راشد

ابي شورك دخيل الله يابوخالد×× ترى هالدنيا ضاقت بي وانا مليت
بلاني حب من خلى الفكر شارد ×× زعل مني واذا ماردلي جنيت

عبد الكريم

على هونك وقول شفيك ياراشد ×× عيوني لك وعنك عيوني مارديت
صديقك عدني او حسبت الوالد ×× من اللي صد عنك وانت ماصديت
راشد

انا حبيته والله عالم وشاهد ×× ويمكن دون ما اقصد عليه اخطيت
تعذرت وتعبت اقول موقاصد ×× ولا عبرني ماتسوى علي حبيت
عبد الكريم
اذا اخطيت اكيد ان الخطا وارد ×× واذا صدك لانه يحبك وزليت
اهي فتره مهما يروح ويباعد ×× بيرجع مثل ما يرجع حمام البيت
راشد
ياشين الوقت من دونه وانا قاعد ×× ذبحني الشوق له من كثر ماحنيت
انا الغلطان ما انكر ولا اعاند ×× واظن يكفيهم اني بغلطتي حسيت

عبدالكريم

تزاعلتوا ولو كان الزعل جايد ×× يظل ملح الهوى ويا الذي اغليت
بدونه تشعر ان الحب شي بارد ×× وش احلى من الزعل لو بعده تراضيت
مارديت

تحياتي لكم