[mark=#ad0932]



السلام عليكم بنات و شباب منتدانا العزيز ..

شحالكم عساكم بخير و سهاله ..

هالموضوع قسم بالله عالعووق ياخي سبحان ماعرف حبيت اشوف الردوود كيف واشوف هالظاهره واشوف مستوها والنسبه هنيه كيف عسب احكم بعدين


وهالموضوع


و بصراحه من بين المواضيع اللي اقراها فالمنتديات و بعض التجارب الشخصيه و اللي اسمع عنها و اشوفها من حولي .. انتبهت لهالشي ..:

وااايد ناس يشتكون من معاملة الأهل السيئة .. خيانتهم للأمانه .. الغيره .. الحسد .. و وايد مشاكل ثانيه ..

ليش قمنا نخاف من الاهل و الناس القراب اكثر من الغرب ..

يعني بدال ما يكونون السند و العون لبعض نشوف كل طرف يكيــد للثاني ..

انا ما اتكلم عن الكل بس أخص بعض الناس اللي من هالنوع او يمكن تعرضو لمواقف مع الاهل ..

من الاشياء اللي سمعتها ...:

خواات يكرهن بعض لدرجة ان الوحده تفكر تاخذ ريل اختها ..!!!

بنات عم يطلعن رمسه عن بنت عمهن و يفضحنها بين الناس ..!!!

اخو يغش اخووه عشان "الفلوس" ..!!!

و وااااااااااااااااااااااايد مواقف تعور القلب و تخلي الواحد يفكر بالأسباب .. و المشكله ان التعامل وياهم في هالمواقف صعب لنهم في النهايه "أهلك" و ما يهونون عليك ..


خوااتي و اخواني .. شو رايكم بهالموضوع ..؟ و شو تعتقدون هي الاسباب ..؟ و كيف الواحد ممكن يتصرف في مثل هالحالات ..؟ و هل سمعتو او مريتو في موقف من هالنوع ..؟ و هل تعتقدون ان هالمقوله صحيحه " الأقارب عقارب" ..؟


اتــــريا ردوودكم ..





نقلته مع تعديلات شويه مني خخخ وبسس[/mark]

هلا اختي

موضوع واقعي وموجود


بخبرك هالشي يستوي ووارد بس مو عند الكل

اكثر الناس يحبو اهلهم وما مقصرين معهم ف شي

واهلهم واقفين عندهم بكل صغيرة وكبيرة ,,,,


اذي القضية موجودة بس ما نعممها ,, اسبابها ان الناس

تحس نفسها انها تقدر تستغني عن اقرب الناس لها

ف اول ما تستوي مشكلة او اختلاف في وجهات النظر

ما تحصل حد يتنازل وهالشي يكبر شوي شوي لين يوصل

درجة هم في غنى عنها


بخصوص ان الغرب صارو اقرب من الاهل ,, لان الغرب ما يكلموك ف الخطا

لان عادي عندهم . اما الاهل يريدو لك الخير ف تحصلهم يهتمو فيك

ويحاسبوك عشان تكون ف السليم ,,



وجهة نظر لا غيررررررررررر ,,,

تسلمين ع هالموضوع الحلوووو
ولله انا اشوووووووف هالشي وااااااااااااااايد عندنا بس مب عارفه الاسباااااب هل هي غيره ولا حقد ولا شو بالضبط؟

احيااااانا اعتقد يكون انتقام والله مش متاكده من الاسباب ومش عاااارفه ليش كل هالشي

احيانا يس

بس لااا تعليق


اللي فالقلب اوسع من كذيه

كله هذا من الغيرة وضعف القلووووب


بالصراحة هالنوع من النااااس اعتبرها ناااااس مريضة نفسياً...


ويجب علينا نطنشها ...

وجهه نظري انه هالشي
يرجع لمدى ترابط العلاقات الأجتماعيه و الأسرية بينهم
أو من عدمها
لمدى ضعف الايمان
التفكير الأعمى أو الغير المنطقي
وأسباب كثيييرة المجال لا يتسع لذكرها ،،،
ولكن
فقط بذكر الله تحيا القلوب
ننتهي عن المعاصي
نبتعد عن الآهواء الدنيوية
نصفي القلوب
وغيره
شكرا للطرح

موضوع حلووو ومثل ماقلتي ع العووق

ها الظاهره منتشره وواجد بعد واسبابها ايا كانت فاكيد السبب الرئيسي هو القلوب الضعيفه وليس الترابط الاسري لانه اللي تعامله كذا مع اهله مع الغرب يكون اسؤ. للاسف الناس تفكر انه عادي تعيش بدون بعض عشان كذا صارت تكيد لبعض وماتهتم ولا فيهم اللي يتنازل وتكبر المشاكل والمسافات من بينهم

انا اشوف ان هالظاهرة وايد منتشرة
وصار الكل يحب الشي لنفسه فقط
وهالشي ممكن يكون بسبب الغيرة
او قلة الترابط والعلاقات
و هل تعتقدون ان هالمقوله صحيحه " الأقارب عقارب" ..؟
لأ هالمقولة غير صحيحة لانها لاتنطبق ع الكل
مشكورة خيتي ع الطرح الطيب
ربي يعطيك الف عافية

لولو جعلاأن حياج ج الله .. ممكن تكون هالاسبباأااب اللي ذكرتيهاأ وقد تكون بالاحرى


لج جزييل الشكر لولو جعلاأن

مربض المحبه حياك الله ,,, انا ماذكرت هالمووضوع الا لنه هاللي يستووي مع الكثرر واللي نلمسه في واقعنا هالاياأم لاتنظر للبي~تكو او منطقتوا وهللو وتحكم بهالنظره ..

ويمكن مثل ماقلت بس ماعتقد ها سسبب وجييه يخليهو يكونو نااأس مجحديين لقرايبهو وحتى السوؤال والعون والخير مستكثرينه عليهو ...!


مريض المحبه جزيل لششكر لك على ردك ومشاركتك الطيبه فالموضوع وداأم حضورك وتواجد لنا دووم