منتديات جعلان - يللا..(إنت بادر وأنا أبادر)..حملة الخير في شهر الخير..

http://www5.0zz0.com/2011/07/22/17/630313286.jpg
http://www5.0zz0.com/2011/07/22/17/181039660.gif

اخواني و خواتي..حبيت أبارك لكم قدوم شهر رمضان المبارك..

ونسأل الله أن يبلغنا رمضان وهو راضِ عنا..وأن يعيده علينا باليمن والايمان والسلامه والاسلام..

امم حبيت في هالقسمـ تكون لنا حملة نتعاون فيها مع بعضنا البعض في طرح أفكار لأعمال نقوم بها في شهر رمضان بإذن الله..

أعمال نتقرب بها إلى الله عز وجل (في سبيل نيل الأجر و الثواب من الله تعالى)..

أنا عندي بعض الأفكار يمكن هالأفكار مب جدييده ونسويها ف غير رمضان لكن ربما إذا عملناها ف رمضان
تتضاعف حسناتنا ان شاء الله..وحبيت أطرحها للتذكير منها:
1- جمع الملابس اللي فالبيت الملابس_وهي بحاله جيده_ اللي ما تحتاجونها أو ما تلبسونها أو ربما خلصت موضتها وانتو متأكدين انكم ما بتلبسونها وغسلها واللي حاب يبخرها.. وترتيبها في أكياس ومن ثم توزيعها في شهر رمضان لناس يستحقوها وهم بحاجه ماسه لها.
2- عمل أكله ع الأقل كل اسبوع مره واعطائها للمسجد (لكم أجر في افطار صائم).
3- تبرعوا بمبلغ _تحسو انكم قادرين على توفيره_ للناس اللي يشرفوا ع المقبره واحنا ندري ان الميت يحتاج لمستلزمات عند موته ولكم الاجر إذا ساهمتوا بدعم مادي لهم.
4- اشتروا مستلزمات رمضانيه _على قد ما تقدروا_ و وزعونها للمحتاجين.
5- قال رسول الله صلى الله عليه وسلم: (خيركم من تعلم القرآن وعلمه) صدق رسول الله..اللي يحس انه عنده
علم من علوم القرآن لا يبخل على نفسه من الأجر ويعلم اللي ما يعرف.
6- احرصوا على زيارة الأرحام.

اممم حاليآ هذا اللي أتذكره واللي عنده أفكار لا يبخل بها ويطرحها ف هالموضوع ^^

وعسى ربي يجازيني ويجازيكم على فعل الخير..بارك الله فيكمـ^^

http://www5.0zz0.com/2011/07/22/17/588848958.jpg