|
غاب القمر...
الدار من عقبهم ما هي بمرغوبــــــــه ... باشوم انا مثلهم مالي طرب فيهـــا .. والليل من عقبهم عندي فرش ثوبــــه ... غاب القمر غاب لي موره محليها .. و العد ما عاد لي شمقه على دروبـــه ... ولا عاد لي باقيه حاجات واتليهـا .. وداعه الله ياللي شد واقفوا بـــــــــــه ... الدار عقبه غدنت ما حد يبغيهــا .. و النفس ماهي على المقعاد مغصوبه ... و العين ما تستريح بدون غاليهــا .. ان قدر الله ودي بسيره صوبــــــــــــه ... اريح الروح من شوفه واسليها .. |
نورين لـو ناريـن
قلبـي انايصلـنـه ما بين عين او عين النـار ويـا الجنـة محتار قلبـي ويـن ساروا الحبايب عنه يومين عن عاميـن ارضف امن الونـه بيني او بينـه بيـن نوقي مـا يوصلنـه صحرا او بحور اثنين عن وصله يفصلنـه له في الهوى دربين لي كامل فـي فنـه يلعب على الحبليـن متجاهلنـي جـنـه نذر علـى او ديـن ان نلت وصل منـه لاصوم له شهريـن فرض على او سنه |
اشكي الي خلي المجروح من نفسي
جرحت قلبه بغلطه غير مقصوده اقولها لك على الولهان لا تقسي ترفقبه ترا ما غير اعهوده يا كل عمري ويا بدري ويا شمسي مقدر ازعل انا الي ترفه اخدوده خلينا دايم على العهد نصبح ونمسي والناس دايم على الاخلاص محسوده ان كان الحب راسخ ثابت الغرسي ما اتروم غلطه وحيده تلزم اسدوده عندك اماني وحب صادق وحسي وقلبي يلاقي يا عمري قربك اوجوده |
اشعلت عمري شمع يوم انطفت الشمووع
وذوبته من الولع لي به وصابه مووع العي واطلب فزع وما ياني المفزوع من الذي له سمع والنب له مسموع عمري بلاه شنفع لي من غدا ممنوع سيدي بهي الطلع ساكن وسط الضلوع حبه بقلبي زرع اسجيه فيض ادموع يالين نظر فرع وقلبي ذوتبه افروع ونيت وبيه لسع وش حيلة الملسوع ما طابت اليه الهيع يوم الخلايا اهيوع عطشان وابعد نبع عني وهو الينبوع لي من وعدني برجع بعيد بالرجوع ان ولفتنا الربع نذر علي مدفوع له من صلاتي ركع ومن الصيام اسبوع |
وين هذيج السوالف روحت من وقت سالف
يوم كان الحب يسمو بالمحبه الاوليه يا حبيب الروح انا منساك طول العمر حالف وش حياتي دون حبك مثل مجهول الهويه والله اني من غيابك يا أعز الناس تالف ما تعرف انه ابتعادك يالغلى ايأثر عليه لانه قلبي يا وليفي عند غيرك ما يوالف اشعر براحه اذا شفتك واحس بجاذبيه عن سوالفك وكلامك ما تعوضني السوالف لك تشد القلب همسات ومشاعر داخليه روحك وروحي يجمعهن على اللقيا تآلف كل ما شفتك تجدد دافع الاشواق فيه بعد هذا اليوم ما نبغي صدود ولا تخالف خلنا نهنا سنين الحب يا حلو السجيه يا حبيبي ما يكلفنا على البعاد كالف والدروب الي سلكناها انا وانته سويه |
--------------------------------------------------------------------------------
نورين لـو ناريـن قلبـي انايصلـنـه ما بين عين او عين النـار ويـا الجنـة محتار قلبـي ويـن ساروا الحبايب عنه يومين عن عاميـن ارضف امن الونـه بيني او بينـه بيـن نوقي مـا يوصلنـه صحرا او بحور اثنين عن وصله يفصلنـه له في الهوى دربين لي كامل فـي فنـه يلعب على الحبليـن متجاهلنـي جـنـه نذر علـى او ديـن ان نلت وصل منـه لاصوم له شهريـن فرض على او سنه بصراحة كنت ادور ذي الكلمات يعطيك عافية جعلانية طررررر شكلك بدوية عاش بوحمد |
