لا ترتهب ما فيـه واحـد يرتهـب

من واحـد يحبـه و خفاقـه يبيـه ..!!

حلفت غيرك بالمخاليق مابيه

ولا خطر في بالي إلا خيالك

قلبي على كفي هدية لغاليه

والعمر كله ياحبيبي حلاك

لا والذي زين جمالك وسويه

ماله طبيبا يا حبيبي بدالك

أنا ربتني الدنيا على جزل العطا والجود
ونفسي للوفا والطيب وفعل الخير جزامه
وأعارض منهج الهابط وأوافق للصعود صعود
وأسيّر نفسي بعقلي مدام النفس هدامه

مجروح وأنت اللي بيدك تداويه

يا روح روحه جعل روحه فدالك

لا تبتعد عن عاشقك لا تخليه

وحيد في دنياه وانته لحالك

العمر فاني والدقايق لياليه

لا تخسره يا صاحبي من قبالك

انا سمير الهم ليلي اقضيه

والصبر كسر كل حلما يطالك

ماغير طيفك كل لحظة أناجيه

في خلوتي وأتنشده كيف حالك

ما تلحق الشرهات منبوذ الأفعال

اللي موالفته دروب الرذاله

خله يقول ويكثر القيل والقال

يبطي و لايوصل مقاصد مقاله

جاهل و لايتبع سوى قول جهال

والكذب يالجاهل قصارن حباله

انت محبوبي وانا ومعزبي في كل حزه ..
وانت راس المال ويحيطك خفوقي بهتمامه
مدري ليه اقدر على وصلك ولكن أتنزه ..
هل اخاف من الهجر ولا أنا اخاف من الندامه

... مابي الدنيا ابيكـــ انت ,,, لانك انت غير

جيت فحضانك طفل وانته ابوي وسمني ,,,

جيت لدنيا كبير وبفارقها كبير ...

ومن زعل ما همني ومن رضــــــــــى ما همني ,,

يالله طالبك تغفرلي ذنوبي يا غفور

أرجيك والجالك وأنا سالك وأعيد المسأله

لو ماتطهرني بعفوك ماتطهرني البحور

جيتك وذنبي قد تعلى غاربي يا مثقله

أنا من الطين أنخلقت ولانيب بمعذور

قامت علي الحجة بدعوة رسلك المرسله

مؤمن بتوراتك وإنجيلك و مؤمن بالزبور

وبسنة محمد وآيات الكتاب المنزله

لكن خدعت بزخرف الدنيا وزادتني غرور

أبدت مفاتنها وورتني من العمر أجمله

طبعا بما إني بني آدم حصل مني قصور

واذنبت يامولاي ذنب بالخفا ماتجهله

أسألك تغفرلي وتستر موقفي يوم النشور

اليا القفت خلقك صحايفها وهي مستذهله

من يستلمها بالشمال افلس وهو يدعو ثبور

ومن يستلمها باليمين افلح لخير المنزله

الا يا خوي لا تسأل عن اللي حطم أحلامي

عن الدمعة عن النظرة الحزينة والعنا والاآآآه

عن البسمة أو الأحساس أو الشقا اللي فأيامي

ترا في دمعتي قصة وأنا في قصتي مأساه

أشوف الظلم بعيوني يعذب قلبي الظامي

أشوف الكره معميهم وكلن لاهي بدنياه

أشوف الكل هاجرني ويقرب لحظة إعدامي

أنا والله لي قلب حنانه هو سبب بلواه

كل مازاد العمر همـي يـزود ... وكل مايبقى من العمر اختصار

حتى لو قلنا ياعمر الورد عود ... وش لقينا غير تعذيب ومـرار

مالقينا دروبنا سهـود ومهـود ... مالحقنا يالقهر شـوف النهـار

غربة وكربة وحرمان وقيـود ... ونظرة يسكن بها ألف انكسـار

ماخذينا يالصبر غير الوعـود ... أحسب ان اسمي بهاالدنيا انتظار

العذاب إني مخيـر بالوجـود ... والقهر مالي بخطواتي قـرار

غير جود الهم ماشـيٍ يجـود ... لين أحس الدمع إلى مِن طاح نار

والله ماقلته ياذاك العمر عـود ... وانا مالي بالزمن ذاك إعتبـار

وش لقينا غير صدات وجحود ... ماترك لي قاسي الوقت اختيار

كثر مافات العمر همي يـزود ... الجروح كثار والباقي اختصار