلي عيني ورأسي..بس زواجي من هدى مب نهاية حياتهي.. رحمه حرمه سنعه وكل ريال يتمناها..والحياه بعدها جدامها.. وأن شاء الله بييها الي أحسن مني! بويمعه مسح لحيته وقال بعصبيه: رحمه محد بيأخذها غيرك رضيت ولأ غصب علي عيونك..تسمع وهاه بحلق لحيتي من اولها لأخرها كان خذيت غيرها.. يمعه خذ فنيال ولاحه ع اليدار بعصبيه: ابا افهم بس..أنته ولأ أني الي بيتيوز؟؟ بويمعه: ووووس...صوتك ماترفعه عليه تسمع.. أني بعدي ماطحت الأرض وأنته ترفع صوتك عليه عشان بنت حمد.. عيل لو خذتها هيش بتسوي..؟! بتجتلني؟ يمعه خذ مصره من راسه وعصره بين كفوفه وكأنه يبا يطلع جزء من ضيقه فيه: يااللـــــــــه..آآآآآآآآآه ألحين ابا افهم هيش دخل هدى فالموضوع؟ ولأ بس تدور شي عشان ماتوافق عليها.. بويمعه بهدوء جاتل: قلت لك بتأخذ رحمه غصب عنك..يعني بتأخذها حتى لو كسرت البيت اذيه كله فوق راسي.. وسع عن الدرب..وسع (وطلع) يمعه يمسك امه من كتوفها وقال وعيونه تولع شرار: سمعيني..قولي لريلك غير هدى مب مأخذ.. وإذا يبا يتحكم فيه وملزم علي رحمه..أحسن متزوج.. قوليله بقعد هنيه لين امووت ولأ اخذ حد غير هدى.. (خذ مصره وطلع وأمه فاتحه عيونها من صدمه..هالموقف أول مره يصير بين زوجها وولدها.. صحيح بويمعه عصبي ومايحب أحد يمشي شوره عليه بس هو دايما يسمع لولده الوحيد ويأخذ ويعطي معه..حتى لو انتهى الحوار بينهم بفرض رأيه عليه، بس كان برضا يمعه..وماتوصل السالفه للغصب ) أم يمعه: يارب استر..يارب تهديهم ثنينتهم! يــــــارب |
><><><><><><><><><><><><><><><><><><><><><><><><>< تيشيرت بيج داخل وفوقه جاكيت أسود..ع بنطلون جنز اسود وفيه لون ابيض من عند الركبه.. و ع ذيج النظارات الشمسيه البنيه..بهاللوك وشياكه والوسامه نزلت من الطايره بثقه وانا أخذ هواء يملى رئتيني وزود: يااللــــــه محلا هوا البلاد..فديت الخليج وهالعبي السود الي محلتنها<<خخ من بدايتها صياعه ياصبي خخخخ خلصت الأجراءت المطلوبه ودخلت شريحة اتصالات بجوالي ودقيت ع الخبل الي من المفترض يستقبلني.. (مغلق..) ايهي شكلنا بنروح البيت بروحنا بدون موكب ولأ خرابيط.. سحبت شنطي ورحت الباركنات إلا أشوف الريم..فديتهــــــا السودا..خويتي فالأيام الخوالي جربت من سيارتي وطبعت بوسه عميقه عليه"خلاص ياعمري خلصنا دراسه..قاعد عندج هنيه طول العمر..فديتج والله..ماتغيرتي" << عز الله انهبل الولد خخخخ حطيت الشنط ورا وحركتها..أخذتلي لفه بشوارع الإمارات من شارع لشارع.. وفجأه رن جوالي حسبته خويلد فرفعت السماعه وانا احرج عليه وانافخ بقو: شو تبا داق ألحينه..؟؟ أول خلني اتنقع بالمطار بعدين دق و... ..: شو بلاك ياولدي..؟ انهبلت بالغربه ولأ شو؟ "وابوها..رحت فيها وطي": اسمحلي ياعمي..مادريت أنك انته المتصل..ظنيتك أخوي الخبل.. اشحالك ياعمي؟ واشحال اهلك؟ عساكم بصحه ..: الحمد لله..اشحالك أنت؟ وقفت عند الأشاره الحمرا: اشكر الله..عسى ماشر عمي..فيك شي؟محتاج مني شي؟ ..: شوف ياولدي مايد..أنا كنت اترياك من زمان..ويوم دريت انك رديت البلاد اتصلت فيك ع طول.. مايد: امرني ياعمي..انا حاضر بكل اللي تباه؟ بس آمر ..: تسلم..طول عمرك ولد اصل ومب مقصر..بس انا بغيتك تمرني البيت..اباك بحايه مايد: .............. ..: شو؟؟ مايد: ألحين؟ ..: والله داري أنك تعبان من سفر وتبا تريح..بس الموضوع شاغل بالي وماقدر أأجله أكثر.. (ماحبيت اسأله زياده..قلت ماعليه صحيح المشوار طويل.. بس هالريال فيه ريحت الغالي عسب جيه ماقدر ارده) ودوووس.. مسكت الدرب سيده من بوظبي لين رأس الخيمه.. ويوم وصلت..دقيت عليه.. وأتفقت معه نلتقي فالمسيد جريب حارتهم..لأنه مافيه هبه اتذكر جلساتي ويا الغالي عند بيتهم ولأ اتذكر معانات العزا والفراق الي حرق كل عروق قلبي.. وهو بعد تفهم الموضوع وياني فالمسيد بدون اعتراض.. بو هزاع: السلام عليكم قفزت واقف وحبيت راسه: وعليكم السلام والرحمه..اشحالك عمي؟ والله أني اشتقت شوفك وريحتك بو هزاع بدت تتجمع الدموع بعيونه الي اتعبها الزمن: بخير ياولدي بخير (ذكرتني حالته هذي بأخر مره شفته فيها..قبل شهرين وهو يترجاني ابعد عنهم..كنت مصر أني ازورهم وهو معزم أني مااطب رأس الخيمه بكبرها.. تدرون ليـــــــــش؟؟ لأني اذكره بولده..الي ولأ يوم مر عليه من غير مايشوفني معه..مع هزاع..ولده الي انحرم منه..وانا بعد انحرمت منه لين اليوم وانا اتذكر كل لحظات قضيناها مع بعض..لين اليوم وانا اذكر صدمتي بخبر موته..لين اليوم وانا اذكر انه اندفن من غير مااشوفه.. شهرين وانا اتمنى شوفه وبالأخير..يقولون لي اندفن وخلاص مالك رجا تشوفه.. بس شو يفيد الحزن ألحينه؟ انا لازم اكون اقوى واحاول ازرع الصبر بهالشايب المسكين..) ..: اصبر ياعمي ترا الصبر زين بو هزاع: كل ماأشوفك أتذكره اتذكر صورته..وصوته.. سنتين يامايد سنتين وانا اقول بنسى بنسى بس مب رايم انساه مب رايم.. مايد ببتسامه مرحه عسب يرطب الجو: ها عمي تبا توقفني اكثر عسب تتكسح عظامي؟ بو هزاع: اسمحلي ياولدي تعبتك وياي.. مايد: تعبك راحه..ولأ يهمك بوقف لين باجر الصبح بس تراضا علي بوهزاع: اقعد ياالجذاب..أنت مارمت توقف هالدقايق بتوقف لين صبح؟! شكل الأنقليز مايطعمونك زين..صاير عصا مايد: يطعموني؟ ههههههه ليش بقره عندهم؟؟ هههه يلسنا قرب بعض بو هزاع(حط ايده ع جتفي وابتسم وهو يجر كلمه ورا كلمه بصعوبه): مايد..أنت قبل شهرين يتني وطلبت عوافي.. مايد يضرب صدره بخفيف: وانا بعدي عند طلبي..ولو وافقت املج عليها اليوم انا حاضر! بو هزاع جر نفس عميق: ولد اصل..وفرت علي رمسه طويله..فديتك.. شوف..البنت صغيره..وانا ماوافقت عليك قبل..مب عشان عيبا فيك.. ماوافقت لأنها كانت تدرس بس ألحين طلعت من المدرسه..وانا ابا ازوجها..فقلت ما راح ألقى ريال يعزها ويصونها شراتك! مايد أن كأنك بعدك تباها شرات قبل فأنا موافق..موافق ازوجك عوافي.. شو قلت؟؟مستعد تتحمل مسؤوليتها؟ مايد: هيه اباها وبتحمل مسؤوليتها..ولاتخاف عليها ياعمي ترا غلاها بيكون من غلاك! والله يعلم اشكثر انا اعزك واغليك.. بو هزاع: عيل خلينا نسير نملج ألحين.. وبعدها بتأخذ حرمتك لبيتكم..وانتو احرار تسون عرس ولأ لا! مايد بستغراب: بهالسرعه..يعني مابتأخذ شور البنيه وأمها؟ بوهزاع بجديه: البنت شورها عند ابوها..وهي لو تلف البلاد كلها مابتلقى شراتك.. يله ياولدي خلينا نسير المحكمه عسب نخلص كل الأجراءات بسرعه.. (فالبدايه خفت من ردت فعل الوالد والوالده..بس انا ألحين صار عمري 24 سنه، شهر واحد وادخل25..يعني قراري بإيدي ومحد يفرض عليه شي.. وبعدين نسب عمي بوهزاع يشرف وعائلتهم مايعيبها شي.. بنهايه قررت اسير وياه والي يصير يصير... وصلنا المحكمه..و الحمد لله لقينا واحد من ربع ابوي عسب جي خلصنا اجراءات الزواج بسرعه.. وكاني ألحين يالس بسيارتي صارلي ساعه..أتريا البنت الي بتكون شريكة حياتي تيي.. كنت حاط ذراعي اليسار ع الجامه وساند راسي بين سبابتي وابهامي واطالع هالناس الداخله والطالعه من المحطه وانا افكر "من كان يتوقع أني بتزوج عوافي بهالطريقه؟؟ كل الي كنت اتوقعه أني برد اطلبها مره وثنتين وثلاث وابوها راح يوافق.. شو ها الأحساس يامايد ؟ هو خوف من الي جدام؟ ولأ خوف من اني غلطت وتسرعت بقراري اوووف انا ليش مسندر رأسي..البنت وتزوجتها شو بعد يعني؟؟" التفتت لورا شفت سيارته تقترب..ووقف ع يمين..يلس دقايق مانزل..استغربت شو قاعد يصير؟! وفجأه شفته لف السياره وفتح الباب ونزلت وحده اقصر مني بس ماشفت منها شي كلها ملفوفه اسود بأسود.. جربو مني وفجأه انفتح الباب الي حذاي وسمعته يقول لها: ركبي..عوافي ركبي وصارت عوافي تبجي بجى ماجفت مثله بحياتي.. ياربي انا شو سويت؟ ظلمت البنت.. بس انا شو دخلني؟ اسكت يامايد اسكت وخل ابوها يتصرف ع كيفه.. مرت دقايق وابوها يغصبها تركب وهي مب راضيه..انا ماتدخلت موليه..كنت متابع بصمت مب كنه هاي زوجتي وها ابوها.. بعد عنا وصراخ ركبت وصكر بوهزاع الباب بهدوء بعد ماقال: ما اوصيك ببنتي تراها ألحين حلالك..صونها واكرمها.. فوداعت الله.. (ركب سيارته وراح مبتعد عنا) هي من ركبت ضمت اريولها بصدرها وصارت تبجي بشهقات.. تأملتها بستغراب "معقوله هاي حرمتيه..هاي ياهل..! الله يهديك ياعمي البنت صغيره وايد..شو الي قاعد يصير البنيه انظلمت وسبه أنا" مرت ساعه ونحن ع نفس الحال ماتحركنا من المحطه ابد.. قلت بخليها تهدى بعدين برمسها.. شوي وهدى صوتها وصارت تبجي بصمت جاتل.. تحركت ورمستها بهدوء مايد: شو عوافي؟ نسير؟ عوافي: .................. مايد: عوافي.. عوافي: هاه مايد: ترا انا مايد جاسم ال....، ربيع هزاع الله يرحمه! أكيد كان يرمسج عني مثل ما كان يرمسني عنج..صح؟ عوافي: ................. مايد: مب مشكله مع الأيام راح تتعودين ع وجودج وياي (الي صدمني أنها ردت تبجي مثل اول وأكثر.."ياربي ألحين هاي شو يسكتها؟؟" شغلت السياره وطلعت من المحطه بدون ولأ كلمه) ><><><><><><><><><><><><><><><><><><><><><><><><><><><><><><><><><>< قبل اربع سنين وتسع شهور.. نشيت من الرجاد ع صوت المنبه..دخلت الحمام<الله يكرمكم> واتسبحت(طبعا ها النومه بعد ماصليت الفير) لبست كندوره بنية اللون..مشطت شعري وتعصمت ونزلت لقيت ابويه وهثوم يتريقون حبيت راس ابوي: صبحكم الله بالخير جاسم: هلا ميود.. إلا متى رديت البارحه؟؟ أشرت لهثوم عسب ينقذني بس هو حمار مب راعي فزعات..جلس يغايضني اونه هو ماله خص يلست حذاله.. التفت علي ابويه: بعد صلاة الفير صح؟ مايد بصدمه: هاه؟! لا فديتك..ساعه12 انا بالبيت.. يحط لقمه بحلجه: جذاب..انا سرت حجرتك وقت الأذان مالقيتك! وبذيج اللحظه..يا ابو الفزعات فديته صقور: هيه..ماهو راجد بحجرتي ومأخذ الشبريه ع كيفه الحبيب! خلاني ارجد ع كنبه..حاسس ظهري تكسر من ذيج النومه.. ابوي عاد كله ولأ صقر مايقدر يقوله انه يجذب عسب جيه..نش من صفره بدون مايرد علينا.. يلس صقر قبالي: هذي أخر مره اجذب فيه ع ابويه تسمع.. نشيت وحبيت خشمه: أنت الي فيهم بوجاسم..وهاي حبه ع هالخشم وتوبه مااعيدها مره! هيثم يبا يفتن علي: صقور ترا مب زين كل مره تتستر عليه.. ها مايستاهل غير خيزرانه ع ظهره! مايد: أنت جب..مايخصك..وبعدين انا شو مسوي؟ يلست ويا الربع وخذتنا الرمسه..شو اسوي يعني؟ اقول لهم ابوي مسويلنا حضر تجوال بعد ساعه12 هيثم يقوم: زين كليتنا..برخصتكم وراي دوام.. ألتفت صقر علي: خلنا من هالرمسه..لشو اليوم ناش من صبح؟ مايد ببتسامه: ابا اسير البنك.. صقر بستنكار: البنك؟؟ مايد: هيه محتاي بيزات عسب السفر.. هاي لندن ابوي مب بلاش صقر بعد قام: الله يوفقك..شد حيلك لاتفشلنا مايد: أن شاء عمي (وتميت بروحي ع صفره..بس مادش شي بحلجي..وماشتهيت حتى الحليب فقمت انا الثاني وسرت صوب البنك) . . . . . جدام آلة سحب.. بركنت سيارتي ونزلت..وكان جدامي هندي..اول ماشافني نزلت عفد صوبي.. الهندي: بابا سكرت ياقة كندورتي: تهبى أكون ابوك.. الهندي يبجي: ارباب انا مسكين شوف هازا نار ايدا انا ايحترق.. مايد: والله ماحلفت عليك تحرق ايدك عسب تطر..ترا انا كاشفكم عيال ابليس..حراميه! الهندي يمد ايده: حرااام ارباب..انا ايريد فلوس ميشان علاج.. (وصار يعصر عيونه عسب تدمع بس ماشي فايده..الحمار ع باله بصدقه..بس قلت خلها يامايد صدقه تنفعك بعدين) دخلت ايدي بمخباتي وطلعت له 500درهم: هاك ماشي غيرهم..لو تموت مب معطنك غيرهم أخذ الخمس اميه من ايدي: بــــــس..؟! ارباب أنت كندوره جديد..سياره جديد اعطي بس 500ديرهيم؟؟ طلعت بطاقة السحب من مخباتي: طووف طووف اشوف.. طوف وصديت عنه صوب ثاني وحطيت البطاقه ع سياره من جدام ويلست احوس بمخباتي ادور موبايلي.. وفجأه مااجوف غير هالصخله يسحب البطاقه ويشردبها انصدمت..لو ضاعت هالبطاقه ابوي بيجتلني.. رفعت كنورتي وربعت وراه: وقف..يعلك الحرق.. وووقف هو يربع وانا وراه..الحمد لله أنه ما جان في ناس وايد..و لأ جان انفضحت.. شكلي جان مصخره وانا اربع وراه جني كلب بوليسي.. وسبحان الله جفت واحد بنفس عمري تقريبا جدامه فصرخت بقوتيه: زخه ها حرمي زخه وجان الهندي بيتخطاه بس هو يره من ذراعه وعقه ع الأرض.. ويوده بقو ...: ها شو مسوي؟ يريت نفسي..وسحبت البطاقه من ايده: صرق بطاقة السحب مالتي..والله شوه جان صار لولاك؟! مشكووور الغالي الشاب ير الهندي من ذراعه ووقفه معه: العفو..بس ها لازم يأخذ يزاه..خله يخيس بالسجن عسب مايعيدها مره ثانية.. قاطعته: لا فديتك.. خله يسير المهم رجعت البطاقه ولأ اليوم جان بتقوم قيامتي هههه هده..وماصدج ع الله الخايس ماجفنا غير الغبره وراه.. تجدم الشاب مني ومد ايده يسلم علي.. تلومت منه..انا حتى مافكرت اسلم عليه..مالت علي: انا هزاع مايد مديت ايدي وصافحته: تشرفت بمعرفتك..انا مايد (اشرت بأيدي) ترا غداك اليوم ع حسابي هزاع: يعلني فداك بس جان عندي شغله وخلصتها..وألحين لازم ارد الدار.. مايد: لا شو ترد وانا عازمك؟ هزاع حط ايده ع رقبته من ورا: لا مشكور..بس وراي طريج لين راس الخيمه تدريـــ..... قاطعته: لا مااقبل اي اعتذار.. انا ألحين بسير اسحب بيزات..وبرد لك..هاه تحمل تشرد.. (سرت خطوتين بس رديت وقلت له) ولا اقولك طوف جدامي ابا اطمن أنك ماتشرد مني (ضحك علي واصر انه يترياني عند سيارتي..بس ماسرت عنه إلا بعد ماحلفته انه مايسير مكان.. أكيد بتقولون ليش كل ها..؟بس بصراحه وبيني وبينكم..الريال دش خاطري من اول ماجفته..وحسيت براحه وانا ارمسه.. *المهم* سرت سحبت البيزات وطلعت ابسرعه ماادري ليش ياني احساس انه مابلقاه برع..بس الحمد لله لقيته يترياني عند سيارتي..) مايد فتح الباب: تأخرت عليك؟ هزاع: هيه وايد تأخرت..كنت بسير لو ماطلعت! مايد: جذاب..انا دقايق مااخذت..اركب اركب..حاس أني يوعان حدي هزاع فتح الباب الي جنب السايق: جي ماتريقت؟ مايد شغلت سياره: والله انا اليوم مسوي معجزه..ناش من ساعه8 طبعا ع غير العاده هههه.. بس ماياني نفس اكل بروحي..الأهل تريقو مبجر عسب الشغل.. وتميت بروحي ع صفره.. (حركت وبتعدنا عن المكان..فكرت وين أخذه بالأخير قررت نسير مطاعم مركز ابوظبي مول ابصراحه الأكل عندهم فنتك..طلبنا لنا وجبه واخترنا طاوله مطله ع البحر ويسلنا فيها.. صرت انا ارمسه عن أهلي ودراستي وأشياء كثيره..والله حسيت كأني واحد صارله سنين مارمس بشي! ماخليت شي مارمسته به..حتى ماعطيته فرصه يرمس عن عمره..ماادري ليش حسيت أنه محط ثقه وامان مع أني اول مره التقي به.. كنت انا كله ارمس وهو مره يبتسم ومره يضحك..حسيت أنه انسان نظيف من الداخل نظيييييف حيييييييييل) هزاع: أنت شوه لسانك مايتعب؟ مايد طلعت لساني بحركه تضحك: ههههه ابصرحه ارتحت لك وايد.. هزاع يشرب عصيره: زين ماتبا تعرف عني شي؟؟ كله ترمس عن عمرك! مايد: هههههه هيه..نسيت اسألك أنت صدق من راس الخيمه..؟؟ هزاع: تو الناس!! ألحين تذكرت؟ هيه انا من راس الخيمه..وانا مثلك عندي اخت وحده بس ماعندي اخوان.. انا ماكملت الثانويه طلعت قبل واشتغلت بشركه هنا فابو ظبي.. امممممم شو بعد؟؟ هي لاطالعني جذيه..ماأعرف ارمس وأحد يتأمل ويهي الغبر..خخخخ (صار يرمس عن اهله..وحياته عرفت من كلامه أنه سند بيتهم ومالهم غيره..وأنه ماعنده عيال عم..! ع الأقل اهو يعرف أنه ماعنده عيال عم مب شراتي عندي عيال عم بس مب داري عن هوا دارهم.. بعد ماتغدينا تمشينا شوي ع الكرنيش..بس قطع لحظاتنا الحلوه اتصال من اهله"كانو يحاتونه" عرفت من رمسته أنها امه وشكلها كانت تصيح لأنه كله يقول لها: لاتحاتين ولدج ذيب...زين خلاص قلتلج انا بخير ليش كل ها عاد؟؟ المهم ترخص مني عسب يسير راس الخيمه..بس انا اللزقه حلفت إلا اوصله..عيا وهو يرفض بس ماشي فايده انا راسي يابس إلا اوصله.. مرت الأيام وانا وهزاع مانفترق ابد كل يوم نتغدا ويا بعض..وأيام اجازته يا انا ازوره او هو يزورني.. وأحيانا كان يسافر معي لندن.. ايام قضينها سوا مضت بس كانت أحلى ايام حياتي..) ><><><><><><><><><><><><><><><><><><><<><><><><><><><><><> |
