|
فلان محجوز لفلانه ...مع ام ضد؟؟
بسم الله الرحمن الرحيم السلام عليكم ورحمة الله وبركاته ( الحبر يخلص وقضايا مجتمعنا ماتخلص ) نجي لقضيتنا ومحور حديثنا ( ياولدي بنحجز لك بنت فلان ) ( يابنتي ترى ولد فلان حاجزك ) ( فلانة محجوزة لفلان ) _ يجي واحد يخطب بنت جيرانه ..الولد عليه اخلاق ودين ..لكن البنت محجوزة لولد عمها _ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها .. ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز .. _ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان قصص تبكي القلوب .. وأحلام تضيع في قرار أمال وأمنيات تتبخر .. بصراحة انا احس ان الحجز فيه ظلم للبنت خصوصا ان الولد لو كبر وغير رايه ماراح يتأثر لكن البنت حساسة وتتأثر وفوق كل هذا محد بيجيها خطاب لانهم يعرفوا انها محجوزة لفلان ممكن الشاب يتأثر لان اهله اختاروا له شريكة حياته ومحجوزه له .. لكن البنت هي اللي تتأثر اكثر يخلص الحبر والكلام مايخلص من المذنب .في هذا كله. الشاب , الشابه , الأهل , العادات والتقاليد ؟؟ ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟ اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟ وانت ايها الشاب مارأيك في مسألة الحجز وان تكون محجوز لفتاة ؟؟ وهل هذا الشي موجود في عائلتكم ؟؟ وماموقفكم منه ؟؟ |
أشكرك كاظمة الحب ع هالطرح الواقعي...
صراحة أيوه موجود وموجود بكثره بعد خاصه في المجتمعات البدويه...أنا من وجهة نظري المتواضعه أشوف أن إذا كان الولد يبا البنت والعكس صحيح فلا بأس من الحجز ...أما أن الولد يشوف نفسه مش كفؤ فمن البدايه لا يحجز ولا يتعب نفسه...يخلي البنت ولا يقطعلها رزجها... وفي النهايه الأهل لهم الدور الأكبر في ذلك... بس بدأت مجتمعاتنا تتفتح والحمدلله..... وعذرا ع الإطاله.... |
الحجز غير موجود
لكن ممنوع الزواج من برع . |
اقتباس:
دخيييييلك راعي جرنا وشو الفرق؟؟؟ يعني في النهايه بتنحجز لواحد من العائله الكريمه...cool. |
اقتباس:
اذا الحجز موجود يعني البنت مربوطه بوااااااااااااحد اما اذا مشي حجز في خيارات ترااااا واااااااااااااااايد يعور. |
مربوطه؟؟؟
ليش شييه وربطوها...؟؟ ههههههههههه في النهايه كل شي قسمه ونصيب... |
ضد الحجز وللشخص حرية اختيار شريك حياته ولشريك حياته قبوله او رفضه ...
|
الحجز موجود في كل مكان في عمان لكن كذلك يعتمد عالبنت ويعتمد على اخوة البنت في تغيير رأي الوالد البنت ممكن تتعنت وتقول ما ابيه ودامه ولد عمها او من العائلة تمسك رقم التلفون وتقوله بالحرف الواحد ما ابيك هذا واحد الثاني انا كأخو واعرف انه اختي ما تبي فلان ممكن اقنع والدي او حتى اقنع الشخص وتنحل المشكلة لكن السائد في مجتمعنا احسن لي ما ادخل في متاهات انا في غنى عنها خلني ساكت افضلي لكن مثل ما قالت دختورة التفتح بدأ يشق طريقه فالمجتمع |
حجز وراه سيارة biggrin
مهما انحجزت الفتاه لشخص معين فالنهاية ال كاتبه ربي بيصير اعرف ناس انحجزت لعشر سنوات وخمس سنوات ومصاروا لبعض لان بني آدم حيلته لسان ولكن القاسم والمدبر هو الله سبحانه وتعالى وافضل اذا تم حجز الوالدين لشخصان ان يصارحان بعض ويسعى كل من الطرفين باقناع الأهل حتى يرى كل شخص نصيبه والله يجمع سعيد بسعيدة والتوفيق لنا ولكم |
اقتباس:
وأنا مع المااااااااااجد والحجز تخلف ورجعية وانهااااااء لمشااااااااعر االشخص وامكانية اتخاذه القرار اللي بناء عليه يكوون حياااااة هي عمره بطووله مو يووم ويووووووومين وشكر لطرحك الرااااااائع |
مشكـــــــــــــــــــــــــــــورين ع الردود الطيبه ولعوهـــــــــــــــــــــــا الدكتوره وراعي جرنااااااااااااا
وتسلم ايد كل من رد وشرف (سيسو عطر والاماكن والماجد والماسه ) شكـــــــــــــــــــــــرا |
انا مع!!!!!!!!!!!!!!!!!!!!!!!!!!!