اللهـ يــ ع ــآآفيـــك ..^^
آآكيــــــــــــــــــــــــد يــآآلهــــآآشمــي ..^^ ووتسلــم ع المـــروور ..^^ |
انا ابا اعرف كيف تردي بسرة بذي الطريقة والله طريقة صعبة
|
تسمحيلنااااااااااااا
جعلانيه طرررررررر بالمشاركه اغنيه تعيبني كلماتها كتبنهن فدفتر المحاضرات..........من حفظي لكن صحيحه اسمعت في الهاتف ولاريت ** صوت يصحي عوق واسقام سلـم وبادرنـي وحيـيـت ** ياسعد حظي والبخـت قـام ياريم من شوفـك تبهيـت ** ومنادمة صوتـك والانغـام الكم مثل حبـي فـلا ريـت ** ساطي وسط روحي والانسام وانا مطيـع الكـم وذليـت** طوع المعانس قود لخطـام ياسيد غالـي لـو تغليـت ** دايـم غلاكـم زد لانــام لعصيـر لمسيـان لاقيـت ** اللي عليه وصـوف لريـام ان ياك والا صوبهم ييـت ** سلـم وبلـغ نسـل لكـرام جدواه درب الوصل ما ريت ** وانا عليهم شفـج م العـام ما ينفع الماخوذ يـا ليـت** ولا تسعف المظلـوم ظـلام ياما صبرت وكـم تمنيـت ** والوصل دونـه طـول ودام قصدك جفـا والا تناسيـت ** والا بحكمي نـاوي اعـدام |
كيـــــــــف مــــــآآآفهــــــــــــمت ..^^
|
مسمــــــــــــــــــــــــووووح بلحـــــــــــل ..^^ تسعددددنيــــــــه مشآآآآآآآآآركــــآآتكمـ ..^^ |
الله يعطيكم الصحة والعافية...!!
انا اريد كلمات شط الحشاء ..!! اذاممكن ..! |
كلمات ادكتور مانع سعيد العتبيه
لحن وغنى متحت حمد........ تن تن تن طن شاقنـي لحـن الحمـام لي على الاغصان شادي مـن سمعتـه ياسـلام كيف يلعي من لـودادي لـي ايغـرد بانتـظـام فـي الحونـه للعبـادي مسهرنـي مـا انــام معلنـا عنـدي الحـداد زادبـي كثـر الـغـرام لين قمت والعي وانادي اسعفـونـي يـاكـرام لـو خذونـي للمـزادي مستصيب فـي العظـام ماتهنـي بـذوق زادي صار جسمـي كالحطـام والسبب كثـر العنـادي لـو حكمنـي بالـعـدام اهون مـن الابتعـادي هـو ملكنـي بالزمـام منيتي اوغاية مـرادي جـاوب اورد الـكـلام يامليكـا فـي فـوادي لا تعذبـنـي حـــرام واتعمـد فـي نـفـادي |
الله يــــــ ع ــــآآفيـــــــك آآخ ـــــــوووويه ..^^
ووفــــآآلك طيــــب مــــآآطلبت شــــي ..^^ شط الحشا شط الحشا من شط به والقلب مني صوِّبه والي مريح ولا درىلي حل بي ما حل به حل ب حشايا يا ملا حب الحبيب وابتلى والقلب دونه ما سلا شط الفواد وعذبه عاذلت قلبي ما صبر عن راعي الطرف الحور يالي جبينه كالقمر يزهي بشلّة حاجبه ذوب فوادي وامْلِكه في وسط غزله شربكه يا ناس ما روم الحقه عوقي غبي من اسْبِبَه عوده عويد الّشادني مرباه داري ووطني يا ناس حبه صادني صيد الوحش في مِجلبه مجبور جبر المبتلي في حب خلٍ عدملي يالي يلومني يا خلي لي حل بي ما حل به |
يسلموو جعلانية طررررررررررررررر
يعطيك العافية |
الله يسلمـــــــك ..^^
ووآآنتوواا تستــــآآهلوون كل خيـــــررر ..^^ والسمــــووحه ع القصـــــوور ..^^ |
ما يكفيني نظر عينك والسلام وخزت عيونك
