تسلمين اختي التفاحة ع الاكلة الطيبه يعطيك الله العافيه
واشكرج ع اختيارج لي
وابدأ انا احط اكلتي المفضلة
اسهل مصقعه سريعه وخفيفه
بسم الله نبدأ
المقادير :-
حسب عدد الاشخاص والمقادير انتي تحدديها
بدنجان مقططع حلقات دائريه
بطاط ايضا مقطع حلقات دائريه
بصله متوسطه مفرومه
ونص كيلو لحم مفروم او اذا الكميه وايد كيلو
وفص ثوم يمكن الاستغناء عنه
بقدونس او كزبره مفرومه
2او 3 اكواب من صلصة بيضا الخاصه بالبشميل
بقسماط للوجه
الطريقه :-
1- يقطع كل من البطاطا والبدنجان وينقع في ماء وملح لمدة 5دقائق
2- نفرم البصل ونقليه مع الحم ونظيف عليه البقدونس والبهارات
3- نقلي البطاط والبدنجان وننشفهم عن الزيت
4- صلصة البشاميل تكون جاهزه ومستويه
5- نحط بقاع صينيه الفرن مقدار من الصلصه حوالي 3 ملاعق او اربع فقط ندهنها
6- نبدي نرص اول طبقه من البطاط بكامل الصينيه
وفوقها طبقه من البدنجان ونغطيها بطبقه من الحشو الحم المفروم
- بعدين نرص طبقه مثل ما سوينا اول مره
بطاطا بعدين بدنجان بعدين نصب عليها الصلصه ونحط على الوجه اي جبن تفضليه
واخر شي نحط البقسماط على الوجه حتى ما يحترق وينشف الجبن
وندخلها الفرن حتى تتماسك اكثر وتتحمر من فوق
حوالي ربع ساعه وبعدين نحمرها دقايق من فوق
وهذي شكلها بعد الخبز في الفرن
نخليها تبرد شوي ونبدي نقطعها حسب الرغبه
بألف عافيه يارب تكون سهله عليكم
ان شاء الله تعجبكم.......................
اختار الأخت خذاني الشوق