ليش مانعرف نقول لاخونا يا فلان احبك
وليش مانقول حق اختنا والله احبج
ليش بعد فوات الاوان نتحسف ونتمنى بس لو يرجع دقيقه
ونقول هالكلام عشان نرتاح
مع انه كان عايش عندنا ونشوفه بشكل يومي
ونكلمه ونيلس وياه بس ماكنا نفكر انه بيموت وبيروح عنا
وكان في كلام خاطرنا نقوله له بس شي كان يمنعنا عنه
يمكن الامل ف طول الحياه؟ جايز!!
او الجفاف العاطفي الاسري؟ ممكن!!!
يعني وحده تقول اخوي كان عندنا وكنت واااايد احبه وافرح بشوفته بس لما اشوفه ما كنت اوضح هالشي
معرف شو الي كان يمنعني
ولما يقول كوي دشداشتي كنت اعاند فالبدايه
مع انه هو روحي وعمري واحبه وااااايد
وفي يوم من الايام جات اختي تقومني من النوم وتقول قومي اخوي صارله حادث والحين فالطواري بعد ساعه بس جا خبر وفاته
طبعا ماحكت عن الموقف ساعتها لاني كنت حاضره وشفت كل شي
بس الي حز فخاطرها كانت تبا تقوله احبك وافرح بشوفتك
وانت احلى واغلى اخو فالدنيا
بس الموت كان اسرع منها
ليش ما نتعامل مع الاشخاص على انهم اموات مؤجلين
يعني أي شخص فحياتك قوله كل الي فخاطرك تجاهه اول ماتشو فه ولا تأجل شي
لانك ماتدري متى تفارقهم للابد
ثرثرة سعد الليالي