يا اخونا الغآلي دامك استلمت موضوع شوف من الي استضيف وافتكيت منه *.*
في غربتي مخلصه من زمآآآآآن
شوف غيرها..

لالا في غربتي ما مخلصه خيتو

انا راجعت كل شيء

وتو راسل لها وجالت بتحدر

اصبري انتي لا حين اصحككـ ببكسـ خخخخخ

السلام عليكم والرحمة

صبااحكـم ورد ونــووير .. ^^

السموحـة تـأخـرنـاا عليكـم شويــاات ..

بسـم اللــه نبــدأ ..

طبعــاا يـوومـي عــادي ما فيـه شـي ممــيز ..

بعـد صلاة الفـير أرجــد لـين صلاة الظهــر .. هههـه عــااد مـب رجــااد ..

المهـم عقب أسوي بعـض الأشياء الخاصة عقب أصلي ونيلس اني وأختي وبنت أخووي الصغيرونه

نقرأ لفترة عقبهاا نيلس نسوولف عند أمي وأبوي ومن بعدهاا ياا أرجع أرجد او أحدر النت... إلخ

عااد مب لاازم بالتفصيل ..

عقب أذان العصر أصلي وأيلس شووي من بعدهاا اسير صوب المطبخ اتفقد الأحواال الجوية .. ^^

يعني أشووفهم إذا يبوني أسوي بعض الخفايف لأني ماا شااء الله عليه أبد
ما أنفع فأموور الطبخ ..


يعني مب زين كل شي نخليه ع الشغالة ياا حليلهاا .. وأختي بعد مب مقصرة ربي يحفظهاا ..

المهم عقب أسير افتح التلفزيون أشوف بعض الأشيااء .. وعااد جرب وقت الفطور أنزهب الفطور

ونفطر بعدها أنصلي وطبعا بعد نص سااعة أييونا عيال اخواني واخواني ونيلس سوالف وضحك

واحلى الجمعاات مع شعبية الكرتوون .. عقب يأذن ونصلي فالبيت طبعاا هلي يسيروا المسيد

عقب اقرأ قرآن من اخلص ايلس عن هلي وعيال اخواني وع ساعة 11 نتيمع ع بااب الحارة

وبعدين سوالف ولعب عند اليهاال من بعدهاا احدر النت لين وقت السحور عقب اتسحر وأيلس أقرأ لين وقت أذان الفير ..
وجيه مرات يصير بعض التغيراات البسيطة ..

وبس خـــلااص ..

والسموحه طولناا عليكم

شكراً غربتي على تلبية الدعوة

جدولكـ حماااااآآآسـ ^^

النجلاء ،، هذه شغلهـ متعبهـ اجلس اختار وارسل رسائلـ


تعالي بابا شوفي شغلكـ واختاري على كيفكـ ^_^

تشكرات الخارج عن القانون ونتشكر الاخت الفاضله في غربتي بعد
يومياتك جميله واهم شي واحلآها ..اللمه الاهليه..
بس ليه ما تتعلمي الطبخ؟؟
خخخخخخخخخخخخخخخخخ

نستضيف الغاليه ..
سآآآآآآآآآآآآرونه < تموت فالاسم هذا

هلا بك الغاليه تشرفينا وتنورينا *.^

هلا فيج زود أوختي

تسلمين فديتج ..

عاد مالجيت غير يوميات ســـــــــــــــارونه

عاد يومياتي أبسط شي

لأني لسه فمسقط عندي دوام صيفي

أبدا

طبعا طبعا يوميات

أصبح الصبح من صباح الله خير سيده عالدوام

أرجع س وحده ونص تقريبا

أصلي الظهر وأرجد
أجوم العصر أساعد ربيعاتي ف الفطور لين جريب أذان مغرب نجهز الصفره مههههههههه...عاد مب صفره فالسكن (خليها على الله)

بس ع فكره حن فالسكن كل شي نطبخه م نتعايى (الاهل الله يطول بعمرهم ع بالهم عندنا مجاعه ونجدر نطبخ ..لكن طلعنا جدها وجدود)

أوكيه أكمل..

يأذن المغرب عاد وتفطر ســـــــــــــارونه وربعاتها

نصلي المغرب

ونيلس شويه لانه طبعا بطونا متروسه من الاكل

حد من الربع بعد الصلاه سيده ع شعبيه الكرتون وحد لا

أني أيلس فالغرفه وأتصل بأهلي عقب الفطور دايما أكلمهم كلهم

م أتابع شعبية الكرتون بس أسمع أغنيتها تعيبني ..

أوكيه
نتعشى بعدين ونصلي العشى
عاد من بعد صلاة العشى أجابل تيلفوني أسولف عند هلي وربيعاتي لين قبل باب الحاره

طبعا بعدين أشوف باب الحاره (أموت فيها)

بعد باب الحاره ع طول لفراشي عشان أرجد لأني من الصبح بداوم

بس أجوم س٣ عشان أتسحر وأصلي ركعتين وأجرا قرأن لين يأذن الصبح
أصلي الصبح وارد أرجد لين س٨

وأدوام ...........زوهكذا لمدة أسبوعين كمان ...لين أخلص الصيفي

ودعواتكم لي بالتوفيج ...


وسلامتكم .. .. ..

عيون النجلا لقبج فنآاان

وفكره حلوه


كل الشكر لج ولكل الاعضا اللي تمت استضافتهم واللي بيستضيفونهم عقب

الله يعطيكم العاافيه

شكرا لك غلاي ساااارونه يومياتك حلوه والاهم انكن تطبخن
ذكرتيني بأيام السكن والدراسه ^.^
كل المنى بالتوفيق الدائم...

الفن طلتك غلاي .. راعية الطير..
والحلآ كل الحلآ بوجودك معنآ..

ضيفتنا القادمه الغاليه .. قلب الغيلآني..
أهلا بكِ وبيومياتك..