الحلـــم
بوقت من البطى وبليل تتراقص شياطينه
بعد شفت الضيا ينزع من ثياب المسا الثلثين
تحايلت المنام اللي مثل بيتج تمرينه
وانا اللي من تفارقنا و انا ما غمضت لي عين
غريبة..كل حلم يمر فرقادي تزورينه
والاغرب كيف احلم الحلم وارجع واحلمه بعدين
قبل يومين شفتك فالمنام وقمت من حينه
ونمت امس ورجع نفس المنام اللي قبل يومين
انا اللي قبل اسافر شلت قلبي من شراينه
تركته فيدج مثل الامانه احفظيها زين
ترى حفظ الامانه دين مجبورة تردينه
اجل ما في حد كد قالج حفظ الامانة دين؟
مرد الملفي بيلفي و يستوفي و توفينه
بعد ليله..ثلاثه..اربعة..عشره..شهر..شهرين
اذا انتي منتي بقد الكلام اللي تقولينه
حرام استأمنج حاجة واذا جيت اطلبج تنسين
تخونين و تبين ارضى..واحد يرضى تخونينه
انا لو جيت اخونج مع حبيبة ثانيه ترضين؟