05-07-2010, 09:36 PM
|
|
اخذيني
أخذيني إليا عجبتك بس ردينيـــــي
وأن ماعجبتك خلاص أخذيني مابيني
مادامني شفت فيك الطهر والعفة
باعيف نفسي ليا منك كرهتيــــــــني
أخذيني لو أعتبر من ضمن أشيائك
وأنا بحـــبك ولا لازم تحبينــــي
لا بي علاقة ولا نظرة وبسمـــــــة
أحساســــــي أني بقربك بس يكفيني
ولو أني انضفت لشيائك غصب عنك
طلي علي ياغنــــــــاتي لا تخلـــــيني
تراي لاجــا المصامد ماني بهيــــن
تقول كــــــــن العرب لعبة بيدينــــي
شخصيتي من غرابتها وطيبتهـــــا
كن الزمن في تحــــــدي بينه وبينـــــي
أخذيني الشاعر اللي ماصدق حظه
لا قلت ياحــــــظ وينك ؟ قال : ياوينــــي
أخذيني المبدع المتفلسف التـحـــفه
مؤمن وتضحــــــك على العالم شياطينـــي
شهرة شكسبير وأفلاطون ونيوتن
لا قلتلي بيت شعر .. تطيح من عينـــي
أخذيني العنصر الي صدق متعنصر
من دون ربعي لو أقطع شراييــــــني
أخذيني اللي ليـا منه طلب يعطــا
وتكفين لا من طلبــــــتك لا تردينـــــي
تكفين ياغايتي يابهجة الدنيـــــا
أبحـــــــرق قلوب ناس ماتدانينــــي
أخذيني بكل شوق وقولي أحبه
وأن شككوا فيك .. و إلا في .. ضمينـــي
قولي سعد والله أنه غالي جــــدا
وياجعل فدوة شبابي واخــــر سنينــــــــي
وأنا بصدق كـــلامك وأعتنز بالله
وباقول للنــــــــاس مايعنيك يعنـــــــينــــــي
وأنا علي نذر ما أرخص جيتك
وأنتي نذر على أرقبتـــك أنك ماتخليــنــــي
للشاعر سعد علوش
|