قبل سنتين و9شهور وساعتين فالمستشفى صار له اسبوعين مرقد فالمستشفى..وحالته كل مالها تدهور زياده..والورم ينتشر برأسه يوم بعد يوم..مانفع العلاج بالأدوية الكيماويه ويا حالته ابد.. امه صار قلبها يتقطع عليه وهي مب قادره تسويله شي..صارت تهرب منه عسب مايشوف عيونها كيف ذبلت من الصياح..وابوه بعد ماكان الريال الصلب الي مايهزه شي..صار يبجي حسره ع ولده الي يذبل وتتقطع أزهار عمره يوم بعد يوم.. اليوم قام الصبح صلى وقعد يقرا قرآن بصوت تخشع له القلوب.. انفتح الباب شوية وطليت عليه بويهي الطفولي مثل مايقولون..ابتسم لي وانهى قرايت الايه وقال لي: تعالي عوافي.. دخلت وبأيدي جيس العصاير: اشحالك اليوم؟؟ هزاع: مثل ماأنتي شايفه..أنتظر ساعتي عوافي بخوف: هزاع لاتقول جيه..(ونزلت دموعي وانا اتخيل حياتي من دونه) عسى يومي قبل يومك ابتسم لي بحنيه وهو حاط ايده ع رأسي قال: محد فيكم بيروح قبلي عوافي: هزاع ترا والله اروح عنك هزاع: هههههه الدلوعه تخافين من القدر؟؟ عوافي: لا..اخاف من الدنيا لأ رحت عني كيف بتكون؟! خلنا من هالسالفه الي تضيق البارض وشوف شو يايبتلك.. عصير جوافه هزاع مد ايده واخذ العصير: تسلمين لي..إلا وين ابويه؟؟ يريت كرسي ويلست عليه: ماادري نزلني جدام المستشفى وراح (وبهاللحظه دق جوال هزاع بنشيد العفو منك إلهي..طالعته شفت ع الشاشه "ميود" طالعت هزاع الي ابتسم وحطه ع الصامت) رفعت حياتي بستغراب: شوو؟ مابترد عليه؟؟ هزاع هز راسه بلا عوافي: حرام عليك هزاع..الريال بيحرق التيلفون من الاتصالات! تنهد تنهيده تقطع القلب: مااباه يعرف بمرضي..أنتي ماتعرفين مايد..مايد بيحاتيني وبيهد دراسته..وهذا مستقبله وانا مستحيل اخليه يضيع مستقبله عشاني.. عوافي: بالعكس انته جي تخليه يحاتي أكثر..شوف جم مره دق عليك من دخلت المستشفى..حطم الرقم القياسي بأتصالاته وأنته حاقره هزاع بضيق: لاتقولين حاقره..! انا بس خايف عليه.. (دقايق صمت مرت بينهم وقطع هالصمت صوت هزاع الي باينه فيه العبره) : مشتاق أشوفه عوافي.. شهرين من سافر.. كنت اتمنى يرجع عسب اشوفه قبل مااموت..بس انا حاس.. والله حاس أني ماراح اشوفه.. حبيت اغير الجو وانسيه حاله: لا أن شاء أنت بتنش مثل عنزتنا وبتشوفه ههه.. لأ وبعد بيكون عرسكم بيوم واحد قول أمين هزاع: ههههه محد عنز غيرج.. عوافي: إذ انا عنزه أنت شوو تطلع شاروخان؟؟ هزاع: مالقيتي إلا شاروخان وع ها مستواج يالبقره عوافي بحالميه: وي فديته..فديت روحه.. تدري بس لو يخطبني والله اتزوجه بدون مهر هزاع: هههههههههههه وهو أصلا شو بيعطيج مهر غير كرتون فلفل؟؟ ههه يحليلج ياختيه متأمله فمهر هههه ضحكت من ضحكته بس يافرحه ماتمت..ورجعنا لطاري يااللي هزاع نزل رأسه وقال بتعب وحزن واضح: بلغوه سلامي لأ رد البلاد..مو تنسون نشيت من الكرسي قبل مايشوف دموعي الي خلاص ماقدرت ايودهن وقلت بحزن: خل ايمانك بالله قوي ياخوي..انا بروح الحمام.. وطلعت قبل مااسمع رده..استندت ع اليدار الي برع وبجيت وبجيت وشهقت من القلب.. هزاع اخوي خلاص فقد الامل الي نحن متمسكينبه..هزاع يبانا نقتنع انه راح يخلينا بروحنا.. يلست ع الأرض جريب باب حجرته وصرت ابجي بجي صامت..فكرت اتصل بمايد واخليه يي يشوفه يمجن تتغير نفسيته! بس خفت من ردت فعله..خفت يزعل مني.. نشيت من على الأرض وسرت صوب الحمام..غسلت ويهي ورديت له..لقيته مطفي جواله ويالس يقرا قرآن يريت لي كرسي وانصت له.... بعد ساعه يا ابويه.. هزاع بصوت مجهد: مرحبا ملايين ولايسدن.. بو هزاع: ههه كل ها الترحيب حقي ؟؟ هزاع: عيل حق منوه؟؟ بو هزاع: اشحالك ألحينه؟ هزاع: الحمد الله..ابوي أمي ليش مايات معك؟ (بو هزاع سرح بعالم ثاني..كان يفكر بكلام الدكتور له: والله ياحج مأدرش اعطيك آمل..ابنك حالتو ملهاش علاج..خصوصا أنه الورم بطلش يستجيب للأدوية الكيميائية.. ياحج نفسية أبنك بتعئدش الموضوع كمان.. بوهزاع: شو قصدك دكتور؟ الدكتور: أصدي أنه هزاع مئتنع في عئله الباطن انه موتوه أرب..لزالك هو مش راضي يستجيب للعلاج بو هزاع: والحل؟؟ الدكتور بخيبه: أنا آسف..كنت عايز اساعدك..والله لو بأيدي كنت ساعدتك.. اطلبله الرحمه والشفا من رب العالمين..محدش عارف يمكن تصير معقزه والله أدر يعمل اي حاقه) هزاع يحرك ايده جدام ويه ابوه: خيبه كل ها شوق حق الوالده؟ بو هزاع ابتسم حق ولده ودمعه حاره نزلت ع خده الي شيبه الدهر: ااي هيه راحت ايام الشوق..والغزل بسكك الفريج.. هزاع: ههههه من صدجك يبه كنت تغازل الوالده بالسكه؟؟ ههه صدج أنك مال اول! ههههه عوافي: ههههههه مسكينه امايه.. أكيد كنت تقص عليها بتمرتين وربطة جت ههههههههههه بو هزاع بعصبيه: حدكم عاد..مااسمح لكم تتمصخرون ع الغاليه..(طالع هزاع بحزن طغى ع ملامح ويهه) هذي أم الغالي عوافي بوزت: ابويه ترا أنا موجوده ماطلعت! بوهزاع: ههههههه عاد أنتي لمبة البيت مانروم عنج! يله هزاع انا بروح بغيت شي؟ هزاع: وين وين؟ لايكون تبا تختلي بأم السكك؟ بوهزاع: استحي ياولد..بروح عندي جم شغله بقضيهم عوافي: وأنا؟؟ بوهزاع: خلج مع اخوج بعدين امرج..فمان الله طلع ابويه ويلسنا نرمس ارواحنا..مره نسولف ع بوي وأمي ومره ع ام الاء جارتنا البخيله.. خذتنا الرمسه وماحسينا بالوقت.. وفــــجــــــــأه قام هزاع يصارخ ويتويع..وأنا ماعرفت شو أسوي! ضغطت ع الدجمه حقت الممرضات وطلعت برع اصيح بأعلى صوت املكه: لحقو علي.. أخوي بيضيع من ايدي..دكتــــــــور..دكتور فــــؤادي..ألحق ع خوي صرت ابجي ماعرف شو صارلي..حسيت أني خلاص بفقده..بفقد اغلى شي بحياتي.. هزاع بنسبه لي كل شي..فجأه مر عليه شريط ذكرياتي وياه مرت عليه كل لحظه قضيناها سوا..كل حركه سويناها سوا..مرت عليه أيام مستحيل انساها..يارب أنا بشو يالسه أفكر؟! معقوله استسلمت للواقع؟! معقوله بفقد هزاع للأبد؟! لا مستحيل هالشي يصير شفت مجموعة اطباء يركضون صوبي..سبقتهم ودخلت لقيت هزاع متكور ع نفسه وضاغط ع راسه بقوه ويصارخ: ويع فظيع برأسي..فظيع يا عوافي..عوافي ماابا اموت.. آآآآه يارب ماابا اموت ولأول مره اشوف هزاع يبجي بهالطريقه جان شكله يهز قلوب ماتهتز.. فجأه انفتح الباب وانهل سيل من الأطباء والممرضين علينا..ابعدوني عن شبريته وقوفو جدامي وصارو يعابلون فأشياء مافهمتها..كنت اصيح مب حاسه بشي غير النار الي شابه فيوفي..كنت ابجي واطالع ويهه الي بدا يختفي ورا اجسامهم وانا اموت فالثانيه100مره كيف بعيش حياتي وهي خاليه من وجوده؟! كيف بنام قبل لا اسمع صوته؟! كيف راح ايلس اذاكر وانا ادري انه محد راح يفتح علي الباب ويخرب مذاكرتي؟! كيف..كيف ببتسم بعد ماتنسلب احلى ابتسامه فحياتي؟! فجأه رفعت رأسي ومسحت دموعي عسب اشوفه جان يلتفت عليه ويبتسم أحلى ابتسامه شفتها بحياتي..اسبل عيونه شوي شوي وكانت هذي اخر مره اشوفه بحياتي.. <><><><><><><><><><><<><><><><><><><><><>< صارلنا ساعه من طلعنا من سوق مطرح وهو ماقال ولأ حرف.. حسيت أني مرتاعه منه وايد.."بلعت غصتي" ياربي ترحمني راشد من يعصب مايرحم..