[ALIGN=CENTER][TABLE="width:70%;"][CELL="filter:;"][ALIGN=center][frame="3 80"]يعاملني السفيه بكل قبح
وأرفض أن أكون له مجيبا

يزيد سفاهة وأزيد حلما
كطيب زاده الإحراق عودا[/frame][/ALIGN][/CELL][/TABLE][/ALIGN]

سوري أخواني بدل يعاملني أقصد يخاطبني

عفى الله عن غدر الخناجر والضلوع ابطال
بسامح واتركك تحت الظلام لحالك لحالك
انا عيب علي انقض كلامي والرجال افعال
واذا قلت اقطع حبالك تراني بقطع حبالك
...........................
صحيح ان الفراق اقسى لكن الوصال محال
وانا صعب علي ارضي غرورك واضعف قبالك
بعد ماحققت عيني في بعدك للرقاد آمال
تبيني اعود للسهر ياخوي فال الله ولا فالك
ببدل نظرتك فيني واجيك كل يوم بحال
بكون اقرب من ثيابك عليك ولا تهيالك
بلمك وانثرك واجمعك وارجع وانثرك باهمال
بخونك وازعلك وارضيك وازعل منك وارضالك
ابرسم بالثرى وجهك وابدفن صورتك برمال
ابشكي للعرب فرقاك واضحك عند عذالك
ابهديك الوصال فراق وابهديك الفراق وصال
بسوي مثل مااشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا بذوق فنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال الك عندي هبال اطفال
ولا وابشر بعد بهبال حب ماهو بهبالك
واذا قصدك تهين اسمي عشان تشمت العذال
حشا لا انت ولا غيرك ولا عشره من اشكالك


[grade="00008B FF6347 008000 4B0082"]اذيه الابياات اللي عااايبتني ف قصيده التمثال[/grade]

اي بالله اخطوا والخطا الي جابهم عين الصواب
مبطي وانا اشوف الطمع يكشف رداهم واستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

الي من أولها خراب اكيد تاليها خراب
والبندق الي ماتثـّــور في هدفها تذعره

ودك اليا من جاتك الغلطه من الناس القراب
الصاحب الي ماكسبت بمحبته ماتخسره

_-_-_-_-_-_-_-_-_-_-
من يفتح لفرقاي باب أفك له عشرين باب
وإذا خويي مايقدّر خوتي ماقدره

ان روّحوا فأنا بري منهم ليوم الحساب
وان جرحوا قولولهم ماحركوا فيّ شعره
_-_-_-_-_-_-_-_-_-_-
أنا خسرت الي غيابه غير عن كل الغياب
أنا غفرت لعالم ماتستحق المغفره

أنا أكثر انسان تعلم من كثر ما أخطى وصاب
أنا آخر انسان يتكلم في زمان الثرثره
_-_-_-_-_-_-_-_-_-_-
شيـّـبت عقول العرب هيّـبت روس ماتهاب
جمهرت ناس ماعمرهم مايعرفون الجَمهَره

ماصرت ذيب الا لأن الي حواليني ذياب
ماكنت اغيب الا لأن العفو عند المقدره
_-_-_-_-_-_-_-_-_-_
في هالزمن مايملي عيون الحسود الا التراب
ولا الحظيظ الطلقه الي ماتصيبه تذعره

ودك اليا من جاتك الغلطه من الناس القراب
الصاحب الي ماكسبت بمحبته ما تخسره

لو تزيد الشوق شعره بوصل للجنون
لوتزيد الشوق جمره بتحولني رماد

الروح روحي و انته الروح و الشوق..ما أحد غيرك دش قلبي و طبه..باخذ من عيونك غلا كل مخلوق..و اسكن انا بين الهدب و التحف به..مدام قلبي مبتلي فيك محروق..وش عاد لو نار الغلا تشتعل به

فديت روح اللي ذبحني وداده..أفديه انا بعمري و حالي و الأقراب..حبه سكن قلبي و عمه و ساده..و أصبح وسط القلب و تحلل و ذاب..كل ما نبض قلبي أحبه زياده..حتى عرفت ان عشرته طب الاحباب

عزتي هي تاج رأسي يا ذليل****لاتظن في يوم برخصها معاك***دام ربي عزني مرضى القليل****كيف أذل النفس وأنزل مستواك***

أحيان احس اني في هالكون مبسوط وفرحي لو توزع على الكون يملاه

بس الغريبة ...فرحتي مالها شروط يعنـي كـذا مبسـوط لله فـا الله .

كيف الومك والخطى ماهو خطاك

الخطى من قلبي اللي دلعك

قلبي اللي كلما تطلب عطاك

ورفعك فوق السحاب وطلعك