يا صاحبي شوف الدهر خلاني اصرخ آه
يا صاحبي عفت الصبر ما قدر على فرقاه
بعد الهنا صرت بكدر صرت أعيش بويلاه
فوق الخدود دمعي نهر والشوق يهيب طرياه
صار الدجى هم وسهر يفرض علي ذكراه
اشلون تغير وقدر يهجر وانا أترياه
اشلون على فراقي صبر وانا الذي أهواه
يا هاجري عندك خبر قلبي في بعدك تاه
يا صاحبي هذا القدر مكتوب علي ما أنساه
كل يوم على بابه أمر أتمنى يوم ألقاه
واهو ولا مره افتكر أني حبيب وياه
مالي قدر يا صاحبي وياه