يوم اشوفك قلت لي وينك مرحبا بو سالم اشلونك انا حاضر في ميادينك واتجي ضرب الهدف دونك لو تصادفني معادينك مهجتي والروح يفدونك وانا اقرب من محيبك حتى اهلك الي يحبونك يوم صار الحكم في ايدينك روف واتحكم على هونك لا تحرمنا فضلك وزينك وانته راعي الفضل من بونك يوم تبغي ربك ايعينك والكريم يصير في عونك ليش ما توفي مدايينك يالحبيب واتدي ديونك قبل لا تنحل بساتينك والورق يذبل على اغصونك |
رفرفت بالفرحه رايتنا واذرفت ابالدمع العيونا
مرحبا اهلا تشرفنا عقب ما متنا نصيتونا عقب ما ماتت محبتنا يتو تعزيون بالعينا وش يرجع ربع صحتنا اذبلت من العطش الغصونا اش جرا منا يا سداتنا تحكمون بغير قانونا ما عرفتو ايش غصتنا نشتكي منكم وزدتونا جلمت العذال بدتنا مثل ما رداو حكمتونا دمرو بندر سفينتنا وين بترسي يا مضنونا طافحات الموج شلتنا وين ما دار الهوا يكونا كم يا سيدي تعذبنا وانتو ابدا ما رحمتونا مول ما كنا تعارفنا ولا ولا كنتو عرفتونا اندمجنا في محبتنا اشتريناكم وبعتونا ليش وقعتو عمنهجنا يوم نيتكم تخلونا رفرفت بالفرح رايتنا واذرفت بالدمع العيونا |
اكسر جدار الصمت واتحدث شوي خل الحديث يعيد مجرى حياتي
اخشا بكثر الصمت لتجتل الحي يلي يتوق بسمع صوتك شراتي صمتك ظلام وينكسر دونه الفي صوتك يعود النور لو كان ماتي ان كنت اتشوفني منكوي كي حرام تصبحلي سبب في مماتي ما دامني وياك في مه مه الغي شاركتني روحي وذوقي وذاتي واصبحت مثل الزاد لروح والمي منك الخساره وين القى غناتي حرام تقطع عن زرع قلبي الري واموت وانا فوق شط الفراتي شفني معك كل شي وبلاك لا شي الا خيال او بقايا شتاتي |
فدتك الروح يا دعج العيان
فداك القلب ولي تطلبون تعال اليوم يوم الوعد حان ونقطف من ثمار الحب لون تعال نعيش في دنيا الحنان حبيبي خل لي قلب حنون الا ليش التغلي من زمان على خل لذكراكم يصون عهود الحب يدراها ضمان على عهد الوفى لك ما يخون احبك يا رشى عذب الثمان احبك حب قدره ما يهون لكم في داخل الخافق مكان ولا شي على مثله يكون لا جد صار في هذا الزمان محباً تملكه مثلي شجون على شانك صويبا من زمان ولو صار الحواسد يشمتون فلا ابد الليالي تستبان على صدق الوفى تثبت ضنون |
أشارات بالمسـا بـدر التمـام
ولكنهـا رمتنـي بالسـهـام فقلـت لهـا قتلتينـي فخافـي الهـك يـا رشيقـة الـقـوام قالت مالقـوام فقلـت غصنـا يغـرد فوقـه فـرخ الحمـام فقالت مالحمـام فقلـت طيـرا يذكرنـي بأحبابـي الـكـرام فقالت ماالكـرام فقلـت قومـا لهم في مهجتي أعلـي مقـام فقالت مالمقـام فقلـت ربعـا تحلي فيـه تستمعـي كلامـي فقالت مالكـلام فقلـت نسقـا اذا مـا فهتـه حلـو كالمـدام فقالت مالمـدام فقلـت خمـرا من الخمر الموشـح بالوشـام فقالت ما الوشام فقلـت نقشـا علي خديـك اسـود كالظـلام فقالت ما الظـلام فقلـت ليـلا كثغـرك يـا بريقـة الـقـوام فقالت ما الغمام فقلـت سحبـا يشـن المـزن والعالـم نيـام فقالت ما لمنام فقلـت غمضـا يحرم في عيون اهـل الغـرام فقالت مالغرام فقلـت عشقـا كسح في مهجتي وانحل عظامي فلمـا أن رات مابـي اشـارت وأدنتنـي الـى أعلـى مقـام |
نـورت البـلاد بوجـودك
