[أمـــي] يا اول حب عشته في دنياي~~
يا اول اسم تنطق شفاي طاريه~
عمري بدونك عمر ما عشت انا فيه~~
ياما لقيتك في شتا وقتي دفاي~
حضنك يدفيني بحنانه وادفيه~~
وياما مسكتي في عنا وقتي يمناي~
خوف علي من الزمان وبلاويه~~
[انتي] نظر عيني وبسمة شفاي~
[وانتي] هوى قلبي وحبه وغاليه~~
[وانتي] الجميل اللي تعدى عطاياي~
لو عشت كل العمر ما اقدر اوفيه~~
تدعين ربك لي يسدد لي خطاي~
وارفع انا كفي الى الله ادعيه~~
يارب تمنحني رضاها بدنياي~
وان ما رضت عني ترى العمر ما ابيه~~