متذوق ومستمع وابحث عن الأفضل

محمد بن فطيس المري

pc_point في غربتي وملكتنا قندهار

اهداء للي ف بالي ....
ودي بك .. وأبيك وأباك وأبغاك ..
.. جمعتها لرضاك واختار فيها

كانك مشكك في الوفا والغلا هاك ..
.. جوالي اقر القائمه كل ابيها

رقمك مع (الصادر) ولا (وارد) أسواك ..
.. والناس في اللي (لم يرد عليها)

هذي قصيدة بعنوان دمعة الرجال من فرقا مرة ل بن فطيس

قد عطيتك وانـت ماضنـك لئيـم
والنصيـحـه لليـالـي تـذكـره
لاتحرك جرحي الماضـي الاليـم
ولاتحسب ان طول بعدك طهـره
كل جرح يهون يالجـرح القديـم
وكل شي قد مضا معـك اذكـره
جرحي وذكـراك والليـل البهيـم
حـزت فـوادي بمثـل المنشـره
العذول غراب وانا اكبـر غشيـم
والجروح الماء وطاريـك حجـره
والزمان اكرم من الحـظ الكريـم
لانفتح لي بـاب صوبـك سكـره
وحبك اللي لاطرى لي رحت اهيم
قمت احسب اصغر كلامك واكبره
ليتنـي عـاد الهـوا تـوه فطيـم
انعذلـت لعاذلـي بـس خـيـره
مالقيت من الوفـاء يـااول نديـم
كون صدق الحزن وجهه وظهـره
عقب رمح الشوق في وجه الصميم
سيف هجرك في قفاه وشف ثـره
وانت شكلك تحسبنـي فـي نعيـم
لنـي اخبـي صوابـي واستـره
لايغـرك حلـم رجـال حلـيـم
مهون اللي مـن سكوتـه فجـره
ولاتحسب الجفن من دمعه عقيـم
يستحي منك والى اقفيـت انثـره
ولايغرك وان بدا جسمـي سليـم
والله انـه مثـل سـور المقبـره
والله ان امر من ضحك الخصيـم
شوف حقي بيـن اياديـه اشكـره
والله ان احـر مـن دمـع اليتيـم
دمعة الرجـال مـن فرقـا مـره ,,

نعم ولكن احفضها لنفسي

هذي رائعه من روائع بن فطيس ,والأحب الى قلبي
فـي كفهـا خاتـم وفـي خدهـا خـال
وفي عينهـا غيـم وعمـارات وبيـوت


الخال شفته واضـح مـن وراء الشـال
والخاتـم المـاس المرصـع بيـاقـوت


والعمر في العشرين كني مانـي بـزال
والجسم كنه مـن جبـل ثلـج منحـوت


جبل ولكن لـي طرقهـا الهـواء مـال
وخطواتهـا ماهـي بالامتـار بالهـوت


ماهي تشوف الشمس من ظل لي ظـلال
ومصيافهـا مابيـن لـنـدن وبـيـروت


الشمس لو تشرق علـى جسمهـا سـال
كنهـا مجـسـم محلبـيـة وبسـكـوت


ومن صغر مبسمها شكا حالهـا الحـال
ما تاكـل الا اللـوز والخـوخ والتـوت


ماهي تشـوف النـاس تمشـي وتختـال
مرا على جاكوار ومـرا علـى حـوت


وخدامتيـن وهـي بـلا زوج وعـيـال
وسمعتهـا تدعـي الدريـول يـاقـوت


وثـلاث جــوالات مـاهـو جــوال
ومن يوم خلقـت كـل شـئ بريمـوت


لـكـن قلـبـي مالهافـيـه مـثـقـال
ويش قرب البشت الحساوي من الكـوت


ياجعلهـا للـي خـذت قلـبـي نـعـال
اللي غلاهـا عنـدي الشـرب والقـوت


حورية(ن) مـن فوقهـا الليـل حـلال
كنها صبـاح(ن) فوقـه الليـل مكتـوت


قلبي لها من كثـرت الشـوق مشخـال
وللسـر عـن كـل المخاليـق تابـوت


تنحت لي من الحب فـي القلـب تمثـال
وحبي لها بنحت علـى الساحـة بيـوت


فـي عينهـا مـا كـل رجـال رجـال
واقفا حدود الوصل في سلمها الصـوت


زود(ن) على العقل و على الحسن من أل
رؤس لهم رؤس علـى متونهـا بشـوت


الي رضت موتوا وهي رؤس الامـوال
واذا زعلت جربت ويش سكرت المـوت


مـن دونهـا رجلـي وراكـب وخيـال
والسيف والامـواج والبحـر والحـوت