واظلمت لي عدت مب فيها والليالي بشعـة خـدودك تسفـر وينـزاح داجيهـا والدهـر باعيـاده يـرود يبتسملـك يـوم تبغيهـا والفرح والسعد بحـدودك مـا يفـارج دار تلفيهـا بين كل الخود لـك زودة والملاحـة زد حاويـهـا يوم نفسي تـورد ورودك منهل من الحب يرويهـا ياحياتي مطمعـي يـودك واللطافة النفـس تكفيهـا ياعنود وراضـي بقـودك روف بي ان كنت ناويهـا مستجين وقابض شروطك لو علي راسـي تمشيهـا كم انـا رددت منشـودك ليـن بانتلـي معانيـهـا حالفن ما ابوح بـدودك لا ولا اهـذي بطاريـهـا واحتفظ بالحب واعهـودك لين نفسي اتنال غاليهـا |
ياطيب القلب حكم قلبك الطيّب
اخرت غيرك وبعته وقربتك ليه التباعد مع انك دايم قريّب من وين ما صد في عيوني تخيلتك ليه انته ناسي وذكري عندك مغيّب تنسى وانا اذكرك وانسى اني تذكرتك صارحتك بما يكن القلب ياحبيّب الظاهر اخطيت في ظني وصارحتك لوبعزي الصبر دونك قال ماثيّب المشكله ياطويل العمر مشكلتك الصبر شيب وشوق القلب ماشيّب لازال يلعب بقلبي كل ماشفتك كم احسن الظن فيك وترجع اتخيّب كدرت بالي وانا مايوم كدرتك اليوم حتى شعوري منك متريّب هذا خفوقي يحذرني وحذرتك |
يالي ذبحك الغلا والشـــوق حراقي ** لاتكتم الشوق فظفظ به وعلمني
من الطبيعي تتلعثم لحظـــت فراقي ** لأن الهجر قبل مايلعثمك لعثمني بعطيك قلبي ودور داخـــل اشواقي ** يمكن تشوف الغلا وشلون ثابحني اموت في ظحكتك واسلوبك الراقي ** جمالك الي مجننك و مجننــــي ماكل انســان يقدر يــسكن اعمــاقي ** الا انت من يوم شفتك وأنت تسكني عطيتك الحب والاحســـاس والباقي ** اللهفه اللي على لقيـاك تسبقنـــــي بذوقك من حلاي وطعم تريــــــاكي ** وبعلمك كيـــف تكرهني وتعشقــني يا جـامع اليل في وجهك والاشراقي ** تناقظاتك الي فيك تعجبــــــــني ذوقك في عيني يساوي كل الاثواقي ** وغلاك عن وصل غيـرك صار يمنعني والحب في عيون عشاقك وعشــاقي ** شعور اشوفه يراودك و يراودنـي |
لا تودعني كيف اودعك يا روحي وانساك هذا من المحال
مدمعي يبجي ويبجي مدمعك كل دمعه فيه تسئلني سؤال اسرح بفكري وارجع واسمعك حرت انا ما بين واقع او خيال لاتودعني واحلامي معك ذكريات الامس وآهات الليال دمعتي حره وقلبي يتبعك كل لحظه هم وكل خطوة ظلال انته حر النفس يا كيف امنعك غصب طاوعتك ولا بي احتمال في امان الله ربي يرجعك عالامل تبقى من ترقب وصال دامني يا سيد عشت امولعك عن ربوع السعد شديت الرحال منزلك عيني وقلبي مرتعك يالغزال اختال من فرط الدلال الخطا من فؤادي دلعك لين دمع العين عالخدين سال لا تودعني جيف اودعك يا روحي وانساك هذا كم المحال مدمعي يبجي ويبجي مدمعك كل دمعه فيه تسئلني سؤال |
غنـا الحمـــام وهـــيج القـــلب بغنــــاه = ودعا فوادي مولـع عاشــــج يـــرف
