الأربعاء

28 ابريل 2010

اليوم شرفنا بنتين مع مكتب العقار يشوفوا الشقة لاننا بنطلع

عاد الشقة خالية ما فيها اثاث ولما احد يدخل عندنا نقوله خلاص طلعناه الاثاث عشان بننتقل ههههههه

رحت الجامعة اشتغلت فالمشروع لحد الساعة 6 بعدها رحت اكل

ورجعت اشوف مباراة برشلونة عالنت

كنت ناوي ما اشوفها عشان ما تضربني كأبة

عاد اشوفها ومندمج ولما جاء الجوول الاول

ييسسسسسسسسسسس صرخت من قمة رأسي

شلت السماعة واشوف حواليه الناس تشوف عليه

قلت لهم سوري وتم يضحكوا عليه

لما جاء الهدف الثاني قمت من الكرسي اشوف على ربيعي ييس

بس طلع الهدف ملغى

والناس يقولوا فخواطرهم الله بثبات العقل


مباراة حلوة من طرف برشلونة بس للأسف

دوام الحال من المحال

العام الماضي تأهل بعد مساعدة تحكيمية ضد تشلسي

والسنة طلع بسبب ظلم تحكيمي

وهذي هي الحياة

30 ابريل 2010

الجمعة

جمعة مباركة عليكم جميعا

اليوم راجع الساعة 5:30 الفجر البيت

صراحة الجو روعة جدا

والله ذكرني لما تكون فالطائرة وتشوف الشروق والسحب والافق

جو روعة جدا

رجدت لحد الساعة 12

رحنا صلينا الجمعة

اكلنا في مطعم كردي

وعلى الجامعة

والحين اكتب لكم من الجامعة

ما قدرت ادخل امس لاني كنت مشغول حتى الثمالة ههههههههه

والحين بنروح نشوف فيلم

Iron man 2

ان شاء الله

ما تسوى لهم المشية بدوني <<<<< عطيني من البااايت

ما احب ادخل السينما بس يجروني جر لها


نشوفكم على خير ان شاء الله

5-5- 2010

5 من 6 مهمات راحن

وباقي مهمة واحدة

بسني اليوم ما اريد اروح الجامعة راجع منها الساعة 5

اريد اسوي نقاهة

ونريد نطبخ فالبيت

صار لنا اسبوعين كله من برع البيت

الله يعلم الراتب يكفي ولا يخلص قبل لا ينزل الراتب الثاني


عندنا تسليم المشروع الجماعي يوم الجمعة والشخصي يوم الثلاثاء

وبعدها الاختبارات

بعدنا ما ذاكرنا


امس سوينا برزنتيشن وسلمنا مشروع جماعي مصغر

كنا مجموعة مكونة من 6 طلبة

اول امس كنا فالجامعة نخلص التقرير في غرفة وخلص حجزنا وما لقينا غرف غيرها

اضطرينا نروح بيتنا نكمل الاجتماع


صدج تشوف الجنون في اسمى معانيه>><>> ههههههههه

اللي يغني واللي يعب كرتيه مع نفسه واللي يلعب ملاكمة

ومضارب وغناء خلصنا 3:30

حتى ما راجعنا البرزنتيشن مالنا

صبحنا الصبح عالجامعة وسوينا البرزنتيشن بدون تحضير

ذكريات ما تنتسي خصوصا اذا كانت موثقة

الاسبوعين اللي طافوا تقريبا كذا كان الوضع









الصورة تختصر الف كلمة

جمعة مباركة للجميع

تعب في تعب

السلام عليكم ورحمة الله وبركاته

اشحالكم جميع؟

حبينا نسلم عليكم

والسموحة على قلة التفاعل

تراه مشغولين وايد

معنا اختبار يوم الاثنين والثلاثاء ان شاء الله

دعوااااااااااااااااااااااااااااااتكم

الحمدلله كما ينبغي لجلال وجهك وعظيم سلطانك

الحمدلله رب العالمين

واخيرا خلصنا الدراسة

قولوا امين تكلل السنة بالنجاح واكون خلصت درجة البكالوريس

واخيرا تصبح حر طليق

عقبالكم الدارسين :)

عاد الحين ما اهيسكم

بروح السينما ان شاء الله

وانت جلسوا ذاكروا ودحوا ههههههه

مرحبا بكل من طل ونور مدونتي المتواضعة

اليوم 23-5-2010

رحنا الهايد بارك الجو شمس مب حار بس الشمس تلسع

لاقيت اثنين من ربعي كانوا معي فالكلية جلسنا معهم لعبنا كورة شوي

وبعدها رحت عنهم

اليوم طالعين عشاء ان شاء الله على شرف السمي (يعني شخص اسمه نفس اسمي)

باكر بيسافر عننا وبيروح بلاده

بشتاق له كثير صراحة

هالسنة كله مع بعض

المشروع الجماعي واجماعي المصغر مع بعض

وكل اسبوع لازم نلتقي

بس ان شاء الله احضر عرسه ويحضر عرسي

السلام عليكم ورحمة الله وبركاته

اخباركم؟ عساكم بخير ان شاء الله

اولا حمدالله عسلامة المنتدى ومبروكين على رجوعه

ثانيا

ويلكم باك راعية الطير وحمدالله على سلامتك


الله يسلمكم امس جيت اريد اكتب في هالمدونة بس المنتدى كان زعلان

فجينا نكتب لكم اليوم

27-5-2010

كنت رايح الجامعة وانا في طريقي من الخلف شفت مجموعة اولاد ومعهم بنتين

البنت حطت السيجارة في فمها وجلست تشوف عليه نظرة استغراب

من شفتها قلت في نفسي لا يكون حشيش

لما قربت منهم حطت السيجارة على الجدار عشان ريحتها ما طلعت بس انا شميتها وكانت حشيش بالفعل

قلت فخاطري انزين مبروك عليك كان حششتي

رحت الجامعة وبعدها طلعت من البوابة الخلفية

ولجيت الاولاد بعدهم جالسين لما مريت من جنبهم اسمع واحد منهم يقول لشخص ثاني


كيف تحس الحين؟ شكله يقول

روج المنجا.


اليوم

عاد رحت اصلي الجمعة وبعدها رحنا نأكل وخطفنا على بعض المحلات

رحت محل تلفونات اسألهم عن تلفون سوني اريكسون Aino

كنت مقرر اشتريه بس طلع مسحوب من السوق بسبب مشاكل فالسوفت وير

قلت الحمدلله اني ما استعجلت

عاد اليوم معنا عشاء جماعي ان شاء الله

وباكر بروح المطار استقبل اخوي وبن عمي ان شاء الله

جايين معنا زيارة


المهم تراني تكلمت وايد اخليكم الحين

BE GOOD