قالوا ترى مالك امل في قربها لو يوم ،، ابعد و جنب دربها و هذا هوا المقسوم ..
قلت اتركوني و اسكتوا ،، خلوا العتب و اللوم ..
قدني غرقت فبحرها و لا عاد يفيد العوم ..
قالوا ترى في حبها ويل و اسى و هموم ،، قلت ان قتلني حبها حسبي تقول مرحوم ..
قالولي انسى ذكرها ،، منت بها ملزوم ..
قلت ابشروا يا عاذلين بنسى دبيب النوم ..
قالوا بتلقى غيرها و اترك هواها اليوم ،، قلت العفو ياحاسدين ماابدل قمر بنجوم ..
قالوا لغيرك حبها ،، قلت الجواب مفهوم ..
دام انها متهنيه ،،شلون اصير محروم ..
بقضي الليالي انتظر صابر على المقسوم ،، متعلق بطرف الامل يمكن يجيني نوم ..
قالوا ترى مالك امل ،، في حبها لو يوم ..
ابعد و جنب دربها ،، هذا هوا المقسوم ..