••






قصة نورة و عايش

هذي قصة قديمه صارت من زمان ..
بين ولد اسمه عايش وبنت اسمها نورة
كانو يحبون بعض واتفقوا أنهم يتزوجون
راح عايش لأبو نورة و طلبها منه .. لكنّه
رفض ؛بحجة أن عايش فقير ومازال صغير!
قرر عايش السفر والضرب في أرض الله الواسعة طلبا للرزق و التجارة ..
وقال لحبيته نورة:
أنا بسافر أتاجر و أرجع غني حتى أتزوجك !
لكنّ أوعديني إنك ما تتزوجي غيري
قالت نورة: أوعدك

راح عايش يتاجر و رجع بعد سنة سأل عنها
قالو له تزوجت "انجن" وجلس يصارخ: ‏???
ليــش هي وعدتني ماتتزوج ..
قالو له: زوجوها واحد غصب عنها
وهو من خارج المدينة ولا يعرفون شسمها ولا مكانها ..

راح عايش مدينة وراء مدينة و كان يروح لأماكن تجمع الرجال و يقولهم:
عندي لغز واللي يجاوب عليه حلال عليه كل مالي وحلالي وبعطيكم فرصة الـيوم و بكرة و لكم الحرية إنكم تسألون أهلكم ..
و اللغز هو:
( أبي أنشدك عن ضيء القمر و شلون نورة )

و كل مرة يجاوبونه أبيض ، رمادي
و اللي ما عنده إجابة ..
و في أحدى المدن قالهم اللغز و رجع واحد من الموجودين لزوجته و خبرها أنه في واحد مجنون يقول بيعطي كل ماله و حلاله للي يجاوب على لغز ..


قال:
( أبي أنشدك عن ضيء القمر و شلون -نورة-)
ابتسمت و قالت:
قله ( مثل السمك من دون البحر وشلون -عايش- )
قالها : متأكدة
قالت : متأكدة
اليـوم الثاني قال الرجال لعايش:
أنت قلت أبي أنشدك عن ضيء القمر ? شلون -نورة- و أنا أقول مثل السمك من دون البحر وشلون -عايش- !!

ابتسم عايش و قال: مالي و حلالي لك بس سلملي على نورة .. : ( </3


• خسر حلاله عشان يعرف "وشلون نورة ؟
تسألون عن الحب هذا هو الحب