ألحين بيسويلي سالفه "وأني عديتها الي روحت وأنتي متعمده وأنتي وأنتي...." يااللــــــــه.. "حطيت ياديه علي ويهي وهو انتبه لحركتي بس ماتكلم شكله ضام كل خروفته للفندق" ياربي سترك.. وصلنا الفندق هو روح لرسبشن وأني ركض للفت ابا اهرب قبل لايصيدني..بس الدب استعيل الموظفه ويا قبل مايفتح باب اللفت.. مسك ايدي بقو كنه يقولي هين طايره ؟ مردي بنازعك.. أحلام(ابا افلت ايدي منه): راشد ايدي تعورني راشد( من دون مايلتفت): سكتي...(فتح الباب وسحبني داخل لفت) ثواني وحن واصلين باب الشقه، فتح الباب ودخلت قبله وقبل مااوصل باب الحجره سمعته ينعر بقمة رأسه راشد: أحــــــــــــلام التفتت صوبه بدون مااتكلم راشد يضغط علي لحيته: هيش اذيه الحركه الي سويتيها؟؟ أحلام: اي حركه؟؟ راشد: معلوم بتنسي تراه عاجبنك الوضع.. اقولك أنتي متستحي علي ويهك! من وأنتي صغيره وأنتي بايعتنه الحيا..كانــــ.. قاطعته وأني أأشر ابيدي: راشد عن الغلط..يعني أني هيش سويت؟ أني اشوف عمري ماغلطت والي صار صار بدون قصدي.. راشد: لا والله؟؟ بدون قصدك؟ لاتكذبي احلام أنتي شفتيهم الشباب من يماعتنا وياين صوبنا..بس روحك مارديتي الغشوه علي ويهك.. أساسا من بدايه أنتي ماحلالك غير اليم تفصخي فيه الغشوه..كنك حاسه بييتهم أحلام ببتسامة اتمصرخ فيها عليه: من حلاوتهم افصخ الغشوه عشانهم.. وووع راشد: اهاه اعترفتي يعني أنك تدوري أحلا منهم؟! صديت عنه صوب الثاني ابا اروح حجرتي وأني اقول: الحمد لله وشكر علي نعمة العقل.. وماحسيت غير أنه ينتع ذراعي ويلوحني علي الكنبه..بس ماطحت فيها،ريولي التوت ودقيت الطاوله وطحت فالأرض.. كان عوق فضيع حسيتبه فريولي..حسيت عروق ريلي تتقطع..تشوفت عليه بنظرة ألم وعتاب: اااااي..ريولي تواطئ راشد لمستوايه: احلام.. هيش صابهي ريولك؟؟ من بين ضروسي: يعني أنته هيش تشوف؟ اااااااااي كسرتليها وبعدك تنشد؟ حسيت انه راشد ارتبش ومب عارف هيش يسوي..ثار واقف ولتفت يمين ويسار بعدين تواطئ مره..وماحسيت غير أني بين ذراعيه..تمسكت برقبته تلقائيا وقلت من بين دموعي: راشد نزلني.. مانطق بكلمه،فتح باب شقة ونزلنا تحت والكل يتشوف.. حسيت بالأحراج من نظراتهم بس الحمد لله محد بيعرفني كنت متغشه! ~المهم~ وصلنا المستشفي دخلنا طوارئ.. ويات الدكتوره عشان تشوف حالتي الدكتوره: فيكي ايه ياحلووه؟ اني فوق الكرفايه وراشد علي يساري والدكتوره علي يميني قلت وأني اهمز ريولي: انزلقت والتوت ريولي التفت راشد صوبي بصدمه وأني بادلته ببتسامه عذبه..ماكنت اقصد منهي شي! بس بغيت اغطي اسالفه..وليش افضح عمري أن شاء الله.. واقول ريلي المصقوع ضربني من اول اسبوع؟؟! مسك راشد ايدي وضغط عليها بالخفيف فأنتبهت الدكتوره له وقالت بضحكه: ههه لاحئ عليها ياأستاز.. راشد بصدمه: هاه؟! الدكتوره ببتسامه: بئول رجلها مفيهاش حاجه..حنحطلها جبيره وأن شاء بكره حطيب.. لفت ريولي بمية كساره وطلعتني.. فالسياره وصلني مسجين الأول من صلوح فديته حاس فيه يقول "مساء الورد..عسى ماازعجتكم؟! بس اشتقتلج وقلت اطرش اطمن عليج" والثاني من نفس الرقم الغريب الي يطرشلي كل يوم "سلامات.." طاح قلبي يوم قريت الرساله "أعوذ بالله من شيطان الرجيم.." قريتها مره ثانيه وثالثه وتميت اتلفت ،يمين ويسار.. ورا جدام..مشي كله سيارات..اذيه "يراقبنا ولأ هيش؟؟" راشد التفت عليه بستغراب: هيش فيك؟ فكرت اقول له..بس تذكرت الي صار اليوم.. كفخني عشان سبب تافه عيل يوم بقول له هيش بيسويبي..؟! برايه تراه باكر بنرجع وبعطي الرقم صويلح يتفاهم ماعه.. "وبويه صويلح" مارديت عليه كتبتله مسج بسرعه وطرشته له |
متابعين لك
الله يوفقك الغلا ولي عودة اكمل معك |
><><><><><><><><><><><><><><><><><><><>< في الامارات ظلم الجو ونحن تونا وصلنا ابوظبي.. دخلنا فشارع ع يمينه ويساره كله فلل وقصور..رفعت رأسي لأول مره من ركبت سيارته وطالعت برع..(ها وين ماخذني؟! انا ماعرف ساكن بروحه ولأ عنده اهل؟؟ ابيــــــه أنا مااعرف شو اسوي ألحين؟ وكيف اتعامل معه؟! الله يسامحك يا ابويه..) "نزلت دموعي بصمت يوم وقف سيارته جدام فله كبيره مادري طابقين ولأ ثلاثه! وطالعني ببتسامه شفافه وقال": هذا بيتج عوافي! نطقت أخيرا والدموع ماليه ويهي: ماابا انزل.. اتسعت ابتسامته: شو ماتبين؟؟ نزلي ياالياهل انا مب مأكلج.. "ونزل وانا اطالعه بالجامه الي جدامي وهو يلف ورا السياره وينزل شنط سفر..هذي معقوله لي؟ مااذكر ابوي نزل شي من سيارته..لمن هالشنط كلها؟! يا من صوبي وفتح الباب" مايد: شو عوافي؟ بنظل واقفين عند الباب؟ عوافي: تكفى ردني بيتنا.. مايد: يله عاد.. بس دلع نزلي اشوف نزلي.. "نزلت وانا ميته خوف..< ياربي شو اسوي ألحين؟! شو؟ > سرت وراه ودخلنا الحوي وخطوتين ووصلنا باب فخم كان باب الصاله فتحه بمفتاح كان بمخباه ودخـــــــــــــــلـــــــــــــــنـــــــــــــــ ا دخلنا ويا بعض..كانت فيه قعده ع يمين وع يسار باب الصاله(يعني قنفات راقيه).. وبوسط الصاله درج من فوق يتفرع لوجهتين يمين ويسار..كان بيتهم واسع وايد...مااجدر اوصفلكم شكله بس كان خيـــــــــال.. انتبهت لأهله الي جالسين ع يساري يوم سلم عليهم مايد وردو عليه" الكل: وعليكم السلام ام هيثم عاقده حياتها: مايد.. مايد وهو عارف شو بتسأله: لبيه ام هيثم بخوف بان فصوتها: لبيت حاي..بس منو هاي الي معك؟؟! خالد: شكله الحبيب صدق روحه وأخذ شقرا من ورانا..بس ها سوداء مب شقرا هههه بو صقر(جاسم) رافع حياته وبصوته الرجولي الحازم قال: جــــــــــــــــــــب.. مايد منو هاي..؟؟ مايد بلع ريقه وطالعني وانا من الخوف ضغطت ع ايده عسب احس أنه لي احد بينهم..ضغط علي وهو يقول: هاي عوافي..زوجتي.. ام هيثم: ودي..أنت شووووو تقول؟؟ متى؟ ليش؟ وقبل ماينطق مايد بشي قال ابوه بصوت حازم خلا الكل يسكت: سولاف..خذي الحرمه لحجرتها.."بعدين طالع واحد واقف جريب منه" وأنت تعال ويا أخوك فالميلس.. < وطلع > صقر: أن شاء الله..مايد سير وياي طلعت مع سولاف فوق وانا عيني عند مايد..الي اختفى ورا الباب.."ياربي ابوه شو يبابه؟ ألحين هو تزوجني مندون شور ابوه ولأ شو؟طيب ليش؟؟ وشو بيكون مصيري انا..معقوله ابوه يحذفني برا..؟! " ونزلت ع خدي دمعه يتيمه ترثي حالي وترثي هالحياة الي انا عايشتها... |
احداث حلوه ومشوقه
استمري همسات ولا اطولي فالغيبه |
واصلـــــــــــــــــــــــــــــــي تميزك ..قصتج اعجبتني.الفاظها
واحداثها |
وينج هموسه ،،، هاااتيلنا علوم الحلم
|
اقتباس:
هلا حبيبتيsmile... الله يوفقنا يميع ان شاء الله.. مشكووووره ع المتابعه.. |
اقتباس:
اسعدني تواصلج وياي خيتوووو.. الله لا يحرمنا من هالطلعcool... |
اقتباس:
فديتج والله..طلتج الاروع حبوبه... |
اقتباس:
موجووووده بس الحلم راجده هههههbiggrinbiggrin اقصد مشغووله توووو واااااااااااااااااااااااايد... سو ماكتبت شي... انتظــــــــــــــــــــــــــــــــــــروووووونــ ـــــــــــــــــــــــــــــــــــــــــــي.... وبأقرب وقت بنزل احداث يديده.. |
انزين بترياااج ،،،،، بس لا اطولين
|
للاسف شفت ال Story متأخر ...بحاول اقراها من البدايه والله يعيني لين اوصل وين وصلتوا
وبالتوفيق |
خلا غاااايتج تكملي لنا القصه همووووسه
|
هلا حبوبه...
بعدج حيتي بتنتظري واااااااااااااااااايد... ههههههه بس عسى ماتملي... |
ههههههه..هيبه حبتي تريي على البنت شويه
|
هههههههههههههههههههه
الدباااات انا شاااكه بشي هع بس بسكت ما بتكلم انزين بنت الحنين ؟ |
اقتباس:
ههههههbiggrin بشووو شاكه فدينج؟؟؟؟؟ |
smile.
اقتباس:
هههههه عادي حبوبه خليها تتحمس..عشان احس انه في حد يتابعني بصدقsmile. وانتي حبوبه ماقلتي شو رايج بالقصه؟؟؟ |
عزيزاتي متابعات **من بد كل الخلايق حبيته**smile....
