إحنا معشر الشرقيه جنوب خاصة صور وبو حسن متعودين ننادي الناس بأسماء دلع أيا كان عمرك يعني ممكن تنادي رجال ولا حرمه كبار بالسن باسم حبابوه وحبوه والإسم اللي بعده دلع مثلا: حبوه مرومه، خالتي فطون
حتى إذا كنت ماتعرف الشخص إلا جديد وعن طريق حد ثاني تصير تناديه باسم الدلع اللي البقيه ينادوه به، أحيانا لمن أكون رأيحه مشوار مع أخوي وربيعاتي معاي لا بغى يتكلم أو هن يتكلمن معه نظامهم دلع مع أنه عادي بس بيني وبين نفسي يجيني ضحك
وأنا من الناس اللي نادرا أنادي حد بأسم رسمي والأكيد انه صار واضطريت فتحصلني رأيحه راده أشاور نفسي أتكلم ولا وها كله لأني ماعارفه كيف أنادي وآخرتها آخلص بلو سمحت مع اني أكون عارفه الاسم بس اللي يضحك اني جديد أبي أسأل عن شخص وفي وحده من اللي ينتقدوا دلع الأسماء لما قلت لها الاسم الرسمي قامت تضحك تقول مب لايق عليك دلعيه وفكينا