بغيت أنساك ف غيابك ومن غيابك بغيت أنسـاك
غريب وما عرفت أني غريب إلا مـن غيابـك
عرفت أني أسير الحب وسجني وعالمي ذكراك
وحـلمٍ ضيع سنينـي اخــذ عطـره مـن ثيابـك
ثلاث شهور وشمع الحلم مـا طفـا ولا ضـواك
أدور للأمل شمعـه وأنـا واقـف علـى بابـك
ثلاث شهور لا صوتي رحم صبـري ولا نـاداك
ولا صوتـك رحـم قلبـي ولا قلبـي تهنابـك
على شوك التعب أمشي على شوك السهر أقراك
ثلاث شهور ما راحت هدر لـو الزمـن جابـك
حبيبي والجهات الاربعه ضيم وضما وأشـواك
ولليلٍ منتها عمـره ثلاث شهور مـت شابـك
وقفت وطالت ألوقفه وشـاب البـاب والشبـاك
وذاب الشمع وسال الدمع من فرقـاك وغيابـك
حبيبي ما قدرت أنسا غيابك كيف عـاد أنسـاك
وغلاك أكبر من النسيان وحرماني من أسبابـك
حبيبي لو قدرت أنسـا غيابـك عنـي وفرقـاك
لك الله : ما بكت عينـي ولا قلبـي تغـنى بـك
حبيبي آآآه لو أدري : وش خلف الضلوع هناك
ولا آآآه لو تدري : وش سـوت بـي أهدابـك
حبيبي لا اذكروا أسمك عندي وألا جاء طرياك
لبس الجسد رعشه .. تعـري خافـق أحبابـك
حبيبي والزمان اللي ( أخذني مني لك وعطاك)
أخذني وما عطاني منك غيـر البعـد وابطابـك
حبيبي ما بقا.. لي حلـم فغيابـك سـوا لقيـاك
تعبت أمشي الطريق اللي ..كفوفه تلمس أعشابك