انا بغيب عن المنتدى فتره..لمشاغل خاصه<<< الي فيه حماله بخبره بعدينbiggrin هههه المهم:ابغى منكم تحطو توقعاتكم واقتراحاتكم للأحداث اليايهrolleyes...<< لأنه فبالي اشياء كثيره بس ابا اعرف شو الاشياء الي تبنها تصير.. .... واذيه مقطع بضيفه ف الجزء اليديد..اتمنى يكون فيه شوية حماس..(انتظر رايكم!!): |
"...: لا..لا تقولو.. لا لا تقولو انه مات لاااا ..لا تقولو انه خلاني وحدي..(مسحت دمعه حاره نزلت ع خدها.. وسحبت نفس وهي حاسه انها شوي وبتختنق..حاسه انه الجو عتم من حولها.. التفتت لأمها الي حاطه ويها بين ياديها وكنها تحاول تستوعب الي يصير.. جربت منها..وجلست جدامها على ركبها وحطتت رأسها على ركبت امها وهي تمتم) : اماه قولي انهم يكذبو..رجيتج قوليها..قولي انهم يكذبو.. اماه!!! امها: هاه!! ...: ابا اقوله..(بلعت قصتها) ابا اقوله اياها.. عمري ماقلتها له..ابا اعترفله بصدق..اماه والله اني احبه...اهاا احبه والله احبه.. (التفتت على اخوها الي حاس بأخته وبالي يصير لها) : ليتني ما خليته وحده.. ليتنيــــ......(يتبع...)" |
اتوقع محمد الي مااات،،، من سلامة الاياويد
المهم ،،،، هو اساسا غلط مع هدى مرتين المره الاولى لما صارخ عليها والثانيه لما طلقها احداث مشوقه بس لو تجي على فترات متواصله بيكون فاااااجد زين ماماه عشان يضل الحماس موجود |
عاد خلاص نسيناها الرواايه
لازم نقراها من يديد عشان نتذكر بسج يالدبه من الرقااد غااايته تكمليها |
اقتباس:
eek.eek. افااااااااااااااااا تنسيها مره وحده؟؟؟ :23_asmilies-com[1]: معليه الدبه..انا ألحين اكتب البارت اليديد..بس تشوشت بالاحداث كل ما اكتب عن شخصيه تيني فكره للشخصيه الثانيهbiggrin وان شاء نرسي ع بر..ويكون البارت حلووو اهم شي تكوني معي ع الخط دائما.. |
هااااااااااااي..smile. وينكم؟؟؟؟؟ اشوف قل التفاعلeek.؟؟؟؟ افاااااااااااااااا افاااااااااااا ماعليهـ انا بنزل هالجزء وانتظر التفاعل والحماسcool....اتمنى الاحداث تكون مشووقه اكثر من قبلtongue.... .......... الجزء العاشر طلعت مع سولاف فوق وانا عيني عند مايد..الي اختفى ورا الباب.."ياربي ابوه شو يبابه؟ ألحين هو تزوجني مندون شور ابوه ولأ شو؟طيب ليش؟؟ وشو بيكون مصيري انا..معقوله ابوه يحذفني برا..؟! " ونزلت ع خدي دمعه يتيمه ترثي حالي وترثي هالحياة الي انا عايشتها... (بميلس بوصقر) رفع نظره عن ايدينه الي شابكهم وطالع ابوه الي كانت نظراته جامده: وهذي كل السالفه.. والله ياابويه أنه لو الريال سمعته شينه جان ماخذتها.. وبعدين انا قلت لك البنت هي نفسها الي كنت معزم تخطبها لي..يعني ماختلف شي.. بس الطريقه اختلفت صقر: وابوها ليش مستعيل؟! جان ترياك لين تقول لأهلك وتضبط العرس مايد وعينه عند ابوه: أنت تدري بحال هالريال ياصقر..موت ولده اثر فيه وايد.. وبعد سالفة اخته -سودا الله ويها- يمكن تكون السبب انه يزوج بنته بلا عرس!! وهو اساسا من بعد هاالسالفه قطع اهل فريجهم موليه (وسوى اشأرات بعيونه لصقر يعني كلمه) صقر حط ايده ع فخذ ابوه: ابويه ترا الي صار صار..والبنيه صارت منا وفينا.. ونحن مب فارنها مدامها دخلت بيتنا..(وعسى ان تكرهوا شيئا وهو خير لكم) مايد: ابويه..رجيتك قول شي جاسم ببتسامة رضا: نش روح لحرمتك اكيد المسكينه الحين مستحيه منا قحم مايد وحب راس ابوه:فديتك يابويه..والله والله اني ما اسوي الشينه وانت ابوي وتاج راسي.. اترخص منكم بشوف عوافي جاسم ببتسامه: روح روح عسى الله يفتحها بويهك وين مارحت.. <><><><><><><><><><><<><><><><><><><> "رحام..؟ رحمه..؟" رحمه: هاه..هنيه هنيه حمد بستغراب: هيش تسوي خاشه هناك؟؟ رحمه: ادور طنبالة السمن.. حمد: انزين خلينا من السمن..شفتيه جسوم هين خلي تيلفوني؟؟ رحمه تصلب طولهي واقفه: وأنته ليش تعطي جاسم تيلفونك؟؟ حمد: معطيته..اليني سحبه من وطى وساتي وطار..وألحين قعاد لي ساعه كامله اهزبه..وفالأخير قال ميندل هين حطه! رحمه: حمد ترا إذا طاح فإيد ابويه..بطيح فمشكله لهي اول وملهي أخر.. حمد: اعرف..لا وبعده من نحاستي..بارحه شليت القفل..! (لف عنها يبا يطلع بس تذكر شي) ع فكره راشد بيي اليم رحمه ببتسامه واسعه: والله.. عيل بنظفلهم بيتهم حمد عقد حيانه: كبيلهي ويهي احلاموه..لا تخدميهي... رحمه: هههه هيش فيك عليها؟؟ مأكله مال ابوك؟؟ حمد: ماطيقهي بهو.. رحمه: هههههه حرام عليك هي ألحين عروس لازم نكفيها فشغل..بس بعد شهر بكدهي كد.. حمد: هههههههه ايوه كي اباك! "لف عنها وهو يصرخ" جسوم.. جسوم؟ ><><><><><><><><><><><><><><><><><><><><><><><><><><><><><>< ليلة البارحه دخلت حجره كبيره وايد.. ومرتبه بشكل ..باين كأنه محد ساكن فيها! تمددت ع الشبريه الواسعه بعد ماطلعت سولاف عني..وفكرت بوضعي.. وضعي؟؟؟ لحظه!! انا ألحين حرمه متزوجه!! معقوله؟؟! مب مصدقه.. انا يادوب افهم معنى الزواج...يعني ألحين شو اسوي لأ دخل علي وكلمني؟ شو اقول؟؟ شو اسوي؟؟ انا وهو ارواحنا؟ لا لا لا "وصرت ابجي بدون توقف..شهقات متواصله..وفجأه انفتح الباب ورفعت جسمي بسرعه وطالعته بخوف.. وهو رد بسرعه":sorry really sorry جان لازم ادق الباب اول... مسحت دمعتي: لا عادي..ترا الحجره حجرتك..والبيت بيتك..وانا..!! انا..بأسمك!! عادي..ترا انا مالي وجود..انا سلعهــ.... مايد : لا "سكر الباب..وتجدم وجلس ع طرف الشبريه" لا..انتي لج وجود... لاتفكري ياعوافي اني تزوجتج عسب اشبع رغباتي..انا تزوجتج لأنج عوافي.. لأنج الأنسانه الي متأكد انها بتسعدني بحياتي.. الأنسانه..الي اخترتها عسب تكمل معي مشوار الحياه بحلوه ومره...!!! عوافي: بس انــــا!!!! مايد: اششش! مابيج تقولين شي ألحين.. وانا متأكد انج بعد كم شهر بتقولين عكس الكلام الي تبين تقولينه ألحين!! وبتشكريني لأني ماخليتج تقولينه!! وألحين رجدي انتي ع الشبريه ولاتخافي من شي..وأنا برجد ع القنفه هذي إذا ماعندج مانع؟! هزيت رأسي بلا.."وبداخلي ودي اقول انت ارجد ع شبريتك وانا برجد ع القنفه.. بس ادري انه هالرمسه مامنها فايده" يلست اطالعه وهو ينسدح ع القنفه بثيابه الي عليه.. وبدت انفاسه تنتظم معلنه انه خلاص معاد بهالدنيا ولأ حاس فوجودي.. "باين انه تعبان حيل عسب جي رجد بسرعه! ياربي شو هالمايد الي طلعلي؟؟ وشو راح يصير فيني؟؟ اآاآاه يامايه اشتقتلج وايد؟؟ واشتقت لرأس الخيمه حيل؟؟ ااااه يادنيا..ليش سكرتي بيبانج من بعد موته.. ليــــــــــــش؟؟؟!! ><><><><><><><><><><>><><><><><><><><><><><><><><><><><><>< وقف سيارته جدام بيته والتفتلي وهو رافع حيان واحد: ألحين ابا افهم هيش نوعية تفكيرك؟؟ أحلام: والله تفكيري راقي..وهالشي باين من شكلي.. بس بعض الناس مظاهرهم خداعه.. شاور ع نفسه وعيونه مفتوحه ع وسعها: ألحين أني مظهري خداع..؟؟!! أني...أني متخلف؟؟ وتفكيري ابد ماوصل لمستوى حضرتك؟؟!! لاه؟؟ اذيه المقصد من كلامك صح؟؟ رفعت حياني بحركة تكبر وقصدي فيها أني اغيظه: أني ماقلت شي.. أنت الي فسرت الأمر بروحك!! حط اصابعه ع سكان وصار يدقدق بطريقه تبين ضيقه وعصبيته الي وصلت حدها.. التفت صوبه ولأ كأنه هامني هو عصب ولأ معصب!! وتشوفت عليه بنص عين"يعني ونهاية فهالحوار هيش بتكون؟؟" راشد من دون مايشوفني: بتظلي ياهله طول عمرك..ماينأخذ بكلامك ابدا.. أحلام بعد نفس عميق: بنطول فالسياره؟؟ راشد: نزلي محد ماسكك؟؟ أحلام: وأنته؟مب نازل؟ قصدي هلك لازم يشوفوك نازل عندي.. رد ببتسامه جانبيه: مظاهر خداعه!!! مب زين يامدام نبين لناس عكس حقيقتنا.. تشوفت عليه بنظرة احتقار..وفتحت بابي ونزلت.. تحرك...بس وهو يحرك من جدامي حسيت بشعور غريب بقلبي.. قبضه خفيفه بقلبي حسستني انه الي سويته غلط... معقوله..؟؟ معقوله..اني..؟؟؟ لا مستحيل لا.. ولأ تفكري فهالكلمه ابد.. ...: أحــــــــــــلام؟؟؟!!! ><><><><><><><><><><><><><>< ضرب الجرس.. المعلمه: فاهمات؟؟ الكل: فاهمين المعلمه: كتبن الي علي السبوره وباكر بشوف الدفاتر..!! (طلعت) نافجه تسير من السيد الوراني صوب الباب : كتبن وكتبن..ملينا من كثر مانكتب.. شيخوه بس كتابه سيري بسرعه.. الجمعيه بتنترس سيري شيخه: انزين صبري باقي سطر واحد..ولأ تبيها تحشرنا باكر؟؟! نافجه تجدمت منها وهمست فصماخها: ابا اعرف انتي ليش مهتمه مدام بتنخطفي فصيف؟ شيخه: هههههها ضحكت وايد! نافجه: هاهاها سيري ام غنيم شيخه: ووع..والله مأسمي ولدي غنيم! نافجه: كلام لسان..!! انزين سيري اني يوعااانه! شيخه: خلا.. طلعن صوب الجمعية وكالعاده مزدحمه.. وماحصلن مكان فمشن صوب ظلة الصفوف الي قبال الجمعية.. عشان يكملن حش لين تفضى الجمعيه من اليهال مها: شيخوه أحلام بتي الليم صح؟؟ شيخه: اهاا..وبنتجمع كلنا فبيتنا..بكون بتن أنتن ومع خالتي..؟ نافجه: احم احم نحن هنا.. مها: هيش تبي انتي نابه؟ جمعة عايله هين تبي ترزي ويهك! نافجه: مالت عليج..أني قصدي جدمن خروفه ع الأقل'نافجه جربي.. ولأ نافجه بتحلى القعده بوجودج' كيه يعني! شيخه: هههههههه برود فوادي نفوج.. ميخالف الحبه..بسويلكن جمعه شي يوم فبيتنا.. نافجه: فديتــــــــك.. نطن نطن بيدق الجرس وحن م كلينا شي.. بسرعه |
يلست ع طرف شبريتها وحطت ريل ع ريل بطريقه تبرز انوثتها وجمالها.. وأخذت خصله من قذلتها وصارت تلعب فيها بغنج.. زهره: وأنتي شو حارج؟ ابا افهم... مشاعل: زهره أنتي تغيرتي وايد..انتي مب زهره الحساسه الي اعرفها.. زهره مدت شفايفها ع اساسا ماعجبها كلامها: شو تغير فيني يعني؟؟ ولأ لأني صرت ادافع عن حب قلبي واحاسيسي صرت غير؟؟ "تمددت ع شبريتها وصارت تطالع مشاعل الي كانت وراها بنظرات حرقه وتعب" مشاعل انتي مب حاسه فيني.. مشاعل انا تحطمت من داخل.. وكل يوم يقرب فيه يوم زفافي احس اني اذوب فيه اكثر...قلبي...قلبي يامشاعل ماعاد يتحمل.. مشاعل تمسح دموع ربيعتها الي ملت خدودها..والكحل اخفا ملامحها: ولو بيبي..كان لازم تعودي نفسج ع هالشي..كان لازم تنسي.. مب تقرري تقولين لأخو زوجج "والله انا احبك ما احب اخوك.."اتخيل موقفه ذيج اللحظه كيف بيكون..فشيله..والله فشيله.. زهره حبيبتي تعوذي من ابليس وارضي بالواقع.. زهره: صعب..صعب انساه جذيه بدون سبب.. مشاعل انا كل مااشوف صقر جدامي يزيد حبه فقلبي اكثر.. كل ما اقول بنساه قلبي يقول لا.. مشاعل صقر ملكني سحرني..قيدني.. ماقدر انساه.. طق طق طق طق مسحت دموعها بحركه سريعه: منوو؟؟ انفج الباب ميري: ماما.. بابا صقر تهت..ايريد ماما سالمه بس ماما مافي مني.. زهره ببتسامه شاقه حلجها: وي فديته..فديت روحه..الطيب عند ذكره دوم.. روحي ميري روحي..انا برأسي بنزله.. مشاعل: وي ياالخبله شو ناويه عليه؟ زهره: ولأ شي..بس بكحل عيوني بشوفته..فديته وفديت طاريه.. (قامت واقفه بعدين ردت قعدت) يمه مشاعل لحقي علي..قلبي بيوقف.. مشاعل: بسم الله عليج...ههههههههه هذا بعدج ماقعدتي معه هههههه زهره تحط ايدها ع قلبها: يمه سكتي بس سكتي..اخاف يقول عندج عرس بصدرج؟ من كثر ماقلبي يخفق.. هههههه طبووول طبوول يامشاعل مشاعل: ههههههههههههههههههههههههههههههههه ياالعياره.. قبل شوي تبجي وحالتج حاله..شو صار ألحين ههههههههه أخذت مخده ورمتها عليها: اقول سكتي..خليني ألحق عليها قبل لاتطب علينا امي وتخرب كل شي مشاعل: ههههههههههههههه الله يعين هيثم بس زهره تضبط شكلها: ووويع لاتيبي طاريه..خلينا فالمزيون..فــــــــــديتــــــه تحت بصاله.. صقر: شو صار عندها هذي؟؟ ساعه لين تنزل..اووووف بس بابا حبيبتي أنتي فديت ضحكتج.. زهزه وهي نازله ع دري" يمه صوته يذوب..": ياهلا والله.. هلا بالعذراء وابو العذراء.. صقر: هلا فيج.. تأخرتي علينا.. زهره(لو الأمر بأيدي جان مافارقتكم ولأ دقيقه): اسموحه..بس جان عندي ضيفه صقر: مسموحه الغالية زهره(يمه لحقي علي): تفضل الشيخ.. صقر: زاد فضلج..إلا وين عمه؟؟ زهره تطبع بوسه ع خد عذراء: مادري..شكلها راحت بيت ام ناصر..ربيعتها.. صقر: هيــــه عرفتها... طيب ماراح اطول عليجــ زهره بسرعه ومن دون ماتحس بنفسها: لا..شو مااطول عليج.. اآا..اقصد..البيت بيتك خذ راحتك.. صقر: مشكوره..هذا من طيب اصلج..بس انا ياينكم عسب اسلم ع عمتي سالمه..انا باجر مسافر.. زهره وقفت ع طولها بصدمه..ووقف صقر معها: شــــــوو؟؟ مسافر؟ وين؟ وليــــش؟؟ صقر: بسم الله عليج..زهره فيج شي؟؟ زهره شوي وبتبجي: جاوبني؟ وين راح تسافر؟؟ صقر يمسح خشمه: هو مب سفر بمعنى سفر..اسبوع ونحن رادين البلاد.. زهره: نــحن؟ من انتــو؟ صقر ع نياته مب داري انه البنيه شوي وبطيح من طولها: انا وبويه..بنروح العمره اسبوع.. عاد هذي رغبة الوالد.. زهره: وانــــا؟؟ اقصد وعذراء؟؟ صقر: امايه نوره عندها.. زهره: هيه..بس انت تدري انها تموت ع شوفك..اخاف يصير فيها شي لغبت عنها.. صقر يأخذ بنته من ايد زهره ويمسح ع شعرها بحنان: انا الي بموت من دونها.. زهره: راح تشتاقلك حيل.. صقر: زهره خلاص عاد لا تخليني اهون عن الروحه هاه.. زهره بحزن عميق: ياريت(انا لو ماشفتك بيوم امووت..عاد اسبوع؟؟ اسبوع ياصقر؟؟) صقر: صار لازم نروح ألحين..وصلي سلامي لعمه مو تنسين هههه زهره ودموعها تعلن وقت نزولها: ان شاء الله.. صقر: خلي بالج من نفسج..هلله هلله بأمج..ماوصيج بها.. زهره: بعيون..إذا بقى فيني عيون صقر: هــاه؟ زهره: سلامتك..تروح وترد بسلامه.. صقر: اشوفج ع خير.. "وطلع..وترك وراه قلب ينزف..تركها وراها تعد الدقايق الي ماراح تشوفه فيها.. تركها راكعه ع ركبها بنص الصاله تبجي من الداخل.. تبجي بآلم وحرقه..ماتدري شو صار لها؟ بس حاسه انه الدنيا اظلمتها..حطمتها..تركتها بطريج طويل اخره مفترقين..ماتدري صوب اي واحد تسير... احتارت..تألمت..ماعاد فيها تتحمل اكثر...ها اسبوع وقتلها قتل.. عيل شو بتسوي طول عمرها وهي تشوفه جدامه ومب رايمه تقوله احبك.. هي لازم تتخذ قرارها بأسرع وقت..قرار حاسم..قرار يحدد مصيرها نهائيا" ><><><><><><><><><>< ><><><><><><><><><>< ><><><><><><><><><>< ><><><><><><><><><>< رد ببتسامه جانبيه: مظاهر خداعه!!! مب زين يامدام نبين لناس عكس حقيقتنا.. تشوفت عليه بنظرة احتقار..وفتحت بابي ونزلت.. تحرك...بس وهو يحرك من جدامي حسيت بشعور غريب بقلبي.. قبضه خفيفه بقلبي حسستني انه الي سويته غلط... معقوله..؟؟ معقوله..اني..؟؟؟ لا مستحيل لا.. ولأ تفكري فهالكلمه ابد.. ...: أحــــــــــــلام؟؟؟!!! التفت... زادت نبضات قلبي وزاد تدفق الدم بعروقي ودمعت عيني.. يوم شفت بويه..بويه نظر عيني.. آآآه يابعد قلبي..اشتقتلك واشتقت اسمع اسمي منك.. بدون مااحس بعمري ركضت وكني اسابق الريح ودفنت ويهي بصدره...محتاجه له محتاجه لدفى حضنه.. ابويه بصدمه: أحلام..هيش صاير؟؟ أحلام فضحتينا بالشارع (بعدني عن صدره وكلمني بصوت يفيض حنان وممزوج بحزم): أحلام..عيوني راشد صارله شي؟؟ (هزيت رأسي بلا) ابويه: عيل هينه عنك؟؟ وهيش مطلعنك برا وحدك؟؟ أحلام : هاه؟! الله يهداك بويه.. حن ألحين واصلين..وراشد نزلني وروح يصلح سيارته.. جرب بويه بنتقهوي رباع! ابويه: لا اني بروح البيت..انتي دخلي بيتك..وتغدي وستريحي وعصر تعالوا انتي وراشد.. وترا امك عزمت عايلتهي كلهي علي العشاء.. عاذرتك.. أحلام: الله يحفظك ويخليك لنا.. تبعته بنظري وهو يختفي شوي شوي.. وبعدها دخلت..لقيت عمتي عاشه ورحام جالسات ف الصاله.. رحمه ببتسامه شاقه ويها: حيا الله عروستنا..جربي "وخذتني بالأحضان والبوس" هلا والله هلا.. "سلمت علي عمتي عاشه الي قالت": هين راشد؟؟ أحلام: روح يصلح سيارته..اختربت وحن فطريق عمتي: نظر عيني... كان قلتيله يدخل يستريح وعصر يصير خير!! أحلام: قلتله عمتي..بس تعرفيه راشد محد يقدرله..الي فرأسه يسويه رحمه تهز حيانهي: الله يعينك عليه.. أحلام بضحكه خفيفه: هههه أمين.. أخليكم ألحين..أحس أني متكسره حيل.. عمتي: مشبعنا منك! أحلام: معليه عمتي..بس والله تعبانه..انكسر ظهري طول الطريق وأني جالسه.. رحمه: خذي راحتك العروس..ألحين منجدر نقولك لا.. مأخذه الرأس العود فالبيت أحلام: ههههههههه "صدق الرأس العود! " دخلت بيتي اقصد بيت راشد افندي..عقيت شنطتي فالصاله..وركض للكرفايه.. ابا ارجد ابا انسى الي قاعد يصيرلي.. ابا ارجد ما ثور ابد.. بس محال..تقلبت يمين يسار..بس.... اوووووف..رأسي يبس مب قادره ارجد بهو.. ااااااااهــ ..اعتدلت جالسه وتشوفت ساعه 3:45 ياربي صارلي ثلاث ساعات اتقلب علي فراش.. لحظه راشد م ياا...ياربــي هين يمكن يكون؟؟! معقوله روح بيتهم عشان مايشوفني؟! ياالله اذيه الريال بينني..!! اووف تسبحت ولبست..وحطيت شدو اسود ع لون ثوبي..وروج زهري يبين جمال شفايفي..مررت المسكره ع رموشي.. والقيت نظره اخيره علي شكلي..بعدين طلعت..يارب يكون هناك! أحلام: السلام عليكم الكل: وعليكم السلام ورحمه ><><><><><><><><><><><><><><><><><><><><><><><><><><><><><><><><><><><><><><><><><><><>< |
