اوعـدك يامـن عـنـي تخلـيـت
لا بد لك فـي يـوم تحـزن بعـادي
انا على عهدي وصدقـي تعاطيـت
لكنك انـت اللـي قطعتـه ودادي
وش غيرك يومي انـا بجـد هاويـك
كنت منـى قلبـي وكنـت مـرادي
احكي لك بهمسي وبالصوت اداريك
خوف اجرح احساسك بلايا اعتمادي
غلطتـك انـت حرفتـه مباديـك
وخـذاك منـي علـى التـوه وادي
لا اياك ترجع لي وتحكـي عذاريـك
يكفي انك انت اللي قد اصبحت بادي
اليـوم تضحـك وبكـره يبكيـك
وقت مع الايـام تشكـي الوحـادي
تعرف قدر منهـو يحبـك ويغليـك
مطيع لـك مخلـص بلايـا عنـادي
ان كان ربي كاتـب لـك اراضيـك
هذا عطى منهو لـه احنـا عبـادي
وان كان كاتب لك بالعمر يشكيـك
النار تارق عقـب شعـل الرمـادي
لاعاد تطريني ولا عاد انـا اطريـك
لا أخذ منـي زادك ولا منـك زادي
ماذقتها نار علـى القلـب تكويـك
حتـى تحـس بلوعتـي وازدهـادي
في خاطري بالحيل قطعـت مساريـك
كنك علـي حلـم لتـارك ودادي
واليوم مثلـك غريـب شساويـك
اجهل لك الكلمـه ولـو باعتمـادي
انت بظلام وظلمته فـي حشاويـك
اطفيتها شموع كانـت لـك وقـادي
طبعك تبيع اللي من النـاس يشريـك
اهل القلوب اللـي تجدهـم مبـادي
الله اخـذ منـك ولكنـه معطيـك
حسن الجمـال وصيغتـه بازديـادي
فيك المرض شخصي ولا من يداويك
مغـرور فـي علتـك زود أئتمـادي
ما ظن احاسبـك ولاظـن اعاديـك
عش في هيامك على الجهـل غـادي
من سوء حظك عاذل شافهـا فيـك
كـل المـروه وكدهـا وكــادي
الومك انت مـا الـوم ( واشيـك )
كيف انك بحب العمر بعـت بـادي
انسى زماني وانـا انسـى ماضيـك
ذنب اقترفتـه تـرى ماهـو عـادي
كلمات الشاعر مخاوي الليل