الجمعه الماضية رحت صوب الربع في وادي الشكلة
مكان بين الغاف .. رمال ناعمه .. هدوء وبُعد عن صخب العاصمة
وصلت قبل الغروب .. أجواء ساحرة ... الجو كان قماري
بعد العشاء طلعنا فوق العرج ... وتبادلنا الحديث وجاء الختام بشلات الونة والطارج
أخر الليل نمنا أنا و3 من الربع فالعرج ... الجو نسناس وقمر
تمينا نسولف أنا وربيعي اللي جنبي لين هو نام وانا ظليت أراقب النجوم وأسمع صوت الحصيني من بعيد
لين ما غلبني النوم وصحيت
بعد صلاة الفجر حصلت الشاي والقهوة والحليب جاهز مع الافطار
عاذرت الشبااب والقلب يأبي الوداع بس باذن الله كل ليلة جمعه أتواجد معاهم أذا سنحت الفرصة
عذرا عل الاطالة