><><><><><><><><><><><><><><><><><><><><><><><><><><><><><><><><><><><><><><><><><><><>< خالد: هاه تحمل تنسى الي وصيتك عليه! جاسم: من عيوني بووليد.."التفت لنوره" هاه ام هيثم تأمرين ع شي؟؟ نوره: سلامتك..تروحون وتردون لنا بسلامه.. سولاف حاضنه عذرا ودموعها ع خدها: ابويه.. دعواتك لنا خالد: هلله هلله ادعيلها بالريل الي يفكنا منها هههه ..: هههههههههههههههه سولاف: يوز عنيه..مالي خلق طنازتك صقر: فديتج السوس لا تنغثين..تدريبه ها غثيث من يوم ختلق خالد: طاع هذا..هيه انت..انت ساير تعمر ف بيت الله.. جاسم: بس ياعيال..نحن تأخرنا..ما اوصيكم بالبيت وامكم.. وكل شي ولا عذرا لاحد يزعلها.. خالد: ياحظها ياطماطه..الكل يوصي عليها ..: هههههههههههههههه سم ع البنت.. صقر: هيه انت السبال..لاتصك بنتي بعين..ترا يقولون العيون مدوره تأكل هههههههه خالد: لا تخاف عليها..ابوها صقير كل يقرا عليها..محصنه العين ماتلحقها.. جاسم بحزم: اذكر الله يا صبي.. خالد: هاه بسم الله..بسم الله اتفل عليها سولاف: وييييع..والي يرحم والديك لاتتفل! صقر: هههههههههههههههه ياله ابويه بنسير تأخرنا.. جاسم: يله ياعيال..فمان الله هيثم: بوديكم المطار صقر: مايحتاي بنروح فسيارتي..فمان الله نوره : الله يحفظكم..ويسهل دربكم ويتقبل منكم..وترجعو بسلامه.. ..: اميــــــــــــــــن ><><><><><><><><><><><><><><><><><><><><><><><><><><><><><><><><><><><><><><><><><><><>< عصر روحت بيت اهلي...و ع المغرب صارت الصدعه واجتمعت العايله كلها العرب فالميلس والحريم فليوانا.. "لحظه نسيت اقوللكم..ترا اني م لقيت راشد عند اهله..من نزلني مصبح م شفته".. المهم..اشتل الليوان من الخراريف..والضحك..وأمي ومرايم مفتتنات فمطبخ.. وبنسبه لي كنت عندهن ومب عندهن فنفس الوقت..يعني كنت عندهن جسد وفكري كله عند راشد..هينه؟ وليش مرد لين ألحين؟؟ فاطمه: هاه العروس..لين ألحين م سمعناه صوتك! خبرينا كيف العرس ماعك؟؟ شيخه دق احلام فذراعهي: أحلاموه؟؟ أحلام: هــــــاه؟؟؟ فاطمه: هههههه لا الاخت شكلهي مب معنا! أحلام: لا يادبه معكن..بس افكر اروح اساعد امي مها تمد ايدهي بحركه تضحك: سمعن ينون.. حد تيه راحه ويقول ابا اشتغل؟؟ شيخه: هههههه يمكن راشد يينهي "أحلام ثارت ودخلت حجرتها " مها: من صدقهي زعلت؟؟ شيخه: خليها عنك..اصلا من يات عصر وهي علي اذيه الحاله.. فاطمه بخوف: شيخه..م سألتوها هيش فيها؟؟ يمكن م رتاحت عن راشد! شيخه: امي سوتلهي تحقيق..بس مشي فايده.. تقول م فيه شي م فيه شي! مها تعالي براويك الفستان الي يابته لي الحلم.. فاطمه: الحماره..اني بعدي اكلمك شيخه: اوووه..دوريلك حد غيري تستجوبيه "وسحبت مها معها" فاطمه التفتت لهدى الي جالسه سيارهي: هدهد..روحي تشوفي ربيعتك هيش فيها! هدى بهدوئها الي الكل اعتاد عليه بعد طلاقها: من؟؟ فاطمه: أحلاموه..ماده بوزي شبرين.. هدى: خليهي علي راحتهي.. فاطمه: مالت..حشي محد يقعد معكن انتن..لو كان جالسه عند بو عيال كان احسن.. مريم تحط صينية القهوه قدامهن: جربن.. "داخل الحجره" أحلام ماسكه تيلفونهي وهي بين مد وجزر.. "اتصله اشوف هين روح؟؟ لا لا هو نازعني..لازم اسوي لعمري كرامه.. واخليه يعرف انه م يهمني غاب ولأ لا! يا ربي الهمني الصبر ياالله هيش اسوي؟!" مها تدق شيخه الي واقفه تقيس الفستان عليها: اقول..شكلنا ازعجنا احلام شيخه: هيش قصدك؟؟ مها: لا بس شكلهي تبا تكلم ريلي وحن قعدنالهي.. شيخه: هههههههههههه تكلم من؟؟ رشود؟؟ هههههههههههه مها: اشفيك تضحكي؟ علاقتهم مب زينه؟ شيخه: لا ياالهبله.. اني قصدي متخيل راشد واحلام كيه يعني يتغزلوا بعض! مها: روعتيني.. "عند احلام" تنهدت بصوت..بعدها قررت ترسل له رساله فاضيه وتشوف اخرتها معه.. "ف الميلس" صالح: ومحمد خويه معنده غير ينازع الهنود..انته تعال هنيه.. وانته لاتسوي كيه ولأ بدق راسك بالمطرقه.. هههههههههههه ينن الهنود مساكين.. حمد: حقه عمي..الاه ان ماصلبتهم بسرعه..مب لاحق فيهم بعدين هههههه بو يمعه: صدقت ياولدي.."التفتت لأخوه بوراشد " ولدك راشد هين حتى ف مسيد مشفته.. بو راشد: والله معرفه..من نزل أحلام م شفناه.. بو يمعه: هيش يعني م شفتوه؟؟ بو راشد يكمل فنياله: هيش يعني بعده؟؟! اقولك الصبي من نزل حرمته م شفناه.. وأحلام دخلت علينا عصر قالت يا رجد ظهر وبعدها طلع قال عنده شغل..وبيرجع! بو يمعه: عساه خير.. سعد يصب فنيال قهوه: حماديه..اقول انته علي هيش شايف عمرك؟؟ حمد: لهيش تقول كيه؟ سعد: يوم ارسلك ليش م ترد؟؟ حمد: اوووهو تذكرت اني لين ألحين ملقيته! صالح: هيش هو؟؟ حمد: التيلفون..غيبه جسوم فقدته ان شاء الله.. سعد + صالح: هههههههههههههههههههههههههههههههههههههههههههههههه سعد: داواك؟! نعاني فيك هههههههههههه حمد: سكتو سكتو ولأ بخمكم بكس.. صالح: هههههههههههه محمد مبوز: سعد صبلي فنيال.. سعد: الدله سيار يمعه..يمعه..صب لبو جاسم يمعه من تحت رموشه: مشتغل عنده.. حمد: افاا..بو محمد صالح بحزم: يمعه هيش اذيه الكلام.. صب لريال وعن المصاخه يمعه بعصبيه: تقول لي اني مصاخه؟؟ سعد: هو ههوووه..بس بس روحي بصب لخويه..علي رأسي بوجاسم ثار محمد واقف: بس ماابا قهوه..خلي يمعه يشبعبهي.. صالح: اقول قعد قعد..ألحين بيبو العشا قعد محمد: بروح وبرجع.. حمد: بنحرسك..لاتروح بعيد.. "بعد ما طلع محمد..التفت ليمعه" يمعه..هيش فيك علي ريال؟؟ يمعه بضيق: كيه..محبه..كيه سبحان الله صرت مطيقه..م يدخل مزاجي بهو.. "طلع محمد..ومشي صوب الزراعه وصار يشوف الزرع وهو يفكر ف الي صار داخل.. يمعه فيه شي..يمعه متغير عليه..هو صح كانت علاقتهم مب قويه..بس ماكانت مثل ألحين.. فجأه سمع صوت بكى من صوب المطبخ.. يبا يروح يشوف السالفه..بس ريوله معنده..ف الأخير قرر يروح صوب المطبخ..وهو عند اول درجه.." هدى تمسح دموعها: خالتي انتي تعرفي اني من بعد م تطلقت عفت العرس من اساسه! ام يمعه تهديها: اني متأكده انك بتغيري رأيك بعدين..قصدي من تعيشي معه.. هدى: لا م عتقد..خصوصا انك تقولي عمي محمد معترض..وم يباني.. ام يمعه: معليك منه محمد..انتي بس شاوري عمرك وان وافقتي عليه اني بقنع عمك بروحي.. يابنتي انتي مشفتي حالة يماع..حالته حاله..كله مكشر و.................... "م سمع الباقي..ألحين فهم ليش يمعه متغير عليه...مب اذيه المهم... المهم ألحين قلبه الي بدا ينزف من داخل..من صميم...حاس كنه شي يقطع قطع.. ما كان حاسب حساب اذيه اليوم..اليوم الي بتعرس عنه..ماكان متوقع انها بتوافق علي غيره.. مسك اليدار الي جدامه وصار يضرب راسه به بقوو..لين صب دمه ع ثوبه وجبهته صارت كلهي دم.. سمعت هدى صوت حركه برا ف طلعت بسرعه تشوف هيش هناك ونصدمت بشكل محمد الي كان ويهه كله دم" هدى بشهقه: هاااا..