من طبعي أرد الإساءة بالإحسان
وأساير ظروف الزمان اللعينة
وأطوف الغلطة من فلان وفلان
يعني من أجل عين تكرم مدينة
الكامل الله والخطأ طبع الإنسان
والدرب يفرق عن يمينه بيساره
والصاحب اللي له معزة وله شان
إن جاني بشينه تذكرت زينه
أتحمل أخطاءه معي قدر الإمكان
من جانبي تبقى العلاقة متينة
واللي يغلطني وأنا ماني بغلطان
أصابعي أحطها وسط عينه
ما دامني مسلم وفي قلبي إيمان
عمر البحر ما شال هم السفينة
بعض البشر ودك تناديه ذبيان
يجي على طاريه لا قلت وينه
وبعض البشر إسمه من الله كحيلان
احذر تحول الناس بينك وبينه
ترى الرفيق أحيان وأحيان وأحيان
أقرب لقلب الشخص من والدينه
مرت عليان الإنسان شيطان
إذا يهينك لازم إنك تهينه
يعني إذا حاجتك بيدين عدوان
يكفيك شر المهزلة والغبينة