~ فويل للمصلين * الذين هم عن صلاتهم ساهون ~
 

السلام عليكم ورحمة الله وبركاته

مساكم الله بالخير جميعاً ،، ألف ألف ألف مليون مبروووك لـ الناجحين ،، والله يعوض الراسبين خير

يالله لك الحمد خلصنا من الدراسه وجتنا الإجازهـ اللي بتمدت إلى ما يقارب الـ 4 شهور

واللحين كلن فاااضي ولا وراااه شيء

مدري كيف ابدأ بس بحاول ابدأ بموضوع على طوول

اجزم أن الجميع فالعطله يسهر إلى بعد الفجر أو قبل الفجر بشوي ، نستااانس يا مع الأهل أو الشباب بضحك و سوالف بعضها الزين وبعضها اللي يبعدهـ عنا

واللي يسهروون إلى بعد الفجر يكملووووون سهرتهم بفطووووور وبعدها كلن يدور فراااااشه

بس ماهي هذي المشكلة

المشكلة ، أن اغلبنا يرقد عن الصلوات ولا يصليها في وقتها وهذي المشكلة يعاني منها الكثير

يقووووم بعد العصر ويجمع الظهر والعصر مع بعض

أو المغرب أو العشاء

وعلى هالمنوااااال ، واللي ما يصليها الأ بعد الساعه 1 الفجر يجمع الصلوات الأربع " عدا الفجر " مع بعض

الفجر الكل يصليها اما الصلوات الباقيه نادراً ما تلقى احد يصليها بوقتها ومع الجماعه أو حتى يصلي فرضين والفرضين الباقيه فالبييت

صدقوني غير نُسأل عن هالشيء و أن اللي نسويه خطأ كبير ونأثم عليه

لا تحسب أنك يوم تصلي هالصلوات فالبيت وفي غير وقتها أنك سويت اللي آمرك فيه الله

قال الله عز وجل " إن الصلاة كانت على المؤمنين كتاباً موقوتاً "

يعني الله حاط اوقات للصلوات لازم ويجب على كل مسلم بالغ عاقل يصلي هالصلوات بوقتها ، غير اللي معهم عذر هذا بينه وبين ربه

ويقول الله عز وجل " فويل للمصلين * الذين هم عن صلاتهم ساهون "

يعني حتى حنا ياللي نصلي يكووون لنا عذاب ، ماهو بس الكافر اللي ما يصلون لهم عذاااب

حنا بعد بنُسأل ليش اخرنا الصلاة عن وقتها ؟؟

صدقوني المسأله خطيرة والكثير منا غافل عن هالشيء

..

حبيت افيدكم بشيء بعد

روى ابن عمر قال { : كنا نعد لرسول الله صلى الله عليه وسلم في المجلس الواحد قبل أن يقوم مائة مرة : رب اغفر لي وتب علي }

تخيل عاااد في المجلس الواحد 100 مرهـ وهو المعصوم عن الخطأ وهو اللي غافر له ربي وربكم ما تقدم من ذنبه وما تأخر ، وحنا كم نستغفر فاليووم ؟؟

والله ما ابألغ أن قلت أن البعض ما يتجي في بالله يستغفر ، مو تكبر بس قل إهتمام

..

اعذروني على الأسلوب اللي مش ولا بد بس أن شاء الله وصلتكم الفكره في الموضوووع كامل : )

تسلم اخوي ع الموضوووع

لا بلعكس السلوبك حلو والفكره واضحه وكلامك يتحدث عن شي واقعي ونشاهده ف بعض شباب هداهم الله لكن الوحد عليه نصيحه..............

يعطيك العافيه اخوي الجريح