محمد.. "نزلت درجتين وصارت جريبه منه وايد..هي محست بشي..بس هو حس انه جربها منه طفا شي من حرارة يوفه" هيش فيك؟؟ هيش كل اذيه الدم؟؟ "محمد كان مكتفي بشوفة عيونهي والخوف الي بان عليهن(تحبني..بعدهي تحبني) مسكت هدى طرف كم ثوبه وسحبته داخل المطبخ..وقفت جدام المغسله وهي مرتاعه متعرف هيش تسوي" التفتت له وهي ترتعش ودموعها صبيب علي خدودهي: هيش اسوي؟؟ كيف اداويك؟؟ محمد بهدوء: داوي قلبي قبل يرحي.. هدى تصنمت فتره..بعدها نطت الستور ويابت شاش وكركم.. جربت منه.. بس كان محمد اطول منهي ف مقدرت توصل ليرحه: محمد قعد..م لوف يبهتك.. قعد محمد علي ركبه..وبهالحظه دخلت مريم عليهم مريم بشهقه: هااا.. حمود..هيش اذيه الدمان..؟؟ جربت من هدى الي شلت مصره وحطته علي كتفهي وصارت منهمكه ف مداواته.. مب حاسه بالي حولهي: هيش صاير قولولي..؟؟؟ بلع محمد ريقه: مريم مب لازم تكبري السالفه..يرح صغير مب فيه بأس صارت مريم تابع حركت هدى وهي تمسح الدم وتحط الكركم مكان اليرح... تابع هدى الي روحت بعيد..روحت كم سنه وراء يوم كانت هي المفلوعه.. ومحمد جالس يداويها..ألحين انجلب الموقف..غطت دموعها عليها عن تشوف من كثرهن..وصارت تشهق بصوت يقطع القلب.. ومن دون م تحس عورته بظفرهي.. محمد مسك ايدهي ورفعها عنه: اااااي.. هدى تنشق عبرتها: Sorry مسكت عنهي مريم الأدوات وكملت لف الشاش علي رأسه..اغسلت هدى ويهي والتفتت له وهو يثور: وألحين؟؟ محمد: ان شاء خير مريم: ياهل انته؟؟ياهل؟؟ قولي من فلعك محمد ابتسم ابتسامه عذبه خلت هدى تذوب..: ولدك فراس "خذ مصره من هدى وطلع" مريم بضحكه: سمعي ريلك هيش...؟ اسفه قصدي..هدى والله نسيت.. هدى بهدوء: مب مشكله... "خذت دلة الشاهي ووقفت عند باب الي يودي للليوان" هاه مب يايه؟؟ مريم: هاه؟ بيي بيي... ><><><><><><><><><><><><><><><><><><><><><><><><><><><><><><><><><><><> |
<><><><><><><><><><><><><><><><><><> وقف سيارته عند باب بيتهم.. وير نفس عميق..ومشى صوب البيت وحيله منهد من شغل.. من سافرو ابوه وصقر للسعودية صار كل شي فوق رأسه..خصوصا انه هيثم طلع بر ويا ربعه.. فصار هو الكبير والمسئول عن البيت لين مايرد ابوه.. هذا هو يوم واحد هو صار هلكان عيل شو بيسوي طول الأسبوع؟؟ فتح باب الصاله..وطل برأسه عليهم..وببتسامه ميهوده: السلام عليكم ام هيثم: هلا..وعليكم السلام ورحمه..اجرب ياوليدي.. اربك بصحه مايد جرب منهن: الحمد لله.."وحب رأس ام وقعد بالكرسي الي عدالها" هاه يا ام مايد..اخبارج؟ شو علومج بعد الغالي؟؟.... ام هيثم تصب لولدها كوب شاي: والله م عرف كيف برجد وهم هب فالبيت..خذ..اشرب مايد: افاا..حنيتي؟؟ سولاف: خلك من دلع الشواب وروح شوف حرمتك.. مايد بخوف: اشفيها؟؟ سولاف: ابيه..طالعي ولدج..شوي وبيطيح قلبه من الزيغه هههههه مايد: سولافوه مالي خلقج..قولي اشفيها عوافي؟؟ سولاف: هههههه مافيه شي..بس من صبح وهي مغفله الحجره عليها مايد: شوو؟؟ من صبح؟؟ سولاف: هيه..نزلت بس مرتين..خذت فيهم حليب لعذرا مايد: عذرا عندها؟؟ سولاف: هيه..مارضت تفجها..كل ما اسرح صوب حجرتك اسمعها تسولف معها..اتقول خبله مب حرمه متزوجه! مايد قام واقف: سولافوه..لزمي حدودج! ام هيثم تمسك ايده: وين ؟ ماقعدت عندنا؟ مايد: يما ماتسمعيها تقول البنيه ماكلت شي من صبح؟! بروح اشوف شو سالفتها! ام هيثم: زين..سير سير صوبها..وان لقيت عذرا راجده هاتها حجرتي مايد: ان شاء الله.. "رقى مايد لحجرته..فتح الباب شوي شوي..شافها متمدده ع شبريه وعذرا بحضنها.." مايد:(شكلهن رجدن).. "دخل وسكر الباب..جرب منها ويلس ع طرف الشبريه من صوب الي اهيه راجده صوبه.. تأمل ملامحها الطفوليه وهي راجده..كانت غايه فالجمال.." مايد:(اااه ياقلبي..تينن..فديتها والله..فديت هالشفايف) "ومرر صبعه ع شفايفه..وبهاللحظه فتحت عوافي عيونها..اتروعت يوم شافته بهالقرب منها" عوافي ترفع نفسها: انت اشقاعد تسوي؟؟ مايد: ااا...اسف...مكان قصدي اخوفج.. عوافي التمت ع نفسها بخوف: انا.. مايد: لا تخافي عوافي..انا بس كنت ابا اسألج اذا كليتي شي؟؟ ولأ تبيني ايبلج شي؟؟ عوافي: مشكور..انا كليت ويا عذرا.. مايد قام وفتح كبته: زين.. عوافي: ااششش..راح تقومها مايد بصوت اقرب للهمس: اوكي..ماراح اسوي ولأ صوت.. "خذ بجامه وراح صوب الحمام" ع فكره امايه قالت هاتو عذرا من ترجد عوافي تمر ايدها ع شعر عذرا: لا مابا..اباها ترجد عنديه استند مايد ع فتحت الباب وقال ببتسامه: لعبه هي..؟؟ عوافي: تكفى..اباها ترجد عنديه تكفى مايد مايد(فديت الي يترجون): اوكي..از يو لايك! بس اخاف تتعلقين فيها..ترا صقر مايقدر يرجد بدونها عوافي: هب مشكله من يي ابوها.. مايد دخل الحمام: ع راحتج! ><><><><><><><><><><><><><><>< مرو ساعتين وراشد م رد عليه..بس اني الغبية.. كيف اباه يرد علي رساله فاضيه؟! جلست اسمع سوالف بنات خالاتي..وابتسم مجاملة لهن..واني فالأصل اغلي من داخل..احس انه شي صاير! مب معقوله من مصبح وهو برا...اكيد ف شي ف شي غريب يصير.. دخلت علينا خالتي موزه الي روحت تكلم محمد..ويها كان اسود وباين عليه الحزن.. انقبض قلبي واني اشوفهي تجرب مني.. موزه: أحلام ابوك يباك فالميلس رديت عليها والعبره باينه بصوتي: هيش صاير..راشد فيه شي؟؟ موزه: اششش.. روحي لبوك! مشيت بخطوات سريعه وفتحت باب الميلس وقلبي يدق يدق يدق.. كان الميلس مظلم..دخلت وسكرت الباب والتفتت.. شفت ابويه جالس وعيونه بالأرض وشابك ايديه بعض..وسياره امي مغطيه ويهي وهي تهتز..باين انهي تبكي.. فتحت عيوني ع كبرهم واني اشوف يمعه واقف جريب من الباب وحاط ايده ع لحيته وعيونه حمر.. هيش صاير؟؟ حد يفهمني؟؟ سرت بجسمي بروده فجأه..حسيت انه جسمي كله يتنافض.. الأمر اكيد عود..انزين حد يفهمني..حد يريحني.. صرت اصدد فيهم ومحد راضي يرفع راسه ويكلمني.. جرب من ابويه..وجلست علي ركبي قباله: بويه هيش صاير؟؟ راشد فيه شي؟؟ اني احس انه راشد فيه شي! قولولي..راشد هيش فيه؟؟؟ اخير حط ابويه ايده علي كتفي: أحلام..انتي مؤمنه بقضا ربك.. وتعرفي انه الي يصير لنا هو قدر ومكتوب من قبل لا ننخلق... أحلام..أني اباك تكوني قويه و... حطيت صبعي علي ثمه..ونطقت بصعوبه: بس لا تكمل..خلاص خلاص.... حطيت ويهي وسط ايديه وصرت انشق عبرتي..وابكي وكني ياهل...ابكي بحرقه...بصوت منهد... ابكي قلبي..الي وقف دقه بعد هالصدمه....اااااااه اااه..احس شي خنقني..م قدر اتنفس .. نزلت راسي ركبتي ابويه..واني اسمع شهقات امي المتابعه..واحسها تطعني بقلبي.. يعني الي توقعته صار.. ابويه يمسح علي ظهري: انا لله وانا إليه لراجعون... الله يرحمه يابنتي..طلبيله الرحمه ثرت واقفه واني حاسه جسمي ثقيل وريول مب قادره تشله..وصرت اصيح مثل المينونه.. وكني ألحين استوعبت صدق الي همه يقصدوه : لا لالا..لا تقولو.. لا تقولو انه مات لاااا ..لا تقولو انه خلاني وحدي..لا لا لا (مسحت دمعه حاره نزلت علي خدي.. وسحبت نفس واني حاسه اني شوي وبختنق..حاسه انه الجو عتم من حولي.. وسرا البرد ف اطرافي التفتت لأمي الي حاطه ويها بين ياديها وتبكي.. جربت منهي..وجلست جدامهي على ركبتي وحطيت رأسي على ركبتهي وصرت اتمتم..بكلمات..واني حاسه بيرح انفتح بقلبي ومستحيل يبرا ) : اماه قولي انهم يكذبو..رجيتج قوليها..قولي انهم يكذبو.. اماه!!! امها: هاه!! ...: ابا اقوله..(بلعت غصتي) ابا اقوله اياها.. عمري ماقلتها له.. ابا اعترفله بصدق.. اماه والله...والله اني احبه...اهاا احبه والله احبه..واموت عليه.. (التفتت ليمعه الي حاس فيه وبالي يصير لي) : ليتني ما خليته وحده.. ليتني م قلت الي قلته.. ليتني كنت معه ومتنا رباع "وصرت اصرخ اعلى صوتي..اصرخ من قلبي" اااه ياراشد...ليش خليتني؟؟ ليش؟ |
| الساعة الآن 01:37 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][