متولـــع يبـــكي علـــــى فقـــد مظنــاه = والدمع من عيني جراما بعـد خــــف كـــلما مـــسحته مــن نظيري دفق ماه = سال وهتف دمعي شراذارف النــف من ليعتــي اصفـــج يســـاري بيمنـــاه = والعي كما ورق على عالــــي الرف وتــــــوق بصـــواتي ونــا اقول ويلاه = قلبي امتيم يا مـــلا والعقــــل خـــف حــرام نومـــي يـــا مـــلا مـــا تهنـــاه = حالي عليل وصفج الكـــف بلكــــف على وليف مــــا رحمنــــي بحسنــــاه = خذ مهجتي وقفا ولا بــــي تلـــــطف ونا اصـرح لـــــه شفيـــــج أبلامـــــاه = مثل اليتيم اللــي علــــى أمه تهنـــف يذوب قلبــــي يم بسمــــــع بطــــرواه = لنه فريـد الحســــن ما كاد يوصـــف كالشمس في جلباب طلعـــــة محيــــاه = كالبدر ليمنه كمــل عــــد ونصــــف له جـــادل ظافـــــي ايلي قام يسحــــاه = طايح على امتونـــه ردوم ترظــــف والعين سودا كنــــها حبـــــر فـــــدواه = زحياي مقرون كما النون وعطـــف واللي تبتسم لــــــي وبانـــــت ثنايــــاه = شبه بالرد والا كما أرقــوم تصــــف والريج معسول اللما صافــــــي مــــاه = يشفي عليل مـــن شفاتـــه ترشــــف والقد مملاي علــــى زمــــت اصبــــا = نابي ردوف وناحل الخصر وهيــف يمشي شرا مشي العطا يقصر أخطــاه = محلا ليـــــــمنـــــه مشا بالتغريـــف حبه بخص لغواد يا نــــاس وقصـــــاه = شط بوليع مــــن مصابــــه تكلــــف عقب اجتماع يا مـلا صــــار هويــــاه = أقفــا وخلانــــي دريـــــل اتنســــف بيني وبينه دارو اسبـــــــور ووشــــاه = يسعــون بلفرقــــا عليـــــه تعنـــــف وسبحت مقطوع الردا مـــن ملامــــاه = عزيل حالـي ما لبكــــا والتحســــف والشو حياتـــي يا نـــــدا مــــا أبليــــاه = تمظي ونا ما نلت من مطلبي شـــف والصبح يوم أثور يا نــــــاس ملقـــــاه = لثر نــــقص ولا تحييــــــد يعــــرف |
طاح الشره يا نـور لعيـان
يا ساكن عيوني و اداريـك لولا غلاك العذب مـا كـان أعاتبك و ازعل و اراضيك انته لنبض القلـب شريـان ينبض وداد عـذب يرويـك رضاك عندي مالـه أثمـان في ناظري محـد يساويـك انا الـذي مولـع و هيمـان اسأل عـن عيونـي لياليـك تدري عن أفراحي والأشجان تدري عن اللي فيه و فيـك يا سيدي يـا عالـي الشـانان او فؤادي ملك في ايديـك لا هنت يالغالـي و لا هـان قدرك و لا هانـت معانيـك راضي عليك و خاطري زان ولا عاش من يقدر يجافيـك قال المثل من سالف ازمـان يشره عليك اللـي مهاويـك |
محلا املاقا الحبايـب
عقب السفر لي جيت لي من نظرته لايـب رحبت به و الفيت ابه تنـال الرغايـب نفسي يلـي لاقيـت لوكان عنـي غايـب هو في الخيال الفيـت اخاطبـه وا وايــب او لي من طرى فزيت مع نسمات الهبايـب لندبت لـه او حييـت شرق او عطر ذايـب وامن الشعر له بيـت انشبنـي بالنشايـب او في شفه اتوزيـت يا بن علي يا ثايـب كم في الهوي ونييت كم قاسيت العجايـب في شفهـم واخفيـت متشربـك بالنشايـب والكـم انـا تعنيـت |
البارحه يوم الملى بايت ذهيل والنود خيم عالمداين وانتشر
