أدري إنك مع الزوار جالس تراقبني
آه من قلبي دايم يصدق أحساسه
لاتحسبك بسواياك جالس تعذبني
لأن غلاي عندك عرفت مقياسه
بس مستغرب للحين إنت ماتعرفني
مع أن الحب مابقى شخص ماداسه
ودي أعرف بس ليش إنت تراقبني
ماودي القلب يتعب باسباب هوجاسه
لاتفرح بها القصيده لأن الشعر يكتبني
أخاف تقول ياحظي صرت نبراسه
تراك مثل الظل وين ما أروح تتبعني
الله يعينك أحس إن دنياك محتاسه
تكفى طلبتك يابعد عمري يامتعبني
أترك عنك الجنون بطرد وسواسه