|
اقتباس:
رأي سلــــــــــيم وتسلم ع التشريف وعسى الله لا تمر بنا المواجــــــــع ي رب |
أكييييييييييييييييييييييييييييد ضد السالفه كلهاااا
|
مشكوووره كاظمه ع الموضوع لانه صدج موضوع واقعي ويصير وايد ف مجتمعاتنا هالقضيه فيها ظله للبنت من ناحية الولد يعني اذا كانت البنت محجوزه للولد وفالنهايه يقول أنه ما يريد يتزوجها مثل ما قلتي أختي بس بصراحه أنا ضد هالشي فلانه محجوزه لفلان أصلا هالشي قسمه ونصيب والانسان ماله شي فهالدنيا غير نصيبه سواء كان حاجز بنت أو ما حجز حد يسلمووو أختي يعطيك العافيه |
بصــــراحـــــــــه انا مع وضد في نفس الوقت
مع>>اذا كان الطرفين يحبون بعض وماعندهم مانع من الزواج وضد >>اذا كان هذاا قرار الاهل لوحدهم بدون مايخذو رائي الطرفين في الموضوع تسلمين ع الطرح............تقبلي مروري..ضمى الروح |
اقتباس:
يسلمـــــــــــــــــــووووووو الصوره الرمزيه تريح صراحه |
اقتباس:
شكــــــــــــــــــــرا اخي الكريم ع الرد المتفهم ومثا م قلت كل شي واله قسمه ونصيب يعطيك ربي الف عــــــــــــــاافيه |
اقتباس:
ضمــــــــــــــــــــــــــى الروح تشريفك لي زاااد صفحااااااات موضوعي نور يسلم نــــــــــورك ودوم ان شاء الله شكـــــــــــــــــرا |
انا ضد الحجز والحمدلله ما عندنا هالعاده
وتقبلو مروري |
طبعا اكيد ضد
يمكن هالشخص لما يكبر يحلم بمواصفات شريكة حياته وتكون المحجوزه له ما فيها هالمواصفات وبيصير الظلم للبنت او انه البنت ترفض هالولد المحجوز لها بسبب الحجز والله تصير تفرقه فالعوايل لما يكبر الشخص ويخطب غير او اما البنت ترفض |
من حقوق الانسان ان يكون له الحق في اختيار شريك حياته ومثلما ترك الامر للرجل فكذالك يبقى من حق المراه ان تختار من تراه مناسبا لها في مشاركتها حياتها ولكن هناك عاده لا تزال متبقية لحد الان وهى مسائله الحجز فلان لفلانه وهذا الامر أجده فيه كثير من الظلم للطرفين وفليس من الحق ان يقرر نحن اوليا الامور من هم الانسب دون الرجوع الى صاحب او صاحبة الشان في ذلك حتى اذا كنا ما نراها مناسب لهم فلهم في نهايه الامر الرفض والقبول ولنا الحق في التقيم في ما اختاره وايضا لنا طرح الخيارات امامهم ونساعدهم في توضيح المناسب والغير المناسب وعندما نقوم بهذا وذاك نتنظر الرد الذي ياتي من قبل اصحاب الشان في النهايه ..... فمسائله الحجز اعتبرها مسائله جاهلية مهما كانت من ايجابيات تحمل ومن سلبيات قد ينتج منها اتركوا الاختيار لهم وعلينا التنبية والتوضيح يا ايها اوليا الامور |
هذا الموضوع له ايجابياته وسلبياته
وللاسف سلبياته اكثر من ايجابياته فأنا ضد |
اقتباس:
تقبلـــــــــــــــــــــــــنا مرورك اختي والله يعطيج العافيه ع المرور الذوق |
اقتباس:
