يوم اليمعة كنا نبا نروح بيت عوتي "حبوتي للي ما يفهم عوتي"
المهم كنا نبا ابويه يوصلنا بالسيارة ..قال متعايز اسوق روحوا سيروا البيت جريب
هو صح البيت جريب بس عاد حن نبا نتدلع
المهم قلت اني كان متعايز هات مفتاح السيارة اروحي بسوق
عاد هو متهزي قال اندوج ..عطاني المفتاح ..عاد اني ما صدقت خبر ...خذت المفتاح وركبت السيارة وقلت للجماعة ركبوا بس ما طاعو يركبوا معي غير خوتي الصغار
دست البترول وحركت المفتاح ما اشوف غير السيارة انطلقت على جدام وبتدعم يدار اللي جدامنا...
بسرعة شليت ريلي وبندت السيارة ...
قلت عيل الجير مب مضبط ..ههههههه خبيرة الحرمة
دست اخر دواسة "" ترا السيارة مب اوتاماتيك""
,,,, وحركت الجير على النص وشغلت السيارة مرة
تحركت مرة على جدام
...بندت السيارة وقلت بس اخرنا ما نبا سيارة احسن نسوي رياضة نسير
ما اسمع غير ابويه يصرخ ""حووووه لا تدعمي بسيارتي هاتي المفتاح
اخر شي استسلمنا وروحنا نسير
