ماخطرتش على بالك يوم تسأل عني
وعنيا مجافيها النوم .. النوم يا مسهرني
أنا قلبي بيسألني .. إيه غير أحواله
ويقولي بقا يعني .. يعني ماخطرتش على باله
أمال غلاوة حبك فين .. وفين حنان قلبه عليا
وفين حلاوة قربك فين .. فين الوداد والحنية
يا ناسيني وانت على بالي
وخيالك ما يفارق عيني
ريحني واعطف على حالي
وارحمني من كتر ظنوني
لا عنيا بيهواها النوم
ولا بخطر على بالك يوم
تسأل عني يا مسهرني
اسأل عن اللي يقضي الليل
بين الأمل وبين الذكرى
يصبر القلب المشغول
ويقوله نتقابل بكرا
وبكرا يفوت وبعده يفوت
ولا كلمة ولا مرسال
وهو العمر فيه كم يوم
وأنا بعدك علي طال
يا مسهر النوم بعنيا
سهرت أفكاري وياك
الصبر ده دا مش بإيديا
والشوق واخدني في بحر هواك
أقول لروحي أنا ذنبي إيه
يقولي قلبي حلمك عليه
مصيره بكرا يعطف علينا
ونبقى نعرف هجرنا ليه ..
ويسهر النوم في عنيا
يا مسهر النوم في عنيا
سهرت أفكاري وياك .. ويااك