ربي يعطيج العافيه |
اقتباس:
اول تشريف الك في مواضيعي وتسلم ع الاطراء المميز |
اقتباس:
شكـــــــــــــــــرا اخت شهد وربي يحفظج انتي وشهد wink.wink.wink. |
شكرا على الطرح الجيد
|
تسلم اخي ع المرور
|
اذي الظاهرة منتشره فجعلان وااايد
وكأن الولد والبنت مايحق لهم يقرروا مصير حياتهم ممكن البنت تنجبر واذي الظاهره فكل مكان بس فجعلان الولد ينجبر بعد ببنت عمه .. واذا ما خذهي بيغضب عليه ابوه وامه وبتبروا منه الصراحه الله يعين على هالعادات اللي مانعرف متى ما نفتك منهي والجبيله يعني حرام الواحد يتزوج من جبيله ثانيه. لان اذي يعتبر اهانه للاهل لازم البنت تتزوج ولد عمهي اذا مب ولد عمهي ولد جبيلتهي واذا مب من جبيلتهي لا تتزوج احسن اذي المنطق االصراحه يقهرر فجعلان |
الحجز مرفوووض رفضآ باتآ... الأهل يغصبوا عيالهم يتزوجوا فلانة وعلانة وهم ما يبوها....وعقب الزواج ما يكونوا متفاهمين وأغلبية الطلاق يصير ب هالسبب... ومثل ما قال مشرفنا...seesaw بكل بساطة البنت تاخذ الرقم وتقوله مااااا أباك وانتهت السالفة.... |
أشكرك كاظمة الحب ع الموضوع
مععععععععععععععععععععععععععععععععع لانيه الرجل اكثر من البنات |
http://up2.m5zn.com/photo/2009/3/22/...lhu968.jpg/jpg لو الشاب يبا البنت والبنت تباه.. اشوف الحجز عااادي لكن لو مايعرفوا بعض !! والسالفه بس مجرد كلام بين اهل الشاب والبنت اشوف ان ماله دااعي !! لانه بيكون "تعطيل" ومامنه فاايده!! ومدري متي رح تختفي " فكره الحجز" وفلان لفلانه وفلانه فلان!! الله المستعااان!! ويسلموووو كاظمه الحب ع الموضوع والطرح http://up2.m5zn.com/photo/2009/3/22/...dp5c97.jpg/jpg |
قد يتغير العنوان ولكن المضمون واحد فقد يتغير راي شخص من رايه في موضوع أخر ولكن لو تتبعنا هذا العضو او العضوة قد نجده متناقض مع رده السابق ورده الحالي .. فهناك كان مؤيد وهنا كان ضد او يحوم حولين نفسه في دوامه الحيرة من أمره ... اقصد من هنا ليس شخص معين او محدد ولكني لحظت هذا الشي من حيث متابعتي لبعض الردود للاعضاء في نفس محوى الموضوع وان اختلفت ضيغه طرح وعنوانه ... فهل هذا العضو او العضوه كانوا تايهين مع انفسهم او ماذا ؟ اما عن نفسي فقد سبق في موضوع اخر طرح ردي عن هذه الظاهرة واكتفي بما جاء للتبية لا اكثر ولنا لقاء |
تكلمنا واايد في هذا الموضوع وانا اييد راي التفاحة |