لا من صدى يسري ولو حتى دليل والليل رماس يلي من المطلع ظهر نسنس نسيم الريف من مطلع سهيل وارق عيون معودات عالسهر ياليتٍ قمره بها بات الوجيل يتذكر ايام مع الماضي ثمر رعى يوم يوم كان ماضينا جميل بلا تعب يتنا الفوايد بالبهبر واليوم ما عندي من المحنه وسيل قل احتيالي والزمن ابيه غدر دار الزمنا وصرت في جوره ذليل وامنت بي ما كتب رب البشر اتكسرت جنحان طير مستطير يجني ثمار اللوز من روس الشجر ما في خطر على بال خلاني تشيل اضعونهم والدم ميراهم قفر بعد اللما في دار تحجيها الظليل يلي شجرها يرتوي صافي النهر واليوم منها راعي العود اليميل شد الرحيل وراد بأخيار السفر وين اتجه عساه في حفظ الجليل له بدعي الله يجيره من كل الخطر يا زين بشرحلك من القلب الوجيل حالت غريم بعد فرقاكم عبر صاب الحشا رجاف ساعات الرحيل والقلب جنه طود بألغام انفجر له من السفر ما طابلي صبح ومجيل من حيرتي تميت مشغول الفكر يا كم انا اون من اليرح المليل الي اصيب افؤادي من ايام الصغر الحب صوبني وخلاني عطيل بريد عضايه وانحنى صلب الظهر لي شفت خلي بعد هجران طويل شوفه ينسيني همومي والضجر |
بايت على جمر الغضى
ساهر وتشهد لي النجوم ما ذاللي لي جفن وغضى وما ذقت لحظة بذوق نوم فاض الشعر مني وفضى بين بمخفي العلوم ياخل لك قلبي ارتضى مطبوع لك فيه الرسوم اسبح لك بجو الفضى واطير لك فوق الغيوم امجدل وبات ارفضه باشوم وين انته تشوم حالي من الفرقى نضى تصلاه نيران السموم من الجفى متمرضى هيمان في رويه وحلوم قلبي بحبك ينبضى وذكرك على اللسان دوم عنك فلا اتعوضى شرواك في الحور معدوم اتوسل اطلبك الرضى ماشي عليك وباللزوم تسمح على كل ما مضى وتعطف وتغدي لي رحوم لا تستمع للمبغضى وتزيدني هم ٍ واللوم راضي بالي تفرضى لو كنت في حكمك ظلوم يا بن علي حكم القضى اعيش من خلي محروم بندب عني مفوضى يا شيخ ترضي المحشوم |
غناء:- ميحد حمد
الغنيه من كلمات :- خليفه بن محمد الرميثي وألحان : - فايز السعيد يا مالكـ "ن" قلبي وعقلي وفكري يالغالي ياللي في وسط روحي تسكن حيرتني ما بين ادري ومدري كل ما سألتك قلتلي مدري يمكن اسألك بالله وبغلاتي وقدري ما دام حبك في حشايه تمكن جاوب سؤالي ولا تحير لي أمري بتصيف" ف " باريس ولا " ف " لندن اشتاق لكـ وأحن لكـ وانت عمري وأدري بكـ انكـ مثلي تشتاق وتحن واللي " ف" صدري تدري " ش " اللي " ف" صدري هذا خفوقي كان ما خانني الظن حبكـ مع دمي يا محبوبي يسري " ف " عروقي " ف " شرياني يا صغير السن بدري على غيركـ يذوبني بدري من غيركـ اللي ساكن عيوني بس من آسرتني بحبكـ وعاجبني يسري ولو قالوا انه آسرك قلت أحسن خلوه كيفه يبيع فيني ويشري عذبني أكثر يا حبيبي وتفنن انته الوحيد اللي غرامه " ف " صدري وانته الوحيد اللي " ف " حشايه تمكن بس تكفى جاوبني ولا تحير لي أمري بتصيف " ف " باريس ولا " ف " لندن |
الله يعطيج العـــافيه جعلانيه على هالمجهود الكبير والحلو
بس انا هالاغنية أموت عليها جنان وايد حلوه يوم شافوني انا بقربك ابعدوني عنك يالغالي مادروبي كم انا احبك يا سعادة عمري وفالي من غلاك اخترت انا دربك دون لا افكر ولا ابالي صرت احبك صرت مغرمبك صرت عمري اول وتالي مهجتي وعيوني اتحبك ونتشي لي شفتك اقبالي وانسى من حولي وافكربك كني في كوني لحالي دامني عايش وسط قلبك وانته في قلبي وفي بالي مايفرقنا سوى ربك الكريم الواحد العالي ربي يوفقج ويعيطج العافية السموحه :: غرور |
اقتباس:
الله يــــــ ع ــــآآآآفي قليبـــــــــج الغآآآآآآآليه ..^^ ووتسلميــــــــن ع المـــــــروور ح ــــــــبووبه .^^ شــآآكرهـ لج هالطلـــــــــه الــ ح ــــــلووهـ ..^^ لآلآلآلآلآلآهنتــــــي ..^^ |
