ياشينها لا صرت معجب و ( خجـلان )
خوف المصـارح لا يجيـب المطمّـه

اخاف اصارح بالغلا ( ذاك الإنسـان
و ينقلـب ( جـوو المصـارح مذمّـه)

(ويا شينها لا صرت مغرم و ( زعلان )
محد ٍ يراضـي قلبـك و ( محـد يمّـه)

(وان رحت محد ٍ قال لك: (وين يافلان)؟
روحتك مع جيّتك .. ماهـي مهمّـه)

ويا شينها لا صـرت عايـش بحرمـان.
مثـل اليتيـم اللـي فقـد شوفـة أمّـه

ماخوذ حقّه وانظلـم شـوف الأعيـان
.واللي اظلموه (عيـال لحمـه و دمّـه )

ويا شين صاحب دربك(ان صار ثعبـان)
لا هو تركـك و لا نفـث فيـك سمّـه

كنّـا خويّـا وانتسمّـى بـالأخــوان
واليـوم أسمـه بأخبـث النـاس سـمّـه

ويا شينها لا صـرت ناجـح و ندمـان
( وصلت قمّه )( وغيرك بأعـلاا قمّـه )

مثـل الإمـام ..العالـم بفقْـه الأديـان
يومه نجح .. والكـل صـاروا ( أأمّـه )

ويا شينهـا لا صـرت تايـه وحيـران
( وسط الطريق .. و باقي ٍ فيك همّـه )

ودّك ترووح .. وآخر الـدرب مـا بـان
تخاف تمشـي .. ( ثـم تغشـاك غمّـه )

ويا شينهـا لا صـرت مبلـي ومنهـان
والعلـم كلّـه .. مـن اكاذيـب نـمّـه

مـا فيـه ضـدّك لا دلايـل وبرهـاان
ودخّـان نـارك مستحـيـل ٍ تشـمّـه

ويا شينها لا صرت مـن روس الاعيـان
ثـم تنقلـب فـي نظـرة النـاس رمّـه

ويلااااه يا وقـت ٍ نـوى لـي بعصيـااان
أثـر الزمـن يـا نـاس مـا فيـه ذمّـه

ويا شين طرد المقفْي لـو كنـت ولهـان
ياخـذه شيطـان الغـرور و يخمّـه

يظـن انّـك هايـم ٍ بـه وشفـقـااان
ما يدري انّه لـو فطـس ... مـا تهمّـه

ومااشين مـن معاشـر قليليـن الإيمـان
درب الهداية .. لا .. أبـد ... مـا تتمّـه

الخلْق سجـن وصاحبـك فيـه سجّـان
والعلم خال العز .... ( والجـود عمّـه )


ويا شينها .. أصلا بقى شي ما شـان ..؟
هـذي الليـالـي طبعـهـا مدلهـمّـه

الشيـن والله شيـن غاليـن الأثـمـاان
لا قام كـل ٍ رافـع ٍ فـوق فمّـه

( ويا زينها ) لا صرت لاهـي و طربـان
وحبـل القصايـد يرتجيـك و تلـمّـه

يا ليل دانه .. ليل دانـه .. لا لا .. دان
ما فيه ثـوب ٍ يستـر أطـراف كمّـه

يا زينها لا صرت معجـب و خجلان
تنثـر علومـك لـو تجيـب المطـمّـه

تحياااااااااتي ... المرام

اخاف اصارح بالغلا ( ذاك الإنسـان
و ينقلـب ( جـوو المصـارح مذمّـه)


......مشكوره المرام,كلمات راهيه وحلوه.....

...مرور متواضع,شكرن...

ما قصرتي يا مرام وعسى الله يوفقك

والى الامام

اخوك ولد بدية

:::روووووووووعــــــــــــــــــــه:::

:::وكل بيت أحسن من الثاني:::

:::صح لسانك خيتووو وإلى الأمام دائمـــاً:::

يازينك
يعطيك العافيه اختي

اخاف اصارح بالغلا ( ذاك الإنسـان
و ينقلـب ( جـوو المصـارح مذمّـه)


صح لسانج وكلمات رائعه والى الامام في كتابه الاعمال الشعرية وموفقه دائما .. وتقبلي مروري يا المرام

ياشينها لا صرت معجب و ( خجـلان )
خوف المصـارح لا يجيـب المطمّـه




ويا شينهـا لا صـرت تايـه وحيـران
( وسط الطريق .. و باقي ٍ فيك همّـه )
الله عليج


ابدعت يامن علينا قصيده زان
وبه صرت للقصيد خاله وعمه
قصيدك فقلبي حجز له مكان
وجرى في وريد القلب ودمه

بكل صراحه اختي
ابدعتي
صح لسانج ولا تحرمينا من يديدج

صح لسانج

قصيدة راااااااااااااائعة وفوق الروعة بعد

وننتظر ابداعاتج دايما

صح لسااااااانج أختي المرام..

وأقولها لج بكل صراحه كلماتج رووعه وشعرج راااااائع والله يوفقج دوووم انشالله...

وأمتعينا بكل ما هو جديد...


تحياتي لج: أختج:...
دلوعة أهلها

36_15_5[1]

تسلمي اختي المرام ع كلماتك وما نسجته اناملك من كلمات رائعه