http://up2.m5zn.com/photo/2009/3/22/...lhu968.jpg/jpg المحامي.. اصلا رآي الشاب او البنت مجرد شكليات!! لان ف الاخير الي يصير والي يتم هو رآي الاهل.. والحجز غير عن الزواج الغصب!!(او الزواج الي قرره الاهل ويفرضوه ع عيالهم)) الزواج الغصب.. مب مجرد كلام وبنتك حق ولدي!! الزواج زواج.. لكن الحجز.. واايد يقولون فلانه لفلان وف الاخير فلان ياخذ وحده غير فلانه!! يعني "تعطيــــــــل " والبنت تكون ف عداد المخطوبات ع الفاضي!! اشوف الحجز ماله دااعي.. (لو الشاب والبنت مايعرفوا بعض ) لان رح يكون الامر عادي بلنسبه للشاب.. وخلال فتره دراسته او حجزه للبنت لو شاف بنت ثانيه.. واعجب بها رح يطنش الاولى وياخذ هذي لان بكل بساطه الاولى مايعرفها والسالفه بس مجرد كلام.. لكن هذي افكار متواجده من سنين وسنين..يبالها 150 سنة لين تتغير.. وهذا لو تغيرت اصلا!! لان العادات ماتتغير!! والافكار من الصعب انها تتغير!! http://up2.m5zn.com/photo/2009/3/22/...dp5c97.jpg/jpg |
الله يهديك شوه تقولون انتوا الحين ما فيه شيء بالغصب اكثر الي يتزوجون الحين يتزوجون عن حب ويتزوجون بالرضى من كلا الطرفين روح زمان الغصب الحين البنت لها كلمة والرجل ايضا له كلمة وانا اعرف ناس تزوجوا ولا تجمعهم صله قرابة ولكن هم زملاء في العمل يعني جمعهم الحب |
اقتباس:
تسلمين والله هذه من ذووووووووووووووقك |
اقتباس:
مب غصب غصب راعي صوغان... بس الاهل هم الي يقرروا.. والبنت شو تقول؟؟! اذا كان ابوها قال هيه وتم هيه نعم ياخذون راي البنت.. لكن والله انها شكليات!! واصلا السالفه تكون منتهيه!! والاهل وافقوا وكل شي صار اوكيه بلنسبه لهم.. هيه نعم في ناس.. الله انعم عليهم ب الزواج المبني ع الحب اكيد زواج حلو.. وزين.. لان كل طرف بيكون فاهم الثاني.. والحب يزيد لكن ف الوقت نفسه.. في ناس يتزوجوا دون عن يعرفوا بعض اصلا!! وهي تكون اول مره تشوفه يوم العرس!! وهو نفس الشي!! او انه يكون شايفنها قبل " النظره الشرعيه" وبعض الناس مايرضون ان الخاطب يشوف خطيبته!! نظره شرعيه! وزمان "الغصب" ماروح راعي.. والله اني تو سامعه قصه بنت اهلها زوجوها ود عمها غصب!! ومسيكينه ماتمت 5 شهور وياه وتطلقت!! يعني شو خذت من كل هذا غير لقب " مطلقه" المفروض الزواج يكون عن اقتناع.. الله المستعان.. وشو نقوول غير ان الواحد مارح ياخذ غير نصيبه والي كاتبنه له رب العالمين. |
زين شوه رايكم اروح نعيش في سويسرا wink. بس نحن هنيه عندنا التفاحة الحين نادر ما تعرس البنت غصبن عنها لان قبل العقد القران المطوع يعني المليج او على قولت اخونا المصريين الؤذون ياخذ راي البنت والبنت اذا ما ترد هذا الشخص تقول ما ريده بس انا من رايي الشخصي اي اثنين يتزوجون بدون رضاهم مثل ما تقولون يعني غصبن عنهم يحاولون يتعودون علا بعص يعني كل واحد يفهم الثاني ويحاول يحب الطرف الثاني من الخاطر مشان يبنون حياه سعيده وخاصه اذا كانوا اهل وخاصه اذا كل الرجل يخاف الله بغص النظر عن الجمال والامور المادية واتمنى التوفيق للجميع |
| الساعة الآن 09:04 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][