والله انى كنت ألــوم اللى يضيق أن غــاب خـــله
لــيـن جـربت الــمـحـبه والفراق وقلت تـوبـــه
لعنبو جد المفارق فيه هم وفيه ذلـــــــــــــــــــه
أثــر كـل الـحـب لـذه والــفـراق أكـبر عـيوبــه
امس فــارقـت الـغـلا ومفارق الـخــلان عــلــــه
والعـلاج الـوصـل لا تـبـلـش طـبـيـب ولا حبوبه
الــــــزعـــــــل هو سبه الفرقا يـهـز الحب كـلـه
لـيـتـنـى طـولـت بالى قـبل لا يعلن غـــروبــه
وآهني اللى وسيع الصدر.. صدره وسع فله
غـلـطه الصاحب تجى وتروح ماهى بمحسوبه
عارفً قدره.. وقدر اللى يـحبــه فى محــلـــه
ذاك نفسه لا حشا ماهى على الحب مغصوبه
يستخير وله غــــلا قلب صــدوق مــا يمـلــه
فــدوة لــه كل قلبي من شماله لـــى جـنوبـه
يوم قفى والخفوق يفوح عقبه فوح دلــــــه
وسـط وقدرة واحد عز الشتاء والســهر دوبه
ماسمعت ا ن الخوي له بالخوي تسعين زله
وانـت طوف زلتـــى ياعــل تــفـداك اللعوبه
صاحبي سيف الهجرلا صرت تقدرلا تسلـــه
مــاتــظــن ان العفو عند المقدره اكبر عقوبه
ايه انا اللى كنت ألوم اللى يضيق ان غاب خله
لــيــن جــربــت المحبه والفراق وقلت توبه