جعلانيه طر لا هنتي ابا قصدتين
وحده لشيخ زايد رحمه الله شطن بي الغزلاني الهن عيانن سود ::::::::::: وسولعي وزاني من تابعه مجهول والقصيده ثانيه وشلي حصل وش صار تمشي على خطين :::::::::: تمشي على درب الهوا عكس قانونه وابي اعرف من كاتبنهااااااااا |
اقتباس:
رررررررررآآآع ــــــــــي ج ـــــــــرررنـــــــآآآ ..^^ |
مطلووبــــــــــــــك ياااااااااااارررآآع ــــــــــي ج ـــرررررررنــآآآآآآآآآآ ..^^ شطـن بــي الغـزلانـي لي الهـن عيـان سـود والسـولـعـي وزانـــي فـي امتابعـه مجـهـود إمــن الــوزا ظميـانـي أولا نلت لـي مقصـود او حقه ذرب المعانـي ســـلام عـــد الــنــود واعـداد شرتـا وانــي لـي ينـعـش الميـهـود بـنــاتــه زعــفــرانــي ومسـك ونفحـه عـود مــا يحـتـرم لانسـانـي إلا بـخـصــال الــيــود إن كـان مــن الشـبـان والا كـهــل امــعــدود الشـهـم لــه مـيـزانـي حشمـه او قـدر عـود يـا ذا الشبـاب البـانـي بـادر أو قــم بجـهـود او لا تقـلـد الدلـهـانـي لــي مــا وراهــم زود وترى الردي والدانـي فــي سعيـهـم منـقـود شمر الوقـت إن زانـي واعمـل شـرى ليـدود وعسى شباب اوطاني يحظـى بمجـد أوفــود رررآآآآآآآآآآئعــــــــــه من رروواائع فقيـــــــــــــد الأمه ..^^ |
الله يا وقت مضى وايام مرت وين.. ايام عهد الوفا ويقال يا عونه
ان كنت راضي في طريجك وشفته زين..عسى ان قلبك عند ناس يدارونه يا ذا المعنا وش خبر طيرك الشاهين.. قنص طيركم ولا بعدكم تربونه؟؟ جانه شرا توق الوحش صار له طلعين.. ما حيد الطلع تم يتخايل اظنونه ان جان طلعه هوب راكد ترف العين.. يشوف الهدد من البعد غيره يهدونه لا تهد طيرك وفوق جو السما هنتين..خايف هداده يكسر الحوم من دونه يا بن خليفه عزوتي يا نظير العين.. نداري وندري اللي بعدهم يدارونه بالله خبرني وقلي يا كحيل العين.. نفس الفتى في مركز العز مصيونه يا عاذلي فالهوا ما تنصح المخطين.. قلب المعنى يعرض حد مسنونه ارا الحق انا لهل الهوا يتبع الجافين.. يغفلون ويصدون عن طالب ديونه مدري تعمد يا عميلي اذا ناسين.. عن الحق واهل الحق للحق يوفونه انا اراقب بيانك غبت من حولين.. هل كيف يا سيدي الذي فات تنسونه وش لي حدث وش صار تمشي على خطين.. تمشي على درب الهوا عكس قانونه تغنم زمانك واكسبه دام وقتك زين.. ترا العمر يفنى مثل زرعن يحشونه تسعد وتهنى بالمحبه مع الغالين.. تهنى بخل سابق الوقت من دونه والســـــ م ــووح ــــــــــــه ع آآلقصــــــــوورر |
جعلااااااااااااااااااانيه
والله انج كفو و مفيج حيله ومجصرتي وتسلمين بس تعرفي هالكلمات لمن:::::::: لاني احب اعرف القصيده ومن كتبهاااااااااا الله يا وقت مضى وايام مرت وين.. ايام عهد الوفا ويقال يا عونه |
القصيــــــــــــددده للشاعر الدكتور مانع سعيد العتيبه ...^^
والسمــــــــــــووح ــــــــه منكـ ..^^ |
تسلمين اختي ع القصايد الحلوه
يعطيج العافيه |
| الساعة الآن 08:09 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][