السلام عليكم أخوي راعي جرنا ، كنت قد وعدتك بأن أعود لأبياتك بعد أن أتفرغ.
واليوم أستسمحك بأن أعود لهذه الأبيات المميزه ، راح أحاول أوضح كل بيت والتعديلات بوضحها باللون الأحمر وطبعا أبياتك على وزن البحر المسحوب وهو أكثر البحور شيوعا ً بين الشعراء ويعتبر من أصعب البحور ، أبياتك تقول :
حارات بي الدنيا وحالي تكدر,,,,,,,وتاهت بي دروبي فـ وسط المدينه
في شطر البيت الأول الوزن مضبوط ، ولكن في الشطر الثاني نقص حرف
وأنا أضفت له حرف الفاء ((في)) ليكتمل الوزن
وأمسيت في حسره وحلمي تبخر,,,,,,وعيني تهل الدمع تبكي حزينه
أضفت الألف قبل كلمت "مسيت" ورحف الواو قبل كلمة "حلمي"
من واقعن مؤلم و وضعه يفسر ,,,,,,,,,,ان زمن لااااااااااازم يخذ رهينه
في الشطر الأول أضفت الواو قبل كلمة "وضعه" أما في الشطر الثاني
كلمة "لازم" تكسر الوزن ، فأنا وضعت بدالها كلمة "لابد" وصار الشطر بهالشكل:
إن الزمن لا بد ياخذ رهينه
طبع الزمن دايم يضحّك ويغدر,,,,,,,,,متقلبااااااااااوضعه و تقهر سنينه
من يوم ماني صغير والهم يكبر ,,,,,,,,,,قاسي مع الايام زايد طعينه
هالبيت حلو ما عليه كلام
معاكس الواقع فوق التصور,,,,,,,,,,يرسي على المينا بليا سفينه
في الشطر الأول كلمة "الواقع" تكسر الوزن ، فالتالي أفضل لو تخلي بدالها كلمة "الأيام" : معاكس الأيام فوق التصور
محدن يسليني و ياكيف بصبر,,,,,,,,,,,,اشكي غياب الخل وآقول وينه
ادق في رقمه ويعطي تعذز ,,,,,,,,,,,,,,مبند الجوال تسلم يمينه
هالأبيت أوكيك.
وشله تعذبني و توعد وتغدر ,,,,,,,,,,,,,,قلبي تعب منٌك وزايد ونينه
الله الغني عنٌك اذا بتكبر ,,,,,,,,,,,,,والحر مايرضى بأحدن يهينه
مثل ما خبرتك التعديلات خليتها باللون الأحمر ، وفي المجمل أبياتك جميله جدا ً
والوزن ما كان ينقصه غير حرف واح في كل بيت عشان يضبط ، أما بخصوص
تراكيب القصيده ، أعتقد أبياتك واضحه جدا ً ، ولا تحتاج لفك رموز تراكيبها وسهل
على القارئ أنه يستشف المقصود.
أتمنى لك التوفيق