ماني خيال لا بغيته طرالك
يجيبني عندك لا من بغيته
لا يبعدك ذاك الشعور بخيالك
لا ياخذك وتقول حلمي لقيته
لا تقول قلبي من جروحه شكى لك
لا تلتفت للجرح لا من شكيته
لا ترتجي قلب بحبه وفالك
بعض الأمل لو كان بيدك عميته
لقيت من يفهم شعوري بدالك
هذاك لو يطلب حياتي عطيته
رضيت بعدك يوم جرحي رضالك
الله يسهل دربك اللي مشيته
خلك مع أوهامك بعيد لحالك
الحلم مايصدق ترى لو رجيته
والله ما أذكر لك قديم مضى لك
وإن كان لك ماضي تراني نسيته
كانك تقول اسمي بقلبك بقى لك
اسمك كتبته بالرصاص ومحيته