ذكريات من أيام الدراسه: مره كنا نراجع بروجكت مالنا أنا وربيعتي مع الادفايزر مالتنا كانت هنديه مب مسلمه شعثاء غبراء دومها تمسح ريولها بإيدينها لما تجلس فالكرسي وعاد ريولها مستويه إصبخه! الموهم لما كنا نناقشها وبدت الشمس تغيب فتحت علبه أكل كانت حاطتنا ف مكتبها كان فيها خبز براتا وصالونه قالت لنا انها صايمه عاد سمحن لي بأكل_ قلنالها عادي خذي راحتك_عاد نحن جلسنا فالكنبه اللي جنبها وجلسنا نبى نتكلم وما شفنا إلا هي قدامنا ماسكه خبزه ومغمستنها بصالونه وجلست تعازمنا عزام بدوو عاد كنا متلوعين حدنا كنا نتذكر لما تمسح ايدينها بريولها وع _مشي الحرمه كانت مصممه إنا نذوق من هالخبزه وهي تحايلنا ونحن نوخر لوراء لين نطينا فوق الكنبه ونحن نبتسم ونشوف بعضنا بعض ونقولها نو مس ثانكيو_ وهي إلا مصممه إنا نذوق والصالونه تتقاطر ف عباية ربيعتي وأنا ميته من الضحك عليها^_^ ههه وف أثناء هالموقف الدكاتره كلهم يشوفونا ويضحكوا ودخلوا طلاب وشافونا ب هالحال عاد أنا ما استحملت رحت عنها ودموعي من الضحك ما وقفن وربيعتي استسلمت صارت وحدها محاصرتنا هي وخذت منها الخبزه وطلعنا من المكتب وحطت ربيعتي الخبزه ع جنب وغادرنا المكتب ورحنا نغسل العباية ونحن ميتين من الضحك ههههههه ما أنسى هالموقف^^