الســلام عليكمـــ ,,
أمس الاربعاء 25-8-2010
كنت معزوم ع الفطور ويا حد من الربع ,, جزاه الله خير ما جصر وجه ابيض ,,,
رجعت المعسكر ,, وصليت العشاء ,,, ورحت النادي اقراء جرايد واشربلي شاااي وسوالف ويا الشباب اللي عندهم دوام شرواي ...
وبعدهــا تميت أستخدم النتــ ,, وضليت لحد الساعة 11 بليل بعدهـا رجعت غرفتي...
السكنات كــانت فاضيه لان الكل رايح ,, والمسكين أنا بروحــي عشان عندي دوام بالخميس
رحت الغرفه وتابعت تي في وباب الحارة لحد الساعة 1:30 الفجر ,, وبعدهــا حاولات أنااام بس وين النوم..!!
رديت شغلت التي في ,, وطلعت برع الغرفه ,,
أشووووف القمــر واتأمل السماء الصافية واتذكـر الدار ,,
واتخيل نفسي فمثل هاكــ الوقت فشي من العراقيب او عروج "تلال رمليه" رامس ويا الربع والنشاما ,,,
رحل بي التفكــير بعيد بعيد ,,, وتذكرت أياااام حلوة ,, قضيناها فمثل هالجو ,,, يا خسارة ,,,
وانا جالس أتــامل ,, طلعتلي أعوذ بالله سنورة مدري من وين جات ,,
وسيده ركض ,, اثاريتهــا تحااوش فااار ,, وجلست اتابع الفلمـــ ,,,
ضحكت صدج ,,, بس الفااار فاز ولا قدرت تصيدهــ ,,
المهم رجعت الغرفه وبندت الليت وانخمدتــ تحت الفرشة ,,, وما صدجت بالله اللين ما رجدتــ
قمت الصبح صليت ورجعت انام وبعدها ورحت الدوامــ,,,
خاطري اروح اليوم ,, وافطر ويا الاهل ,, بس أحسهــا صعبه اروح اليوم وارجع بكرة ,,,
بس تدرونــ ,,, راح اطلع هالاسبوع بكير ,, من يوم الاثنين او الثلاثاء عشان تكون عندي اجازة اربع ايام ,,
هذا هو جدول الامس ,,,
أشوفكمـ ع خ